Efezu 4:13 - Biblia Tetun Dili

¹³ too ita hotu neon ida laran ida fiar ba Maromak nia Oan i konhese didiak Nia. Iha ikus, ita laos hanesan labarik tan, maibee sai boot ona, too ita sai hanesan Kristu.

Efezu 4:13 Iomraidhean Croise

Mateus 11:27

Hotu tiha, Jesus koalia ba ema iha nebaa nunee: “Hau nia Aman foo ona kbiit ho matenek hotu-hotu mai Hau. La iha ema ida konhese diak Hau, so Hau nia Aman deit. I la iha ema ida mak konhese diak Hau nia Aman, so Oan, Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.

João 1:16

João koalia nunee, tanba Ema nee hakarak teb-tebes hatudu Nia grasa bebeik mai ita hotu.

João 16:3

Sira halo nunee ba imi, tanba sira la konhese Hau, no mos la konhese Hau nia Aman.

João 17:21

Aman, Hau husu para sira hotu sai neon ida laran ida, hanesan mos Aman ho Hau iha neon ida laran ida. Hau mos hakarak para sira metin nafatin ho Ita, nunee ema seluk iha mundu nee bele fiar dehan, Aman mak haruka Hau mai.

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 6:69

I ami fiar ba Ita Boot. Tanba ami hatene ona dehan, Ita Boot mak Ema Santu hosi Nai Maromak.”

Apostolu sira nia Istoria 4:32

Ema hotu nebee fiar ba Jesus, sira moris neon ida laran ida. La iha ema ida karak-teen, sira sempre foo sasaan ba malu. La iha ema ida mak dehan sasaan nebee nia iha, ninian mesak. Sasaan saida mak nia iha, hotu-hotu bele uza.

1 Korintu 1:10

Maun-alin sira, hau husu hodi ita nia Nai Jesus Kristu nia naran atu imi haree malu didiak. La bele fahe malu, maibee moris neon ida laran ida.

1 Korintu 14:20

Maun-alin sira, imi la bele hanoin hanesan labarik kiik-oan. Kona ba buat aat, imi tenki hanoin hanesan labarik duni. Maibee kona ba buat sira nee imi nia hanoin tenki hanesan ema nebee iha maturidade.

1 Korintu 2:6

Maski nunee, bainhira ami koalia ho ema nebee abut metin ona iha Kristu, ami uza duni liafuan matenek nian. Maibee laos matenek mundu nian, i laos matenek tuir ukun nain sira iha mundu agora nian, tanba sira sei la iha tiha hotu.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

Galasia 4:19

Hau nia oan doben sira, agora hau hakaas aan ho terus dala ida tan ba imi, hanesan feto nebee kanotak moras atu tuur ahi. I hau sei hakaas aan nafatin, too imi nia laran sai hanesan Kristu.

Efezu 1:17

ba Maromak. Nia mak ita nia Nai Jesus Kristu nia Aman Maromak. Nia mak ita nia Aman, i Nia boot teb-tebes. Hau husu atu Nia haraik Nia Espiritu ba imi, para loke imi nia neon i hatudu Maromak ba imi para imi bele konhese Nia diak liu tan.

Efezu 1:23

Kristu mak Ulun, i ita sarani sira hanesan Nia isin lolon. Ita simu ita nia moris tomak hosi Kristu, nunee mos Kristu foo moris ba buat hotu-hotu iha lalehan ho rai.

Efezu 2:15

Uluk, lei relijiaun Judeu ho nia regra bar-barak haketak ema Judeu hosi ema nebee laos Judeu. Maibee ho Kristu nia mate, Nia hakotu lei no regra sira seluk nee, atu nunee ema Judeu ho ema nebee laos Judeu hamutuk laran ida ho Nia. Ho nunee Kristu halo povu rua nee sai povu ida nebee moris iha dame nia laran.

Efezu 4:12

Nia foti sira nee para sira bele prepara Maromak nia povu atu ita hotu halao Nia serbisu. Ho nunee ita hotu, nudar Kristu nia isin lolon, sai forti ba bebeik,

Efezu 4:3

Espiritu Santu halo ona imi moris iha unidade. Nee duni hakaas aan atu moris iha dame nia laran, para imi nia unidade nee bele metin nafatin.

Efezu 4:5

Ita nia Nai ida deit; ita nia fiar ida deit, i ita nia batizmu ida deit.

Filipi 3:10

Hau hakarak konhese Kristu liu tan. Hau hakarak para Maromak serbisu iha hau nia laran ho kbiit ida nebee Nia uza hodi halo Kristu moris fali hosi mate. Hau hakarak halo parte iha Kristu nia terus. Kona ba mate mos, hau hakarak sai hanesan Nia.

Filipi 3:8

Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

Kolose 1:28

Ami sempre foo hatene ba ema iha fatin-fatin kona ba Kristu. Ho matenek hotu nebee Maromak foo, ami hanorin sira i foo hanoin ba sira. Ami halo nunee, para ema hotu-hotu nebee fiar ba Kristu bele sai forti liu tan i moris loos, atu aban-bainrua sira bele hamriik iha Maromak nia futar oin.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

Ebreu 5:14

Maibee hahaan toos ita foo deit ba ema nebee boot ona, nee dehan katak ema nebee hatoman aan tetu buat hotu-hotu too hatene loloos ona saida mak diak, saida mak aat.

2 Pedro 1:4

Hosi Nia forsa ho Nia diak nee mak Nia foo mai ita promesa nebee boot ho folin teb-tebes. Hodi Nia promesa nee mak ita bele livre tiha hosi hakarak aat hotu-hotu nebee estraga ema iha mundu nee nia moris, i ita nia laran bele sai santu.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.