Efezu 5:1 - Biblia Tetun Dili

¹ Imi Nai Maromak nia oan doben. Nee duni moris tuir Maromak nia hakarak.

Efezu 5:1 Iomraidhean Croise

Mateus 5:45

Se imi halo nunee, imi hatudu katak imi sai ona Aman Maromak iha lalehan nia oan duni. Tanba Nia halo loro matan sae hodi foo naroman ba ema diak ho mos ema aat. I Nia foo udan ba ema nebee moris loos ho mos ba ema nebee moris iha sala laran.

Mateus 5:48

Aman Maromak iha lalehan hadomi ema hotu-hotu, nunee imi tenki hadomi mos hanesan Nia.”

João 1:12

Maibee ema sira nebee simu no fiar ba Nia, Nia foo direitu ba sira para sai Nai Maromak nia oan.

Efezu 4:32

Maibee imi tenki hadomi malu, i halo diak ba malu. Imi tenki foo perdaun ba malu, hanesan Nai Maromak mos foo ona perdaun ba imi liu hosi Kristu nia mate.

Filipi 2:15

Nunee, nudar Maromak nia oan, imi bele moris ho laran moos, imi la iha sala, i la iha ema ida bele hatudu liman ba imi. Imi moris iha ema aat sira nia leet. Entaun imi tenki sai hanesan naroman hodi leno dalan ba sira, hanesan fitun iha loro leten.

Kolose 3:12

Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

1 João 4:11

Maluk doben sira, Nai Maromak hadomi teb-tebes ita, nunee ita mos tenki hadomi malu.