Ester 10:2 - Biblia Tetun Dili

² Buat hotu nebee liurai halo, buat hotu nebee hatudu nia kbiit, buat hotu nebee akontese, kona ba ema Judeu sira nia asuntu nebee halo liurai Ahasuweros foti Mordekai sai ema boot nee, funsionariu sira iha palasiu hakerek hotu iha Livru Istoria Liurai Ema Media ho Ema Persia sira nian.

Ester 10:2 Iomraidhean Croise

Ester 2:23

Bainhira liurai nia ema sira investiga didiak asuntu nee, afinal loos duni. I sira kastigu mate ema nain rua nee tuu iha ai riin too mate. Istoria sira nee hotu, sira hakerek iha liurai nia livru istoria nian. Tempu nee, liurai mos haree rasik sira hakerek ida nee.

Ester 6:1

Iha kalan nebaa, liurai toba la dukur. Entaun nia haruka dehan, “Lori mai livru nebee hakerek buat hotu-hotu nebee akontese ona, hahuu hosi sira foti hau sai liurai!” I ema baa foti livru nee, hodi lee ba liurai rona.

Ester 8:15

I bainhira Mordekai sai hosi liurai nia palasiu, nia hatais ropa azul ho mutin, hanesan bai-bain liurai sira hatais. Nia tau koroa osan mean iha nia ulun, ho faru naruk hosi hena kabas hosi Ejitu nebee enfeita ho koor uvas. Bainhira ema iha sidade Suzan rona novidade nee, i sira haree Mordekai nia ropa kabas finu, sira haksolok no hakilar rame-rame.

Ester 8:2

Entaun liurai hasai nia kadeli karimbu hosi nia liman fuan rasik nebee nia hetan fila fali hosi Amaan, i foo ba Mordekai. I Ester foti Mordekai hodi toma konta Amaan nia riku-soin hotu.

Ester 9:4

Ema iha provinsia 127 hatene ona katak, liurai foti ona Mordekai iha nia palasiu, i Mordekai nia naran mos lemo rai iha fatin ba fatin. I nia podeer aumenta liu tan.