Efezu 4:6 - Biblia Tetun Dili

⁶ Nai Maromak ida deit; Nia mak ita hotu nia Aman. Nia ukun ita hotu, halao Nia serbisu liu hosi ita hotu, i Nia domina ita hotu nia fuan-laran.

Efezu 4:6 Iomraidhean Croise

Jenesis 14:19

I nia foo bensaun ba Abrão dehan, “Nai Maromak Aas Liu, nebee halo lalehan ho rai, foo bensaun ba o. Grasa ba Nai Maromak, ida nebee halo o manaan ona o nia inimigu.” Depois Abrão fahe sasaan nebee nia hadau tiha ona ba parte sanulu. Parte ida nia foo ba Melkizedek. Ida nee mak dehan dizimu.

Mateus 6:13

Keta husik ami monu ba tentasaun, maibee hasai ami hosi buat aat. [Ita Boot mak Liurai, Ita Boot mak Kbiit Nain, Ita Boot mak ema hotu-hotu adora, too tinan ba tinan nafatin. Amen.]

Mateus 6:9

Nunee, halo orasaun hanesan nee: “Ami nia Aman iha lalehan, tulun ema atu foti aas Ita Boot nia naran santu.

João 14:23

Jesus hataan, “Ema nebee hadomi Hau, nia sei halo tuir Hau nia Liafuan. Hau nia Aman mos hadomi nia. I Hau ho Hau nia Aman sei mai moris hamutuk laran ida ho nia.

João 17:26

Hau foo hatene ona ba sira, see mak Ita Boot. Hau mos sei foo hatene nafatin ba sira nunee, tanba Hau hakarak sira senti duni Aman nia domin. Domin nebee sira senti nee, hanesan Aman nia domin nebee Aman foo mai Hau. Nunee, Hau mos bele metin nafatin ho sira.”

João 20:17

Jesus foo hatene ba nia dehan, “Keta kaer Hau lai, tanba Hau seidauk sae ba Hau nia Aman iha lalehan. Maibee, senhora baa uluk, foo hatene ba Hau nia alin sira dehan, ‘Hau atu sae ba Hau nia Aman. Nia mos imi nia Aman. Nia mak Hau nia Maromak, no mos imi nia Maromak.’ ”

Roma 11:36

Tanba buat hotu-hotu iha lalehan ho rai mai hosi Nia i ba Nia, i sei iha nafatin tanba Nia, Buat hotu-hotu iha hodi hahii Nia. Mai ita foti aas Nia naran too tinan ba tinan. Amen.

1 Korintu 12:6

Ita simu knaar oi-oin, maibee Maromak ida deit mak tulun ita atu halo knaar nee.

1 Korintu 8:6

Maibee ba ita sarani sira, Maromak ida deit, Nia mak ita hotu nia Aman. Nia mak huun ba buat hotu-hotu, i ita moris atu serbii Nia. Ita nia Nai mos ida deit, Nia mak Jesus Kristu. Liu hosi Nia, buat hotu-hotu iha, ita hetan moris loos liu hosi Nia.

2 Korintu 6:16

Buat lulik bele tau fali iha Maromak nia Uma Kreda Boot ka? Lae! Ita nee mak Maromak nebee Moris nia uma kreda. Iha Livru Sagradu Maromak dehan, “Hau sei hela iha sira nia klaran, i moris hamutuk ho sira. Hau sei sai sira nia Maromak, i sira sei sai Hau nia povu.”

Efezu 1:21

Kristu boot liu buat hotu-hotu iha lalehan ho rai. Nia boot liu ukun nain sira, autoridade sira, ho poder sira hotu. Nia naran aas liu see-see deit mak kaer ukun, laos deit ba sira nebee ukun agora, maibee mos ba sira nebee sei ukun iha tuir mai.

Efezu 2:22

Entaun, tanba imi laran ida ona ho Kristu, Maromak hada mos imi nebee laos Judeu hamutuk ho Nia ema sira seluk para ita hotu sai Maromak nia Espiritu nia hela fatin.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Efezu 6:23

Maun-alin sira, hau harohan ba ita nia Aman Maromak ho Jesus Kristu ita nia Nai, para Sira foo paz ho hakmatek ba imi, i tulun imi atu hadomi malu i fiar nafatin ba Kristu.

1 João 3:24

Ema hotu-hotu nebee tuir Nai Maromak nia ukun fuan, sira laran ida ho Maromak i Nia mos hela ho sira. Oinsaa mak ita hatene katak Maromak hela ho ita? Tanba Nia foo ona Nia Espiritu hela iha ita nia laran.