Efezu 4:12 - Biblia Tetun Dili

¹² Nia foti sira nee para sira bele prepara Maromak nia povu atu ita hotu halao Nia serbisu. Ho nunee ita hotu, nudar Kristu nia isin lolon, sai forti ba bebeik,

Efezu 4:12 Iomraidhean Croise

Lucas 22:32

Maibee, Simão, Hau halo ona orasaun ba o, para o nia fiar la bele lakon. I bainhira o fila fali mai Hau, o tenki hametin o nia kolega sira nia fiar.”

Apostolu sira nia Istoria 1:17

Nia nee ita nia ema, i nia mos serbisu hamutuk ho ita.”

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 9:31

Liu tiha nee, Nai Jesus nia povu iha provinsia Judeia, iha provinsia Galileia ho provinsia Samaria moris ho hakmatek. Sira amenta barak ba bebeik, i moris hamtauk ba Nai Maromak. Tanba Nai Maromak nia Espiritu Santu mak hametin sira nia laran.

Roma 12:5

Nunee mos ita sarani sira. Ita barak, maibee tanba ita laran ida ho Kristu, ita hamutuk hanesan isin lolon ida deit.

Roma 12:7

Ema nebee simu kbiit hodi serbii ema seluk, nia tenki serbii duni. Ema nebee simu kbiit hodi hanorin, nia tenki hanorin.

Roma 14:19

Tanba nee, ita hotu tenki hakaas aan tulun malu hodi moris iha dame nia laran, i foo korajen ba malu.

Roma 15:14

Maun-alin sira, hau fiar katak imi nia laran diak teb-tebes, imi komprende ona buat barak, i imi bele ona hanorin malu.

Roma 15:2

Maibee ita ida-idak tenki halo haksolok ita nia maluk sarani hodi halo diak ba nia, para nia fiar bele metin liu tan.

Roma 15:29

Hau laran metin katak bainhira hau baa vizita imi, Kristu sei foo bensaun boot iha ita nia tempu hamutuk nee.

1 Korintu 12:27

Nunee mos imi. Imi hotu hanesan Kristu nia isin lolon, imi ida-idak halo parte iha Nia isin nee.

1 Korintu 12:7

Maromak hatudu sai Nia Espiritu liu hosi ita ida-idak nia moris atu ita bele tulun ema seluk.

1 Korintu 14:12

Imi hakarak teb-tebes atu simu kbiit hosi Espiritu Santu atu halao Maromak nia serbisu. Entaun diak liu imi hakaas aan atu simu kbiit nebee imi bele uza hodi hametin sarani sira nia fiar.

1 Korintu 14:14

Tanba se hau harohan ho lian nebee ema la komprende, nee hau nia espiritu mak harohan, maibee hau nia kakutak la komprende saida mak hau koalia.

1 Korintu 14:26

Entaun maun-alin sira, diak liu oinsaa? Bainhira imi sarani sira halibur hamutuk, imi ida-idak tenki uza kbiit nebee Maromak foo. Balu kanta, balu hanorin, balu hatoo buat nebee Maromak foo sai ba sira, balu koalia lian nebee la iha ema ida hatene, i balu tan sai durbasa. Buat sira nee hotu imi tenki halo hodi hametin sarani sira nia fiar.

2 Korintu 12:19

Maluk doben sira, dala ruma bainhira imi lee surat nee, imi hanoin dehan ami defende ami nia aan bebeik. Maibee laos hanesan nee. Ami koalia tuir Kristu nia haruka, i buat hotu-hotu nebee ami hakerek iha surat nee, Maromak mos haree. Buat hotu-hotu nebee ami halo nee, ami halo atu hametin imi nia fiar.

2 Korintu 13:11

Maun-alin sira, hau nia liafuan ikus mak nee: Haksolok baa! Hakaas aan hodi moris loos. Rona didiak hau nia konselhu, moris neon ida laran ida, i buka atu moris dame ho ema hotu-hotu. Nunee Maromak Domin Nain ho Dame Nain sei hamutuk ho imi nafatin.

