Efezu 4:16 - Biblia Tetun Dili

¹⁶ I ita hanesan Nia isin lolon. Bainhira ema nia liman-ain sira nee ida-idak halo tuir nia knaar rasik, entaun isin lolon nee forti ba bebeik. Nunee mos Kristu nia povu. Kristu halo ita hotu sai ida. Se ita hadomi malu i ida-idak halao nia knaar, mak ita hamutuk boot ba dadauk i sai forti.

Efezu 4:16 Iomraidhean Croise

João 15:5

Hau hanesan ai uvas huun ida. Imi hanesan nia sanak. Ema nebee metin nafatin ho Hau, no Hau mos metin ho nia, nia hanesan sanak nebee foo fuan barak. Tanba, se imi la metin nafatin ho Hau, imi la bele halo buat diak ida.

Roma 12:4

Hau foo ezemplu ida hosi ema nia isin lolon. Isin lolon ida iha membru oi-oin, i membru ida-idak nia knaar la hanesan.

1 Korintu 10:17

Ita hotu haan hosi paun fuan ida. Nunee, maski ita barak, maibee ita hotu sai hanesan isin lolon ida deit, tanba paun nebee ita haan nee ida deit.

1 Korintu 13:13

Entaun, buat tolu mak sei iha nafatin: fiar, esperansa no domin. Hosi buat tolu nee, ida nebee boot liu mak domin.

1 Korintu 8:1

Agora hau hakarak koalia kona ba naan nebee ema hamulak tiha ona ba lulik. Ita sarani sira senti aan dehan ita hotu hatene ona kona ba buat nee. Ema nebee hatene buat ruma, nia foti aan, maibee ema nebee iha domin, hametin ema nia fiar.

Galasia 5:22

Maibee se ita moris tuir Espiritu Santu nia hakarak mak ita nia hahalok hanesan tuir mai nee: iha domin, laran haksolok, paz ho dame, pasiensia, laran diak, halo diak, foo laran,

Galasia 5:6

Nunee, se ita laran ida ho Kristu Jesus, ita sunat ka la sunat, nee la importante ida. Importante mak nee: ita fiar ba Kristu, i hatudu fiar nee liu hosi hadomi ema seluk.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Efezu 3:7

Nai Maromak hatudu Nia grasa mai hau hodi hili hau foo sai Nia Novidade Diak. I Nia foo Nia kbiit mai hau para halao serbisu nee.

Efezu 4:12

Nia foti sira nee para sira bele prepara Maromak nia povu atu ita hotu halao Nia serbisu. Ho nunee ita hotu, nudar Kristu nia isin lolon, sai forti ba bebeik,

Efezu 4:15

Maibee ita so koalia lia loos hodi hatudu domin ba malu. Se ita halo nunee, neneik-neneik ita sai hanesan Kristu iha ita nia moris tomak. Kristu nee mak ita nia Ulun.

Filipi 1:9

Hau halo orasaun ba Nai Maromak para imi nia domin ba malu bele buras ba bebeik. Hau mos husu atu Nia aumenta bebeik matenek ba imi hodi halo imi hatene saida mak loos, saida mak sala.

Kolose 2:19

Ema sira nee haketak aan ona hosi Kristu, maski Nia mak Ulun, i Nia povu hanesan Nia isin lolon. Kristu halo Nia povu hotu hamutuk sai ida deit, hanesan mos ita nia uat sira liga metin ho ita nia ruin iha isin lolon tomak. Nunee Kristu halo ita hotu buras ba bebeik, tuir Maromak nia planu duni.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

1 Tesalonika 2:13

Iha tan buat ida nebee halo ami sempre agradese ba Nai Maromak. Bainhira ami foo sai Maromak nia liafuan ba imi, imi rona i simu liafuan nee, laos nudar ema nia liafuan, maibee nudar Nai Maromak nia liafuan. Liafuan nee mak halo serbisu iha imi sarani sira nia moris hodi halo imi tuir Maromak nia hakarak.

1 Tesalonika 3:12

Ami mos husu ba Nai Jesus para halo imi hadomi malu liu tan i hadomi liu tan ema hotu-hotu, hanesan mos ami hadomi imi.

2 Tesalonika 1:3

Maun-alin sira, ami sempre agradese ba Nai Maromak tanba imi kristaun sira iha Tesalónika. Ami tenki halo nunee duni, tanba imi nia fiar ba Kristu aumenta ba bebeik, i imi mos hadomi malu liu tan.

1 Timóteo 1:5

Hau foo hanoin ba o hanesan nee, atu sarani sira bele moris hadomi malu, laran moos, hatene saida mak diak ho saida mak aat, i fiar teb-tebes ba Nai Maromak.

1 Pedro 1:22

Imi hamoos ona imi nia aan hodi hatudu imi nia domin loloos ba maluk sarani sira, tanba imi moris tuir buat nebee mak loos. Agora hau husu atu imi hadomi malu nafatin ho fuan ho laran,

1 João 4:16

Ita hatene Nai Maromak nia domin, i ita laran metin ba Nia domin nee. Maromak nee domin, nunee ema nebee hadomi Nai Maromak i hadomi ema seluk, ema nee laran ida ho Nai Maromak i Nai Maromak mos hela iha nia.