Efezu 5:2 - Biblia Tetun Dili

² Hadomi malu, hanesan mos Kristu hadomi ita, too Nia foo Aan ba mate hodi troka ita. Ho Nia mate nee Nia sai hanesan sakrifisiu morin nebee halo haksolok Nai Maromak.

Efezu 5:2 Iomraidhean Croise

Jenesis 8:21

Bainhira NAI Maromak horon sakrifisiu nee nia morin, Nia laran haksolok. Nia hanoin dehan, “Hau la foo tan malisan ba mundu. Maski ema hanoin deit buat aat dezde sira kiik, maibee Hau sei la halo rahun tan buat hotu nebee moris, hanesan Hau halo tiha ona.

Mateus 20:28

Hanesan Hau, Ema Oan. Hau mai iha mundu nee laos atu ema serbii Hau. Maibee Hau mai hodi serbii ema i foo Aan ba mate hodi selu kotu ema barak nia tusan.”

João 13:34

Hau foo ukun-fuan foun ida ba imi, mak nee: imi tenki hadomi malu, hanesan Hau hadomi imi. Nunee imi mos tenki hadomi malu.

João 6:51

Hau mak Paun nebee lori moris, nebee tuun mai hosi lalehan. Bainhira Hau mate, Hau entrega Hau nia isin para ema hotu iha mundu nee bele moris. I ema nebee haan Paun nee, sira hetan moris rohan laek.”

Roma 15:16

Nia foti hau sai Kristu Jesus nia atan para serbii ema nebee laos Judeu. Hau kaer knaar hanesan nai-lulik ida hodi foo sai Maromak nia Novidade Diak. Nunee ema nebee laos Judeu bele sai hanesan oferta ida nebee halo haksolok Maromak nia laran, tanba Espiritu Santu halo sira sai moos tiha ona.

Roma 4:25

Nia entrega Jesus ba ema oho tanba ita ema nia sala. Depois Maromak halo moris fali Nia, atu nunee Maromak bele deklara ita moris loos ona no hadame fali ita ema ho Nia.

Roma 8:3

Ukun fuan sira la bele hasai ita hosi sala nia ukun, tanba ita ema sala nain la iha kbiit atu halo tuir lei nee hotu. Maibee Maromak bele hasai ita liu hosi Nia haruka Nia Oan rasik mai iha mundu para sai ema kriatura nudar ema sala nain, i mate hanesan sakrífisiu ida hodi halakon sala iha ita nia laran.

Roma 8:37

Maski ita hetan susar nunee, ita manaan liu dook ona, tanba Kristu hadomi teb-tebes ita.

1 Korintu 16:14

Halao o nia serbisu hotu ho domin.

1 Korintu 5:7

Nee duni, soe tiha fermentu tuan nee, para imi bele sai hanesan trigu foun nebee la iha fermentu. Tanba Kristu mate tiha ona hanesan bibi malae oan nebee ema Judeu oho nudar sakrifisiu iha tempu Paskua.

2 Korintu 2:14

Maibee agradese ba Maromak! Ami nebee uluk Nia inimigu, agora Nia halo ami sai laran ida ho Kristu hodi lori ami tutuir Nia. Ho nunee ema hotu-hotu haree katak Kristu mak manaan. Agora Nia uza fali ami hodi foo sai kona ba Kristu iha nebee-nebee deit, nunee ita sai hanesan mina morin nebee foo morin duni.

2 Korintu 2:15

Ami hanesan Kristu nia mina morin nebee halo haksolok Maromak nia laran. Ema nebee lao dadauk tuir dalan mate nian ho ema nebee lao tuir dalan salvasaun, sira senti hotu.

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

Galasia 1:4

Kristu foo-Aan ba mate hodi hamoos ita nia sala i hasai ita hosi buat aat iha mundu nee. Nia halo nunee tuir ita nia Aman Maromak nia hakarak.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Efezu 3:19

Hau halo orasaun atu imi bele hatene loloos Kristu nia domin nee, maski ita ema nia matenek la too. Nunee imi bele hatudu Maromak nia diak ho Nia domin iha imi nia moris tomak.

Efezu 4:15

Maibee ita so koalia lia loos hodi hatudu domin ba malu. Se ita halo nunee, neneik-neneik ita sai hanesan Kristu iha ita nia moris tomak. Kristu nee mak ita nia Ulun.

