Ester 3:15 - Biblia Tetun Dili

¹⁵ Bainhira liurai haruka nia ema sira nebee lori lia menon baa lalais, i sira lori kedas surat orden nee ba fatin hotu-hotu. Iha sidade Suzan, sira lee surat nee para ema hotu bele hatene. I liurai tuur haan-hemu hamutuk ho Amaan. Maibee povu iha sidade Suzan sira nia laran la hakmatek ho bainhira sira rona lia menon nee.

Ester 3:15 Iomraidhean Croise

Jenesis 37:25

I sira fila ba haan. Sira sei haan hela, derepenti haree ema grupu ida liu. Ema sira nee kontratu nain; sira tula sasaan iha kuda kamelu atu faan. Hanesan ai been morin, temperus, ho ai-moruk oi-oin. Afinal grupu nee ema Ismael, mai hosi aldeia Gileade halo viajen ba rai Ejitu hodi faan sira nia sasaan.

Ester 1:10

Bainhira too ona loron hitu iha festa ikus ona, liurai Ahasuweros haksolok teb-tebes tanba hemu ona tua barak. Entaun nia haruka nia funsionariu nain hitu nebee serbii nia iha palasiu nee, maka: Mehuman, Bista, Harbona, Bigta, Abagta, Setar, ho Karkas,

Ester 4:16

“Baa halibur ema Judeu hotu iha sidade Suzan nee. Hau husu ba imi jejun no harohan mai hau loron tolu, kalan tolu. La bele haan, no la bele hemu buat ida. Hau ho hau nia ema feto sira nebee serbisu mai hau nee mos jejun no harohan hotu. Depois, hau sei baa koalia ho liurai, maski kontra lei. Se karik hau tenki mate ba ida nee, hau prontu mate.”

Ester 8:15

I bainhira Mordekai sai hosi liurai nia palasiu, nia hatais ropa azul ho mutin, hanesan bai-bain liurai sira hatais. Nia tau koroa osan mean iha nia ulun, ho faru naruk hosi hena kabas hosi Ejitu nebee enfeita ho koor uvas. Bainhira ema iha sidade Suzan rona novidade nee, i sira haree Mordekai nia ropa kabas finu, sira haksolok no hakilar rame-rame.

João 16:20

Diak liu imi buka hatene. Hau hatete loloos ba imi nunee: imi sei tristi no tanis, maibee ema seluk iha mundu nee sira haksolok. Maski imi laran tristi nunee, maibee depois imi sei haksolok fali.

Apokalipse 11:10

Ema iha mundu tomak kontenti tanba sasin nain rua nee mate tiha ona, tanba sira nain rua halo terus ema iha mundu tomak. Nunee sira rame-rame halo festa i foo prezenti ba malu.