Ester 1:1 - Biblia Tetun Dili

¹ Istoria nee akontese bainhira liurai Ahasuweros kaer ukun iha Persia. Nia ukun provinsia 127, hosi India too Etiopia.

Ester 1:1 Iomraidhean Croise

Ester 10:1

Liurai Ahasuweros foo orden para haruka ema hotu iha nia reinu selu impostu hosi kosar been toos nian, hodi serbisu. Orden nee mos too iha tasi sorin balu baa.

Ester 2:3

Iha provinsia ida-idak, amu liurai bele foti ema balu sai funsionariu hodi buka feto bonita sira, i lori mai tau hamutuk iha muru forti nia laran, iha Suzan. Tanba iha nee iha ona senhor Hegai, nebee ema kapa ona. I amu liurai foti ona nia hodi toma konta feto sira iha palasiu. Nia mak xefi hodi kuidadu no tau matan ba feto bonita sira nee. Nia mos bele tau matan ba ema sira nebee serbisu iha salon para hadiak menina bonita sira nia kulit, nia fuuk ho sira nia ropa hotu.

Ester 8:9

Iha loron nee mos, loron 25 fulan Junhu, Mordekai haruka liurai nia sekretariu sira hotu halibur, i foo orden ba sira hakerek surat dekretu tuir loloos saida mak Mordekai hatete ba sira. Surat sira nee, sira foo ba ema hotu-hotu, hanesan: ema Judeu, funsionariu, governador, ema boot sira iha provinsia 127 nebee namkari hosi India too Etiopia. Sira hakerek tuir povu iha provinsia ida-idak nia lian no sira nia hakerek rasik. Sira hakerek ba ema Judeu sira uza sira nia lian Ebreu no hakerek mos Ebreu.

Ester 9:30

Surat sira nee haruka ba ema Judeu sira hotu nebee hela iha provinsia 127 nebee liurai Ahasuweros ukun dehan, “Hodi imi hotu bele moris paz, dame, no hakmatek.”