Efezu 4:2

Imi tenki moris haraik aan, laran maus, pasiensia ba malu, i hadomi malu. Se ema ruma halo sala hasoru imi, lalika tau moruk nee iha fuan-laran.

Efezu 5:15

Tanba nee, imi tenki hatene oinsaa imi nia moris. La bele moris hanesan ema beik, maibee moris hanesan ema matenek.

Efezu 5:25

Imi laen sira mos tenki hadomi imi nia feen, hanesan Kristu hadomi Nia igreja, too Nia entrega Nia Aan ba mate iha sira nia fatin,

Filipi 4:18

Hau simu ona ajuda hotu-hotu nebee imi haruka mai hau liu hosi Epafroditu. Agora hau la falta buat ida, i sei iha resin tan. Imi nia tulun nee hanesan sakrifisiu morin ida nebee imi foo ba Maromak, i Nia simu ho laran haksolok.

Kolose 3:14

Laos buat sira nee deit. Maibee importante liu tan mak hadomi malu, tanba domin mak kesi metin imi hotu sai ida deit.

1 Tesalonika 4:9

Ami la presiza hakerek tan ba imi kona ba oinsaa hadomi maluk sarani sira, tan Nai Maromak rasik hanorin ona imi atu hadomi malu.

1 Timóteo 2:6

Nia foo Nia Aan hodi selu kotu ita nia tusan hodi foo liberdade mai ita. Ida nee mak novidade diak nebee Nai Maromak foo sai mai ita ema.

1 Timóteo 4:12

Keta husik ema ida la konsidera o tan deit o foin-sae. O tenki hatudu ezemplu diak ba ema sarani sira, liu hosi o nia koalia, o nia hahalok, o nia domin, o nia fiar ba Jesus Kristu, ho o nia moris loos.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 8:3

Nai-lulik boot hotu-hotu tenki hasae oferta ho sakrifisiu ba Nai Maromak. Nee mak Jesus mos tenki hasae buat ruma hanesan sakrifisiu.

Ebreu 9:14

Se animal nia raan bele halo ema moos fali, saa tan Kristu nia raan! Tanba ho Espiritu nebee rohan-laek nia tulun, Kristu foo Nia Aan ba Maromak nudar sakrifisiu ida ke santu. Nee mak Nia raan hamoos ita nia hanoin para ita livre hosi hahalok nebee mak lori ita ba mate, atu nunee ita bele adora Maromak nebee Moris.

Ebreu 9:23

Sasaan sira nee hotu kopia deit tuir buat nebee mak iha lalehan. Atu hamoos buat sira nee para bele uza hodi adora Nai Maromak, tenki oho animal halo sakrifisiu. Maibee buat lalehan nian presiza sakrifisiu nebee diak liu tan.

Ebreu 9:26

Tanba se karik Nia tenki foo Nia Aan fila-fila, nee dehan katak Nia terus hela deit komesa Nai Maromak halo mundu nee. Maibee laos nunee. Agora tempu ikus ona, Nia foo Nia Aan hanesan sakrifisiu dala ida deit hodi halakon ita nia sala.

1 Pedro 4:8

Importante liu tan mak imi tenki hadomi malu ho laran tomak. Tanba bainhira ita hadomi malu, ita hatene foo perdaun ba ema seluk. Tanba domin taka sala barak.

1 João 3:16

Domin loloos mak saida? Liu hosi Jesus Kristu mak ita bele hatene. Nia hadomi ita too foo Aan ba mate. Nunee ita mos tenki entrega ita nia aan ba mate ba ita nia maun-alin sira nebee iha Kristu.

1 João 3:23

I Maromak nia ukun fuan mak nee: ita tenki fiar ba Nia Oan Jesus Kristu i tenki hadomi malu tuir Jesus Kristu hanorin.

Apokalipse 1:5

Jesus hadomi ita, nunee Nia raan fakar too mate para ita bele livre hosi sala.

Apokalipse 5:9

Sira hotu hananu kanta foun ida hanesan nee: “Ita Boot mak serve simu livru lulun nee hodi loke nia karimbu fatin, tanba ema oho tiha ona Ita Boot. Hodi Ita Boot nia raan, Ita Boot sosa kotu ona ema sira nee hosi suku, lian, povu ho nasaun hotu-hotu para sai Nai Maromak nia povu.