Ester 1:18 - Biblia Tetun Dili

¹⁸ Favor rona mai hau. Loron ohin mos, ema boot sira hosi Persia ho Media sira nia kaben mai hotu festa iha palasiu nee, klaru ke sira rona ona nia hahalok nee. Nunee sira mos sei hasoru sira nia laen. I sira sei istori malu bebeik, la para.

Ester 1:18 Iomraidhean Croise

Ester 1:17

Tebes duni feto hotu-hotu nebee iha liurai nia ukun rona nia hahalok nee. Nunee sira sei la rona tan sira nia laen, tanba sira sei dehan, ‘Liurai Ahasuweros haruka nia kaben mai hasoru nia, maibee nia lakohi mai.’ Entaun sira sei la respeita tan sira nia laen.

Ester 1:19

Nunee deit amu liurai, hau nia hanoin mak nee: se amu liurai hakarak, amu asina surat dekretu ida. Tau karimbu ba surat nee para ema hatene katak, nee mai hosi lei no orden ema Persia no ema Media nian, i la bele muda no la bele dada fali. Surat nee tenki hakerek dehan, liurai nia kaben Vasti la bele mai tan iha liurai nia oin. Maski dala ida deit mos la bele. I foo nia fatin ba feto ida nebee diak liu, nebee respeita nia laen, mak liurai rasik.