Efezu 5:3 - Biblia Tetun Dili

³ Imi Nai Maromak nia povu santu. Nee duni, la bele iha imoralidade seksual iha imi nia laran. Atu hanoin deit hahalok foer sira nee mos, la bele. La bele kaan ema nia sasaan.

Efezu 5:3 Iomraidhean Croise

Mateus 15:19

Tanba hosi ema nia laran mak mosu sala sira nee: hanoin aat, oho ema, halo sala ho ema nebee laos o nia feen ka o nia laen, sala seksual selu-seluk, naok, foo sasin falsu i hatete aat ema.

Lucas 12:15

Depois Jesus dehan ba ema barak nee, “Kuidadu! Matan moris neon nain, para imi la bele kaan ema nia sasaan. Tanba ema nia moris la depende ba nia rikusoin.”

Lucas 16:14

Iha ema balu hosi grupu relijiaun Farizeu rona Jesus nia koalia nee, sira goza fali Nia, tanba sira hadomi liu osan.

Apostolu sira nia Istoria 15:20

Ita tenki hakerek surat ida ba sira, para sira lalika tuir ita nia lei hotu. Ita foo hanoin deit ba sira dehan, sira la bele haan naan nebee mak hamulak tiha ona ba lulik. Sira la bele halo relasaun seksual ho ema nebee laos nia feen ka laen. Sira la bele haan naan raan. I la bele haan naan animal nebee la koa kakorok halo raan sai.

Apostolu sira nia Istoria 20:33

Bainhira hau sei serbisu hamutuk ho imi, hau nunka hanoin atu husu imi nia osan mean, ka osan mutin, ka hena, ka buat saida deit.

Roma 1:29

Sira nia moris nakonu ho buat aat. Sira halo aat oi-oin, sira kaan-teen sasaan, i gosta odi ema. Sira laran moras ema, hanoin deit atu oho, gosta istori malu, bosok-teen, i laran aat. Sira gosta konta ema nia vida,

Roma 16:2

Simu nia ho didiak, hanesan ita sarani sira tenki simu malu, tanba nia tuir ita nia Nai. Se nia presiza saida deit, ajuda nia baa, tanba nia ajuda ema barak ona, no mos nia ajuda hau makaas.

Roma 6:13

La bele foo imi nia isin lolon para halo sala, hanesan fali buat nebee ema uza hodi halo sala. Maibee foo imi nia aan tomak ba Maromak, hanesan ema nebee uluk mate tiha ona, maibee agora moris. Nunee entrega imi nia isin lolon ba Nia para Nia uza hodi halo buat nebee mak loos.

1 Korintu 10:8

Ita la bele halo relasaun seksual nebee la loos hanesan sira balu. Tanba sira nia hahalok nee mak halo ema rihun rua-nulu resin tolu mate iha loron ida deit.

1 Korintu 5:1

Hau rona katak, iha ema ida hosi imi mak iha relasaun seksual la loos, nia hola fali nia aman nia feen kiik. Saida mak nia halo nee aat liu fali ema nebee mak la konhese Maromak.

1 Korintu 6:13

Ema balu mos dehan, “Ita haan para ita nia kabun bosu, ita nia kabun bosu ba hahaan.” Maibee too loron ida Maromak sei halo buat rua nee la iha tiha. Ita nia isin laos para halo relasaun seksual la loos, maibee para serbii Nai Jesus, i Nia mak Nain ba ita nia isin.

1 Korintu 6:18

Imi tenki halai dook hosi relasaun seksual nebee la loos. Tanba see mak halo relasaun seksual la loos, nia halo sala hasoru nia isin rasik, sala sel-seluk lae.

2 Korintu 12:21

Hau tauk, bainhira hau too iha nebaa, Maromak halo moe hau iha imi nia oin. Keta halo be hau mos laran tristi tanba imi barak nebee uluk moris iha sala nia laran seidauk hakribit imi nia sala. Imi sei nafatin la iha moral seksual, halo relasaun seksual ho ema nebee laos imi nia feen ka imi nia laen ho sala seksual oi-oin too la hatene moe.

Efezu 5:12

Maski nunee, imi tenki foo hanoin ba sira katak hahalok nebee sira halo sub-suber nee sala.

Efezu 5:5

Hanoin didiak! Ema nebee halo relasaun seksual ho ema nebee laos nia feen ka laen, ka ema kaan sasaan, sira nebee adora lulik sei la halo parte iha Kristu ho Maromak nia reinu.

Filipi 1:27

Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Kolose 3:5

Nee duni, imi tenki hamate tiha buat aat hotu-hotu hosi imi nia moris hanesan: relasaun seksual nebee la loos, hanoin foer kona ba seksual, kaan atu halo seksu arbiru, hakarak atu halo buat aat saida deit, ho kaan sasaan tanba nee hanesan o foti aas sasaan sira nee liu fali Maromak.

