Efezu 5:8 - Biblia Tetun Dili

⁸ Uluk imi moris iha nakukun laran. Maibee agora, imi laran ida ho Nai Jesus i tama ona iha naroman. Nee mak imi tenki moris hanesan ema nebee moris iha naroman.

Efezu 5:8 Iomraidhean Croise

Mateus 3:8

Importante mak imi tenki muda imi nia hahalok hodi hatudu katak imi husik duni imi nia sala.

Mateus 4:16

Iha rai nee, uluk ema moris iha nakukun laran, maibee agora sira hetan ona naroman boot. Iha sira nia rain, uluk nakukun atu lori sira ba mate tinan ba tinan, maibee agora Naroman mosu ona hodi leno sira.”

Lucas 1:79

hodi leno ema nebee moris iha nakukun laran ho ema nebee tauk mate, hodi lori ita ba dalan dame nian.”

Lucas 16:8

Maski nia halo manipulasaun nunee, maibee too ikus nia patraun gaba nia, tanba nia hatene halo manobra.” Jesus hatutan tan dehan, “Loos duni, ema mundu nian hatene liu halo manobra duke ema nebee moris iha naroman laran.”

João 1:9

Tan Ema nee mak Naroman loloos, nebee mai iha mundu nee. Naroman nee hatudu momoos buat nebee loos ba ema hotu.

João 12:35

Jesus hataan, “La kleur tan, Hau nia naroman la foo tan naroman ba imi. Nunee bainhira Hau sei iha nee, imi tenki moris loos, para nakukun la bele taka naroman nebee iha imi nia laran. Tanba ema nebee lao iha nakukun, nia la hatene atu baa nebee.

João 12:36

Bainhira imi sei iha naroman, imi tenki fiar mai Hau, nunee imi bele sai ema nebee moris iha naroman, para imi hatene atu baa nebee.” Jesus koalia tiha nunee, Nia mos dada aan hosi ema barak nia leet, para Nia bele mesak.

João 12:46

Hau mai atu sai hanesan naroman ba mundu nee, para ema hotu nebee fiar ba Hau la moris iha nakukun laran.

João 8:12

Depois Jesus koalia tan ho ema barak nee dehan, “Hau mak naroman hodi leno ema iha mundu nee. Ema nebee tuir Hau la moris iha nakukun, maibee nia hela iha naroman nebee lori moris loloos.”

Apostolu sira nia Istoria 17:30

Uluk ema halo buat sira nee tanba seidauk komprende. Nee mak Nai Maromak foo perdaun ba sira. Maibee agora, Nia lakohi atu ita moris tan nunee. Nee mak Nia foo orden dehan, ema hotu-hotu tenki husik ona lulik, i tuir deit Nai Maromak.

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Roma 1:21

Maski sira konhese Maromak, maibee sira lakohi foti aas Nia naran nudar Maromak, i lakohi foo agradese ba Nia. Sira nia hanoin la loos ona, sira nia neon mos nakukun tiha.

Roma 13:12

Kalan boot liu ona, rai besik loron ona. Tanba nee, ita tenki soe tiha hahalok nakukun nian hodi uza fali ekipamentu funu naroman nian.

Roma 2:19

Imi fiar aan dehan, imi bele hatudu dalan ba ema matan delek. Imi konsidera imi nia aan hanesan naroman nebee leno ema nebee moris iha nakukun laran.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

2 Korintu 3:18

Agora ita hotu nia oin la taka ona, ema bele haree Nai nia naroman nabilan iha ita. Tanba Maromak nia Espiritu transforma ita nia aan too ita sai hanesan ita nia Nai. Nunee Nia halo naroman nee nabilan ba bebeik iha ita nia aan.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

2 Korintu 6:14

La bele kesi metin ho ema nebee la fiar ba Kristu. Hanoin took. Ema nebee moris loos bele par ho ema nebee halo buat aat ka? Naroman bele hamutuk ho nakukun ka? Lae!

Galasia 5:25

Espiritu Santu foo ona moris foun mai ita, nunee ita tenki moris tuir Nia hakarak.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Efezu 4:18

Sira nia neon nakukun hela. Sira moris dook hosi Maromak, tanba sira ulun toos, i lakohi hatene Maromak nia dalan.

Efezu 5:2

Hadomi malu, hanesan mos Kristu hadomi ita, too Nia foo Aan ba mate hodi troka ita. Ho Nia mate nee Nia sai hanesan sakrifisiu morin nebee halo haksolok Nai Maromak.

Efezu 6:12

Tanba ita funu, laos hasoru ema. Maibee ita funu hasoru forsa sira hosi diabu nian nebee ita la haree, hasoru espiritu aat oi-oin nebee ukun iha nakukun laran.

Kolose 1:12

Ami harohan para imi foo agradese bebeik ba Aman Maromak ho laran haksolok. Nia mak loke dalan para imi bele simu bensaun nebee Nia prepara tiha ona ba Nia povu santu iha lalehan. Nia hasai tiha ita hosi forsa nakukun nia ukun, hodi hatama ita ba iha Nia Oan doben Jesus Kristu nia reinu naroman.

Tito 3:3

Tanba uluk, bainhira ita seidauk konhese Nai Jesus, ita beik-teen hela no moris iha sala nia laran. Ita lakohi rona Nai Maromak, lao sala dalan i hakarak halo aat saida deit. Ita nia moris nakonu ho hanoin aat, laran moras ema, i odi malu.

1 João 1:7

Maibee se ita moris iha naroman laran, hanesan mos Nai Maromak, entaun ita nia relasaun ho ema fiar sira sai metin, i Nia Oan Jesus nia raan sei hamoos ita nia sala tomak.