Efezu 4:2 - Biblia Tetun Dili

² Imi tenki moris haraik aan, laran maus, pasiensia ba malu, i hadomi malu. Se ema ruma halo sala hasoru imi, lalika tau moruk nee iha fuan-laran.

Efezu 4:2 Iomraidhean Croise

Mateus 11:29

Mai aprende hosi Hau i moris tuir Hau nia hanorin, tanba Hau nee laran maus ho haraik Aan. Nunee imi nia fuan-laran bele hakmatek.

Marcos 9:19

Rona nunee, Jesus koalia makaas ba Nia eskolanti sira, “Imi nee demais ona! Hau hanorin bebeik ba imi, maibee imi la komprende nafatin deit. Imi seidauk fiar deit Hau. Hau tenki pasiensia ba imi too bainhira?! Lori labarik nee mai iha nee!”

Apostolu sira nia Istoria 20:19

Imi hatene hau serbisu makaas ba Nai Maromak iha imi nia leet, i sempre haraik aan. Iha hau nia serbisu nee, hau nia matan-been fakar barak. Hau mos hetan terus barak tanba ema Judeu sira kombina malu atu halo aat mai hau.

Roma 15:1

Ita nebee fiar metin tenki iha pasiensia hodi ajuda maluk sira nebee sei duvida kona ba saida mak ita sarani sira bele halo. Ita la bele buka diak deit ba ita nia aan.

1 Korintu 13:7

Domin prontu terus nafatin, fiar nafatin, hein ho laran metin nafatin, i aguenta nafatin.

Galasia 6:2

Se imi ruma hetan susar, imi tenki ajuda malu, i nunee imi halo tuir Kristu nia lei.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Kolose 1:11

Ami mos husu ba Nai Maromak atu foo Nia kbiit nebee boot teb-tebes ba imi, para imi bele iha forsa hodi aguenta no pasiensia iha terus laran.

1 Timóteo 6:11

Timóteo, o Nai Maromak nia ema. Nunee, hadook aan hosi buat aat sira nee hotu, i hakaas aan atu moris iha lia loos, tuir Maromak nia hakarak. Hakaas aan hodi fiar nafatin ba Jesus Kristu, hadomi ema seluk, aguenta iha terus laran, i laran maus.

2 Timóteo 2:25

Ema nebee kontra nia, nia tenki koriji ho laran maus, tanba dala ruma Maromak bele halo sira husik sira nia sala, i bele ajuda sira simu lia loos.

Tiago 1:21

Nee duni, imi tenki soe tiha imi nia hahalok aat sira hotu, i haraik aan hodi simu Maromak nia Liafuan, nebee Nia kuda iha imi nia fuan-laran. Liafuan nee iha kbiit hodi salva imi.

1 Pedro 3:15

Respeita ho hamtauk Kristu nudar Nai iha imi nia laran. Se ema ruma husu imi, tanba saa mak imi laran metin ba Nai Maromak, imi tenki prontu hataan ho razaun ba ita nia esperansa ho liafuan mamar no haraik aan.

1 Pedro 3:8

Agora hau husu para imi hotu neon ida laran ida, hadomi imi nia maluk sira nebee fiar ba Kristu, hatudu laran maus ba malu i haraik aan.