2 Korintu 13:9

Ami haksolok bainhira ami fraku no imi forte. Ami harohan para imi sai ema nebee moris loos.

2 Korintu 3:8

entaun aliansa foun nebee Nia Espiritu lori nee makaas liu tan.

2 Korintu 4:1

Maromak hatudu ona Nia domin mai ami hodi haruka ami halao Nia serbisu nee. Tanba nee ami la hakiduk.

2 Korintu 5:18

Maromak mak halo ida nee. Nia halo ona ita dame malu ho Nia liu hosi Kristu. Depois Nia foo knaar mai ami hodi lori ema seluk mos dame malu ho Nia.

2 Korintu 6:3

Ami hakaas aan atu ami nia hahalok la bele halo ema seluk monu, atu nunee ema la bele hatete aat ami nia serbisu.

2 Korintu 7:1

Maluk doben sira, Maromak promete tiha ona buat sira nee ba ita. Tanba nee, mai ita hamoos ita nia aan hosi buat nebee hafoer ita nia isin no klamar. Ita tenki hamoos tutuir nafatin halo ita nia laran moos liu, tanba ita hamtauk Maromak.

Efezu 1:23

Kristu mak Ulun, i ita sarani sira hanesan Nia isin lolon. Ita simu ita nia moris tomak hosi Kristu, nunee mos Kristu foo moris ba buat hotu-hotu iha lalehan ho rai.

Efezu 4:16

I ita hanesan Nia isin lolon. Bainhira ema nia liman-ain sira nee ida-idak halo tuir nia knaar rasik, entaun isin lolon nee forti ba bebeik. Nunee mos Kristu nia povu. Kristu halo ita hotu sai ida. Se ita hadomi malu i ida-idak halao nia knaar, mak ita hamutuk boot ba dadauk i sai forti.

Efezu 4:29

Bainhira imi koalia, la bele koalia liafuan tolok no aat. Maibee koalia deit liafuan diak nebee ema presiza rona, para hametin sira nia laran. Liafuan hanesan nee sei ajuda sira.

Efezu 4:4

Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

Kolose 1:28

Ami sempre foo hatene ba ema iha fatin-fatin kona ba Kristu. Ho matenek hotu nebee Maromak foo, ami hanorin sira i foo hanoin ba sira. Ami halo nunee, para ema hotu-hotu nebee fiar ba Kristu bele sai forti liu tan i moris loos, atu aban-bainrua sira bele hamriik iha Maromak nia futar oin.

Kolose 4:17

Hatete ba Arkipu dehan, “Knaar nebee Nai Jesus foo ba o nee, o tenki kaer metin too rohan.”

1 Timóteo 1:12

Hau agradese ba Kristu Jesus ita nia Nai, tanba Nia foo fiar ho forsa mai hau i foti hau hodi halao Nia serbisu.

2 Timóteo 4:11

So Lucas deit mak sei hamutuk ho hau. O mai, lori ho Marcos, para nia bele ajuda hau halao hau nia ministeriu.

2 Timóteo 4:5

Timóteo, o la bele nunee. O tenki domina aan iha buat hotu-hotu. Aguenta ho pasiensia iha terus laran. Baa foo sai Novidade Diak ba ema. Halao serbisu hotu-hotu nebee Nai Maromak tau ona iha o nia kabaas.

Ebreu 13:17

Imi tenki rona no halo tuir imi nia lideransa. Tanba sira tau matan ba imi loron-kalan, i aban-bainrua sira sei hataan ba Nai Maromak kona ba sira nia serbisu nee. Se imi rona duni sira, maka sira sei halao sira nia serbisu ho laran haksolok. Se lae, sira nia laran tristi, i nee la diak ba imi.

Ebreu 6:1

Tanba nee ita tenki lao ba oin hodi aprende buat nebee klean liu. La bele aprende fila-fila lisaun primeiru kona ba Kristu. Tuir loos imi la presiza tan ona buat baziku nebee hanorin ita para husik ita nia sala nebee lori ita ba mate, i hanorin ita atu fiar ba Maromak.