Ester 2:12 - Biblia Tetun Dili

¹² Tuir regra, feto raan ida-idak tenki hela lai fulan 12 iha palasiu, foin too nia tempu ba toba hamutuk ho liurai Ahasuweros. Sira hotu tenki tuir regra hotu nebee foo ba feto sira iha palasiu. Regra sira nee mak: durante fulan 6, ema sira nebee serbisu pinta ema nee kose sira nia isin ho mina hosi ai-morin mira nia been. I durante fulan 6 tan, sira kose sira nia isin ho mina morin oi-oin ho pomada sel-seluk tan.

Ester 2:12 Iomraidhean Croise

Ester 2:11

Loro-loron Mordekai lao baa-mai iha fatin nebee feto sira hela ba nee nia oin, hodi buka hatene oinsaa ho Ester nia moris.

Ester 2:13

Bainhira too ona nia tempu para feto raan ida tama ba toba ho liurai, sira husik nia hili ropa tuir nia hakarak, tara korenti osan mean ka osan mutin tuir nia hakarak rasik. Nia bele husu saida deit hosi feto sira nia fatin iha palasiu nee.

Ester 2:3

Iha provinsia ida-idak, amu liurai bele foti ema balu sai funsionariu hodi buka feto bonita sira, i lori mai tau hamutuk iha muru forti nia laran, iha Suzan. Tanba iha nee iha ona senhor Hegai, nebee ema kapa ona. I amu liurai foti ona nia hodi toma konta feto sira iha palasiu. Nia mak xefi hodi kuidadu no tau matan ba feto bonita sira nee. Nia mos bele tau matan ba ema sira nebee serbisu iha salon para hadiak menina bonita sira nia kulit, nia fuuk ho sira nia ropa hotu.

Ester 2:9

Hegai gosta loos Ester, i hatudu nia laran luak ba nia. Nee mak nia foo ba Ester mina oi-oin, i haruka ema sira nebee serbisu iha salon ajuda halo nia sai bonita liu tan. Nia foo ba Ester hahaan nebee furak, i haruka feto nain hitu hosi palasiu para ajuda nia. Depois nia muda Ester sira ba fatin nebee diak liu iha feto sira nia fatin iha palasiu.