Ester 2:13 - Biblia Tetun Dili

¹³ Bainhira too ona nia tempu para feto raan ida tama ba toba ho liurai, sira husik nia hili ropa tuir nia hakarak, tara korenti osan mean ka osan mutin tuir nia hakarak rasik. Nia bele husu saida deit hosi feto sira nia fatin iha palasiu nee.

Ester 2:13 Iomraidhean Croise

Ester 2:11

Loro-loron Mordekai lao baa-mai iha fatin nebee feto sira hela ba nee nia oin, hodi buka hatene oinsaa ho Ester nia moris.

Ester 2:12

Tuir regra, feto raan ida-idak tenki hela lai fulan 12 iha palasiu, foin too nia tempu ba toba hamutuk ho liurai Ahasuweros. Sira hotu tenki tuir regra hotu nebee foo ba feto sira iha palasiu. Regra sira nee mak: durante fulan 6, ema sira nebee serbisu pinta ema nee kose sira nia isin ho mina hosi ai-morin mira nia been. I durante fulan 6 tan, sira kose sira nia isin ho mina morin oi-oin ho pomada sel-seluk tan.

Ester 2:14

Bainhira atu kalan ona, sira lori nia ba iha liurai nia kuartu. Iha aban dadeer-saan, nia la bele fila fali ba fatin nebee feto sira halibur baa, tanba feto sira nee seidauk baa toba hamutuk ho liurai. Iha senhor ida tan ema kapa tiha ona, nia naran Sasgas. Nia mak tau matan ba grupu segundu nee. Bainhira liurai gosta feto raan ida, liurai husu mos nia naran, foin nia bele fila para ba toba fali ho liurai.