Efezu 4:4 - Biblia Tetun Dili

⁴ Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Efezu 4:4 Iomraidhean Croise

Mateus 28:19

Tanba nee, baa hanorin ema iha nasaun hotu-hotu atu sira sai Hau nia eskolanti. Foo sarani sira hodi Aman, Oan no Espiritu Santu sira nia naran.

Apostolu sira nia Istoria 15:11

Maromak foo salvasaun ba ita, laos tanba ita tuir lei relijiaun, maibee tanba Nai Jesus hatudu Nia grassa ba ita.”

Roma 11:29

Tanba bainhira Maromak foo Nia grasa, Nia nunka foti fila fali. I bainhira Nia bolu ema ida sai Ninian, Nia nunka nega fali.

1 Korintu 10:17

Ita hotu haan hosi paun fuan ida. Nunee, maski ita barak, maibee ita hotu sai hanesan isin lolon ida deit, tanba paun nebee ita haan nee ida deit.

1 Korintu 12:20

Iha parte barak, maibee isin lolon ida deit.

2 Korintu 11:4

Bainhira ema ruma baa hanorin kona ba Jesus seluk ida nebee la hanesan ho Jesus ida nebee ami hanorin nee, imi simu deit. Bainhira ema ruma baa foo sai espiritu seluk ida ka Novidade Diak nebee la hanesan ho ida nebee uluk imi simu hosi ami nee, imi simu deit.

Efezu 1:18

Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Efezu 2:16

Entaun Kristu mate iha krus halo povu rua nee sai ida deit, i halo ita mos dame malu ho Nai Maromak, tanba Kristu harahun tiha ona buat hotu-hotu nebee uluk halo ita odi malu.

Efezu 2:18

Kristu loke ona dalan ba ita hotu too ba iha Nai Maromak nia futar oin. Atu ita ema Judeu ka ema nebee laos Judeu, ita hotu bele tama ba Maromak tanba Nia Espiritu Santu nia tulun.

Efezu 2:22

Entaun, tanba imi laran ida ona ho Kristu, Maromak hada mos imi nebee laos Judeu hamutuk ho Nia ema sira seluk para ita hotu sai Maromak nia Espiritu nia hela fatin.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 5:30

tanba ita hanesan Nia isin lolon.

Kolose 1:5

Imi nia fiar ho imi nia domin nee buras tanba imi hein ho laran metin atu simu bensaun nebee Maromak prepara tiha ona ba imi iha lalehan. Imi fofoun rona kona ba bensaun nee bainhira imi rona Maromak nia Novidade Diak. Liafuan nee loos

Kolose 3:15

Kristu foo paz ba imi. Entaun husik Nia paz nee domina imi nia laran. Tanba imi halo parte hamutuk iha isin lolon ida, i Maromak bolu imi para moris iha dame nia laran. I sempre agradese ba Maromak.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

1 Timóteo 1:1

Timóteo nebee diak. Kumprimentus hosi hau, Paulo, Kristu Jesus nia apostolu. Nai Maromak ho Kristu Jesus mak foti hau. I Kristu Jesus halo ita laran metin katak Nai Maromak salva ona ita.

Tito 1:2

Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Tito 3:7

Tanba Jesus nia grasa, mak Nia deklara dehan, “Ema nee moris loos ona”. Nunee ita sai Nia oan no hetan direitu hodi simu moris rohan laek. Ida nee mak ita nia rikusoin.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.

1 João 3:3

Tanba nee, ema hotu-hotu nebee hein ho laran metin atu sai hanesan Nia, sira sempre kuidadu sira nia aan para moris loos, hanesan Jesus Kristu mos moris loos.