1 Tesalonika 4:3

Nai Maromak nia hakarak mak nee: Moris ho laran moos. La bele iha relasaun seksual nebee la loos ho see-see deit.

1 Tesalonika 4:7

Tan Nai Maromak bolu ona ita, laos atu moris tuir hahalok foer sira nee, maibee atu moris ho laran moos.

1 Timóteo 2:10

Diak liu imi preokupa halo diak ba ema seluk. Nee mak serve ba feto nebee dehan, “Hau adora Nai Maromak.”

1 Timóteo 3:3

Lideransa sarani nian la bele lanu-teen, i la bele baku ema, maibee tenki laran maus i gosta dame. Nia la bele hadomi liu osan.

1 Timóteo 6:10

Tanba buat aat hotu-hotu nia huun mak hadomi osan. Iha ema balu buka demais osan, too sira husik tiha sira nia fiar. Nunee sira halo terus sira nia aan, hanesan sira rasik sona sira nia aan ho tudik.

2 Timóteo 3:2

Ema sei hadomi deit sira nia aan rasik, i hadomi deit osan. Sira gaba aan, foti aan, hatete aat ema, kontra inan-aman, la hatene foo obrigadu, i la respeita Nai Maromak.

Tito 1:11

Ema sira hanesan nee, bandu tiha para la bele hanorin tan. Tanba sira halo uma kain barak dook hosi lia loos, i sira so buka manaan osan deit, nebee halo moe deit.

Tito 1:7

Tanba nudar presbiteru nebee toma konta Maromak nia serbisu maka nia tenki moris loos para ema la hatudu liman ba nia. La bele foti aan. La bele hirus-door, lanu-teen, baku-door, i la onestu ho osan.

Tito 2:3

Nunee mos ho ferik sira. Hatete ba sira para moris nudar ema nebee hamtauk ba Maromak. Sira la bele konta aat ema, i la bele buka deit atu hemu tua. Maibee sira tenki hanorin buat nebee diak.

Ebreu 12:16

Kuidadu para ema ida la bele halo sala seksual, ka moris la respeita Nai Maromak, hanesan Esaú. Uluk Esaú nee faan tiha nia direitu nudar oan mane boot para hetan deit hahaan bikan ida.

1 Pedro 5:2

tau matan didiak ba ema nebee mak Nai Maromak entrega ona ba imi. Haree didiak sira, laos tanba ema obriga, maibee hosi imi nia laran rasik, tuir Nai Maromak nia hakarak. Imi la bele serbisu hanesan ema nebee mak hakarak manaan osan deit, maibee tenki serbisu ho badinas hodi serbii Maromak nia povu.

2 Pedro 2:10

Kastigu nebee todan liu sei monu ba ema nebee toman halo buat foer tuir sira nia hakarak aat i hatete aat ema hotu nebee kaer ukun.

2 Pedro 2:14

Sira nia matan halai tuun-sae hodi buka feto para hodi halo sala foer ho sira. Sira sempre kaan atu halo sala. Sira buka ema nebee mak fiar seidauk metin hodi lohi ema nee para lao sala dalan. Sira ema karak-teen. Nee mak Nai Maromak foo ona malisan ba sira!

2 Pedro 2:3

Mestri falsu sira nee karakteen liu. Sira inventa istoria tuun-sae para haan-matak imi. Maibee hori uluk kedas Maromak desidi ona atu kastigu sira, i la kleur tan sira sei rahun.

Apokalipse 2:14

Maibee iha buat balu mak Hau la simu: Imi balu tuir fali Balaão nia hanorin. Uluk Balaão hanorin ema ida naran Balak para lohi ema Israel monu ba sala. Nunee sira haan fali hahaan nebee mak ema oferese ona ba estatua lulik, i sira mos halo relasaun seksual ho ema nebee laos sira nia feen ka laen.

Apokalipse 2:21

Hau foo ona tempu ba Jezabel atu hakribit nia sala nee, maibee nia lakohi.

Apokalipse 21:8

Maibee sira nebee hakiduk tanba tauk, sira nebee la fiar, ema nebee hanoin no halo sala foer oi-oin, oho-door, ema nebee halo relasaun seksual ho ema nebee laos nia feen ka laen, ema matandook no ema nebee kaer ai kulit aat, sira nebee adora lulik, ema bosok-teen, sira nee hotu-hotu Hau sei soe tama ba iha ahi lakan boot nia laran. Ida nee mak mate ba dala rua.”

Apokalipse 22:15

Maibee ema aat sira, ema matandook ka ema nebee kaer ai kulit aat, ema nebee halo sala adulteriu, oho-door, adora fali estatua lulik, ka gosta bosok, sira nee la tama ba lalehan, sei hela hotu iha liur.

Apokalipse 9:21

Sira mos lakohi hakribit sira nia sala sira seluk hanesan oho ema, uza ai kulit aat, la iha moral seksual ho naok.