Efezu 5:9 - Biblia Tetun Dili

⁹ Ema nebee moris iha naroman, nia sei halo buat diak, moris loos, i koalia loos.

Efezu 5:9 Iomraidhean Croise

Mateus 3:8

Importante mak imi tenki muda imi nia hahalok hodi hatudu katak imi husik duni imi nia sala.

João 1:47

Bainhira Natanael lao mai, Jesus haree nia, i dehan kedas, “Nia nee ema laran moos! Iha nia laran, la iha bosok. Nia, ema Israel isin!”

Roma 15:14

Maun-alin sira, hau fiar katak imi nia laran diak teb-tebes, imi komprende ona buat barak, i imi bele ona hanorin malu.

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

Efezu 4:15

Maibee ita so koalia lia loos hodi hatudu domin ba malu. Se ita halo nunee, neneik-neneik ita sai hanesan Kristu iha ita nia moris tomak. Kristu nee mak ita nia Ulun.

Efezu 4:25

Nee duni, la bele bosok tan. Imi koalia ba malu, tenki koalia loos, tanba ita hotu hanesan isin lolon ida.

Efezu 6:14

Entaun, hamriik metin baa. Kaer metin lia loos; nee hanesan imi kesi sintu iha imi nia kanotak. Moris loos; nee hanesan imi hatais besi iha hirus matan para defende aan.

Filipi 1:11

Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.

Kolose 3:18

Imi feen sira, hakruuk ba imi nia laen, tanba ida nee imi nia obrigasaun nudar ema nebee tuir Nai Jesus Kristu.

1 Timóteo 6:11

Timóteo, o Nai Maromak nia ema. Nunee, hadook aan hosi buat aat sira nee hotu, i hakaas aan atu moris iha lia loos, tuir Maromak nia hakarak. Hakaas aan hodi fiar nafatin ba Jesus Kristu, hadomi ema seluk, aguenta iha terus laran, i laran maus.

Ebreu 1:8

Maibee ba Nia Oan, Maromak dehan, “O nee Maromak, O sei ukun tinan ba tinan. O sempre ukun O nia reinu ho lia loos.

Ebreu 11:33

Sira hotu fiar ba Nai Maromak. Nee mak sira balu manaan nasaun seluk, balu ukun nasaun ho loloos, i balu simu buat nebee Nai Maromak promete atu foo ba sira. Balu taka leaun nia ibun,

1 João 2:29

Imi hatene ona katak Jesus Kristu sempre halo buat nebee mak loos. Nunee bainhira ema halo bebeik buat nebee mak loos, imi konhese katak, ema nee Nai Maromak nia oan.

3 João 1:11

Irmaun Gaio nebee hau hadomi, la bele halo tuir ema nia hahalok aat, maibee halo tuir nafatin ezemplu nebee diak. See mak halo buat diak, nia Nai Maromak nia ema. Maibee see mak halo buat aat, nia seidauk konhese Nai Maromak.