Efezu 5:5 - Biblia Tetun Dili

⁵ Hanoin didiak! Ema nebee halo relasaun seksual ho ema nebee laos nia feen ka laen, ka ema kaan sasaan, sira nebee adora lulik sei la halo parte iha Kristu ho Maromak nia reinu.

Efezu 5:5 Iomraidhean Croise

Apostolu sira nia Istoria 20:32

Agora ita atu fahe malu ona. Nunee hau entrega imi hotu ba iha Maromak nia liman, atu Nia kuidadu imi. Imi tenki kaer metin liafuan nebee mak hau foo sai ona ba imi kona ba Maromak nia grasa. Liu hosi liafuan nee, Nai Maromak bele halo forti imi nia fiar, i sei foo ba imi buat hotu-hotu nebee Nia promete ona atu foo ba Nia povu.

Apostolu sira nia Istoria 8:21

O la iha direitu hola parte iha serbisu nee, tanba o nia laran la loos iha Maromak nia oin.

Galasia 5:19

Imi hatene momoos ona, ema nebee halo tuir isin nia hakarak, mak hanesan nee: halo relasaun seksual ho ema nebee laos nia lain ka feen, hanoin deit kona ba seksu nian no kaan relasaun seksual nebee la loos,

Galasia 5:21

kaan ema nia sasaan, lanu-teen, halo festa hodi halo relasaun seksual arbiru, i buat aat selu-seluk tan. Uluk hau foo hatene tiha ona ba imi, agora hau foo hanoin dala ida tan: ema sira nebee moris hanesan nee, sira la bele tama Nai Maromak nia reinu.

Efezu 5:3

Imi Nai Maromak nia povu santu. Nee duni, la bele iha imoralidade seksual iha imi nia laran. Atu hanoin deit hahalok foer sira nee mos, la bele. La bele kaan ema nia sasaan.

Kolose 3:5

Nee duni, imi tenki hamate tiha buat aat hotu-hotu hosi imi nia moris hanesan: relasaun seksual nebee la loos, hanoin foer kona ba seksual, kaan atu halo seksu arbiru, hakarak atu halo buat aat saida deit, ho kaan sasaan tanba nee hanesan o foti aas sasaan sira nee liu fali Maromak.

1 Timóteo 6:10

Tanba buat aat hotu-hotu nia huun mak hadomi osan. Iha ema balu buka demais osan, too sira husik tiha sira nia fiar. Nunee sira halo terus sira nia aan, hanesan sira rasik sona sira nia aan ho tudik.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

Ebreu 13:4

Ema hotu-hotu tenki respeita kazamentu. Feen-laen tenki foo laran ba malu. Tanba see mak iha relasaun seksual ho ema nebee laos nia feen ka laen, Nai Maromak sei kastigu nia.

Apokalipse 21:8

Maibee sira nebee hakiduk tanba tauk, sira nebee la fiar, ema nebee hanoin no halo sala foer oi-oin, oho-door, ema nebee halo relasaun seksual ho ema nebee laos nia feen ka laen, ema matandook no ema nebee kaer ai kulit aat, sira nebee adora lulik, ema bosok-teen, sira nee hotu-hotu Hau sei soe tama ba iha ahi lakan boot nia laran. Ida nee mak mate ba dala rua.”

Apokalipse 22:15

Maibee ema aat sira, ema matandook ka ema nebee kaer ai kulit aat, ema nebee halo sala adulteriu, oho-door, adora fali estatua lulik, ka gosta bosok, sira nee la tama ba lalehan, sei hela hotu iha liur.