Efezu 4:7 - Biblia Tetun Dili

⁷ Maski ita hotu ida deit, maibee Kristu fahe kbiit mai ita ida-idak tuir nia grasa, para bele halao Nia serbisu.

Efezu 4:7 Iomraidhean Croise

Mateus 25:15

Nia foo ba atan sira nee tuir ida-idak nia kapasidadi. Atan ida, nia entrega osan mean atus lima. Ida seluk nia entrega osan mean atus rua. Ida seluk tan nia entrega osan mean atus ida. Depois nia sai tiha ba rai liur.

João 3:34

Ema ida nebee Maromak haruka mai nee, hatoo Nai Maromak nia lia menon. Tanba Maromak foo ona Nia Espiritu ba Nia la sukat.

Roma 12:3

Tanba Maromak hatudu Nia grasa mai hau too Nia hili hau sai apostolu, hau hatete ba imi ida-idak: la bele hanoin buat nebee aas liu dukee loloos nian. Diak liu imi hatene kbiit nebee Maromak foo tiha ona ba imi ida-idak tanba imi nia fiar, atu nunee imi bele hatene imi nia aan.

2 Korintu 6:1

Tanba ami serbisu hamutuk ho Maromak, nunee ami husu atu imi la bele fila kotuk ba Maromak nia grasa nebee imi simu ona.

Efezu 3:2

Imi rona ona katak, Nai Maromak foo fiar mai hau halo serbisu nee ba imi tanba Nia laran diak mai hau.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Ebreu 2:4

Nai Maromak mos halo milagre ho sinal oi-oin nebee halo ema admira. I Nia foo Nia Espiritu ba ema hodi foo kbiit oi-oin ba sira, tuir Nia hakarak. Nia halo buat sira nee hotu para hatudu mai ita katak Jesus nia liafuan nee loos duni.

1 Pedro 4:10

Nai Maromak foo kbiit ba imi ida-idak la hanesan. Uza didiak kbiit nebee Nia foo ba imi nee hodi serbii ema seluk.