Efezu 4:10 - Biblia Tetun Dili

¹⁰ Ida nebee tuun mai nee, Nia duni mak sae fila fali ba lalehan, iha fatin nebee aas liu hodi ukun buat hotu-hotu iha lalehan ho rai. Nia nee mak Kristu.

Efezu 4:10 Iomraidhean Croise

Mateus 24:34

Hau hatete loloos ba imi, hosi jerasaun nebee moris iha tempu nee, iha balu sei moris too buat sira nee hotu akontese.

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

João 1:16

João koalia nunee, tanba Ema nee hakarak teb-tebes hatudu Nia grasa bebeik mai ita hotu.

João 19:24

I soldadu sira koalia ba malu dehan, “Ita la bele lees rahun Nia batina nee. Diak liu ita dada rifa deit, para hatene see mak hetan.” Nee hodi kumpri saida mak hakerek ona iha Maromak nia Eskritura Sagrada nebee dehan, “Sira fahe Hau nia ropa, sira mos dada rifa hodi hetan Hau nia batina.” Soldadu sira halo nunee duni.

João 19:28

Liu tiha nee, Jesus hatene ona dehan, Nia halo remata ona Nia serbisu hotu. Nee hodi kumpri saida mak hakerek ona iha Maromak nia Sagrada Eskritura. Nia dehan, “Hau hamrook.”

João 19:36

Buat sira nee hotu akontese, hodi kumpri saida mak hakerek iha Maromak nia Eskritura Sagrada nebee dehan, “Nia ruin sira, la iha ida mak tohar.”

Apostolu sira nia Istoria 1:11

Ema nain rua nee dehan, “Ema Galileia sira, nusaa mak imi hateke nafatin ba lalehan? Ohin imi haree Jesus sae ba lalehan husik hela imi, aban-bainrua Nia sei fila fali mai hosi lalehan hanesan mos imi foin haree.”

Apostolu sira nia Istoria 1:9

Jesus koalia tiha hotu, Maromak foti Nia sae ba lalehan iha sira nia oin. La kleur kalohan taka tiha Nia, i sira la haree tan Nia ona.

Apostolu sira nia Istoria 2:33

Agora Nai Maromak foti ona Jesus hodi tuur iha Nai Maromak nia sorin loos, iha fatin aas. I Jesus simu Espiritu Santu hosi Nia Aman hodi foo fali mai ami, tuir Nai Maromak promete ona hori uluk. Saida mak imi rona ho haree agora nee, Maromak nia Espiritu nia serbisu.

Apostolu sira nia Istoria 3:18

Maibee liu hosi dalan nee Nai Maromak kumpri Nia liafuan nebee Nia foo sai hori uluk ona, liu hosi Nia profeta sira, dehan Ema ida nebee Nia hili ona nee, tenki hetan terus barak.

2 Korintu 12:2

Hau konhese ema kristaun ida, iha tinan sanulu resin haat liu baa, Maromak foti nia sae ba iha lalehan, iha fatin nebee aas liu. Ema nee sae ba ho nia isin ka nia isin la baa, hau la hatene, Maromak mak hatene.

Efezu 3:19

Hau halo orasaun atu imi bele hatene loloos Kristu nia domin nee, maski ita ema nia matenek la too. Nunee imi bele hatudu Maromak nia diak ho Nia domin iha imi nia moris tomak.

Kolose 1:19

Buat hotu-hotu nebee iha Nai Maromak nia Aan, iha mos iha Kristu, tanba Maromak hakarak hanesan nee.

Kolose 2:9

Kristu sai ema. Maski nunee, maibee buat hotu-hotu nebee iha Nai Maromak, iha mos iha Kristu.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Ebreu 4:14

Nee duni ita tenki kaer metin ita nia fiar. Tanba ita iha nai-lulik boot ida. Nia tama tiha ona too iha Nai Maromak nia futar oin. Nia mak Jesus, Maromak nia Oan.

Ebreu 7:26

Jesus nee Nai-Lulik Boot nebee mak diak liu. Ita presiza teb-tebes nai-lulik ida hanesan nee, tanba Nia ema ida nebee santu, la iha sala, buat aat ida mos la iha. Maromak haketak ona Nia hosi ema sala nain sira hodi foti Nia ba iha fatin aas liu iha lalehan.

Ebreu 8:1

Buat nebee ohin ita koalia nee, importante liu mak nee: Agora ita iha ona Nai-Lulik Boot nebee diak liu, Nia tuur hela iha Nai Maromak nia sorin kuana iha lalehan hodi kaer ukun.