Ester 1:4 - Biblia Tetun Dili

⁴ Iha festa nee, nia hatudu nasaun nia riku-soin hotu ho nia kbiit tomak. Sira hatais ropa mesak didiak no folin karun i sira hadiak aan ho osan mean no mutin. Festa nee durante loron 180.

Ester 1:4 Iomraidhean Croise

Ester 1:3

Bainhira nia ukun ona tinan tolu, nia halo festa boot ida ba nia funsionariu no ema boot sira hotu. Nia mos konvida komandante militar hosi Persia no Media sira, governador hosi provinsia sira, no ema boot sira seluk. Sira hotu marka prezensa.

Ester 1:5

Bainhira loron 180 nee hotu ona, liurai hakarak taka buat hotu ho festa loron hitu nebee boot liu tan. Ema hotu nebee hela iha muru laran, kiik ka boot halo festa rame-rame iha palasiu nia muru laran.

Mateus 4:8

Depois diabu lori tan Jesus ba iha foho ida aas teb-tebes nia tutun, i hatudu ba Jesus reinu hotu-hotu iha mundu tomak ho sira nia rikusoin hotu.

Mateus 6:13

Keta husik ami monu ba tentasaun, maibee hasai ami hosi buat aat. [Ita Boot mak Liurai, Ita Boot mak Kbiit Nain, Ita Boot mak ema hotu-hotu adora, too tinan ba tinan nafatin. Amen.]

Roma 9:23

Nia pasiensia lai ho sira nunee para hatudu ba ema hotu-hotu katak, Nia laran diak teb-tebes ba ita nebee mak Nia hadomi; ita nee mak Nia prepara antes tiha ona atu aban-bainrua Nia sei foti aas ita.

Efezu 1:18

Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

Apokalipse 4:11

“Maromak ami nia Nai, Ita Boot mak serve atu ema hotu-hotu hahii no foti aas Ita nia naran, tanba Ita Boot mak forsa teb-tebes, Ita Boot mak halo buat hotu-hotu. Buat sira nee hotu iha tanba Ita Boot mak hakarak.”