Ester 3:12 - Biblia Tetun Dili

¹² Nunee iha loron 17 fulan Abril, Amaan halibur liurai nia ema sira nebee hakerek surat. Sira hakerek surat dekretu ida tuir loloos saida mak Amaan haruka. Sira hakerek foo ba governador ida-idak iha provinsia ida-idak. Sira foo mos ba povu ida-idak no ba katuas lia nain sira iha suku-suku. Sira hakerek tuir povu iha provinsia ida-idak nia lian ho sira nia maneira hakerek rasik. Surat nebee atu haruka uza liurai Ahasuweros nia naran, i tau karimbu hosi liurai nia kadeli rasik nebee nia entrega ona ba Amaan.

Ester 3:12 Iomraidhean Croise

Ester 1:22

Depois nia haruka nia funsionariu sira hakerek surat, tuir povu ida-idak nia lian i hakerek dehan, “Tuir buat nebee loos, maka mane ida-idak mak xefi iha nia uma kain rasik, i koalia iha sira nia uma uza sira nia lian rasik.” Depois liurai haruka surat nee ba iha provinsia 127 nebee nia ukun.

Ester 3:11

Liurai foo hatene ba Amaan dehan, “Osan sira nee konformi o deit. I o hakarak halo saida ba povu nee mos, konformi o.”

Ester 8:2

Entaun liurai hasai nia kadeli karimbu hosi nia liman fuan rasik nebee nia hetan fila fali hosi Amaan, i foo ba Mordekai. I Ester foti Mordekai hodi toma konta Amaan nia riku-soin hotu.

Ester 9:27

Hahuu hosi tempu nee, ema Judeu sira selebra loron boot durante loron rua hodi hanoin asuntu nee. Sira halo nunee tinan-tinan. Ida nee hanesan ona sira nia kostumi tinan-tinan, tuir buat nebee Mordekai hakerek ona ba sira, too sira nia oan no bei-oan sira.