Efezu 5:6 - Biblia Tetun Dili

⁶ Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

Efezu 5:6 Iomraidhean Croise

Mateus 24:24

Tanba ema sei mai bosok imi dehan sira mak Kristu ka sira Maromak nia profeta. Sira sei hatudu sinal oi-oin no milagre sira nebee halo ema admira. Nunee sira bele lohi ema barak para lao sala dalan. Too ema nebee Maromak hili ona mos sira hakarak bosok hotu.

Mateus 24:4

Jesus hataan, “Matan moris neon nain para ema la bele bosok imi.

Marcos 13:22

Tanba ema sei mai gaba aan, dehan, ‘Hau mak Kristu!’ Iha seluk tan dehan, ‘Hau Nai Maromak nia profeta nebee tatoli Nia liafuan. Imi rona mai!’ Sira sei halo milagre oi-oin ho diabu nia forsa hodi bosok ema. Sira mos sei tenta Nai Maromak nia ema para sira bele monu.

Marcos 13:5

Jesus hataan, “Imi tenki kuidadu didiak, para ema la bele bosok imi.

Roma 1:18

Maromak iha lalehan hatudu sai katak, Nia hirus teb-tebes ema nebee moris iha sala no ema nebee hahalok aat. Sira nia hahalok aat nee taka ema seluk nia matan atu la bele haree dalan loos.

Kolose 2:18

Se ema ruma kritika imi tanba imi la tuir regra nebee sira rasik mak halo, lalika rona. Sira hanorin dehan, ita tenki haraik aan hodi adora fali anju. Keta tuir! Se lae imi sei la simu prémiu nebee Nai Maromak promete tiha ona atu foo ba imi. Ema sira nee hatete, vizaun mak hatudu regra nee ba sira, i sira foti aan dehan, sira diak liu ema seluk. Maibee lae. Sira inventa deit tanba sira nia hanoin tuir deit mundu nia hanoin.

Kolose 2:4

Hau foo hatene buat sira nee ba imi, atu ema la bele bosok imi ho liafuan midar.

Kolose 2:8

Kuidadu! La bele monu tuir ema nebee bosok imi para lao sees fali hosi dalan loos. Tanba sira nia hanorin nee la huun la dikin, so mai deit hosi matenek ema nian ho regra mundu nian, laos mai hosi Kristu.

Kolose 3:6

Sala sira nee halo Nai Maromak hirus teb-tebes, too Nia mos desidi kastigu ema sira nebee lakohi rona Nia.

2 Tesalonika 2:3

Keta husik ema bosok imi. Tan ema aat ida sei mai uluk, foin Nai Jesus mai. Ema nee sei kontra makaas Nai Maromak. Nia mos sei dada ema barak hamriik kontra Nai Maromak. Nia demais liu ona too nia tenki tama infernu.

Ebreu 13:9

Nunee se ema ruma hanorin buat falsu oi-oin, keta halo tuir hodi sees hosi dalan loos. Atu hametin imi nia laran, imi tenki depende ba Maromak nia grasa. La bele depende fali ba regra kona ba haan-hemu, tanba regra sira nee la iha folin mai ita.

Ebreu 3:19

Nunee ita hatene ona katak, sira la tama iha fatin deskansa nee, tanba sira lakohi fiar ba Nai Maromak.

1 Pedro 2:8

I hakerek mos nunee: “Fatuk nee halo ema sidi, i halo sira monu.” Sira sidi iha fatuk nee tanba sira lakohi rona Nai Maromak nia liafuan. I Nai Maromak mos desidi nanis ona atu sira sai nunee.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.