Efezu 4:11 - Biblia Tetun Dili

¹¹ Kristu mak foo kbiit ba Nia ema, atu sira halao serbisu nebee Nia fahe ba sira. Nia foti balu sai Nia apostolu, balu Nia foti sai Nia profeta para tatoli Nia liafuan, balu sai ema nebee foo sai Nia Novidade Diak ba ema nebee seidauk rona, i balu fali sai bibi atan i mestri hodi tau matan i hanorin Nia povu.

Efezu 4:11 Iomraidhean Croise

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Apostolu sira nia Istoria 13:1

Iha sidade Antiokia, iha sarani balu Nai Maromak uza hanesan profeta, i balu hanesan mestri. Sira nee mak: Barnabé, Simeão, nebee baibain ema bolu ‘Metan’, Lúcio hosi sidade Sirene, Manaen, nebee hakiak dezde kiik hamutuk ho liurai Erodes, ho Saulo.

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 21:8

Iha aban fali, ami sai hosi Tolemais, depois ami too iha sidade Sezareia. Iha nebaa, ami hela ho Filipe, ema ida nebee foo sai Nai Jesus nia Novidade Diak ba ema nebee seidauk rona. Nia mos ema ida hosi sira nain hitu nebee uluk ema sarani sira iha Jerusalém hili hodi toma konta haan-hemu.

Roma 12:7

Ema nebee simu kbiit hodi serbii ema seluk, nia tenki serbii duni. Ema nebee simu kbiit hodi hanorin, nia tenki hanorin.

1 Korintu 12:4

Ita simu kbiit oi-oin, maibee Espiritu ida deit.

Efezu 2:20

Nee hanesan Nai Maromak harii uma ida. Kristu Jesus hanesan fatuk prinsipal liu iha uma nee. Depois Nia apostolu sira ho profeta sira nebee tatoli Nia liafuan, mak hanesan fatuk nebee Maromak hada uluk. Depois Nia hada mos imi hamutuk iha fatuk sira nee nia leten.

Efezu 3:5

Uluk segredu nee seidauk foo sai ba ema ida. Maibee agora Maromak foo sai ona liu hosi Nia Espiritu ba Jesus nia apostolu sira ho Maromak nia profeta sira nebee tatoli Nia liafuan.

Efezu 4:8

Nee tuir buat nebee hakerek tiha ona iha Livru Sagradu dehan, “Bainhira Nia sae ba iha fatin aas, Nia lori inimigu sira nebee Nia hadau iha funu laran, i Nia fahe prezenti oi-oin ba ema.”

2 Timóteo 4:5

Timóteo, o la bele nunee. O tenki domina aan iha buat hotu-hotu. Aguenta ho pasiensia iha terus laran. Baa foo sai Novidade Diak ba ema. Halao serbisu hotu-hotu nebee Nai Maromak tau ona iha o nia kabaas.

Ebreu 5:12

Tuir loloos, imi sai ona mestri hodi hanorin ema seluk. Maibee buat baziku hosi Maromak nia liafuan mos, imi seidauk hatene, imi presiza nafatin ema seluk atu hanorin imi. Imi hanesan bebee nebee sei susu deit, i seidauk bele haan hahaan toos.

Judas 1:17

Maibee maluk doben sira, la bele haluha liafuan nebee ita nia Nai Jesus Kristu nia apostolu sira foo sai tiha ona ba imi.

Apokalipse 18:20

Depois hau rona lian ida dehan, “Imi nebee moris iha lalehan, haksolok baa! Maromak nia povu, Nai Jesus nia apostolu sira ho profeta sira, haksolok baa! Tanba Maromak kastigu ona sidade nee, tuir saida mak nia uluk halo ba imi.”

Apokalipse 21:14

Muru nee harii iha fatuk boot sanulu resin rua nia leten, iha fatuk ida-idak hakerek Bibi Oan nia reprezentate nain sanulu resin rua nia naran.