Efezu 4:1 - Biblia Tetun Dili

¹ Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 4:1 Iomraidhean Croise

Jenesis 17:1

Bainhira Abrão tinan 99, NAI Maromak mai hatudu Aan ba nia. Nia hatete, “Hau nee NAI Maromak Boot Liu. O tenki tuir nafatin Hau nia hakarak, i moris loos.

Apostolu sira nia Istoria 9:31

Liu tiha nee, Nai Jesus nia povu iha provinsia Judeia, iha provinsia Galileia ho provinsia Samaria moris ho hakmatek. Sira amenta barak ba bebeik, i moris hamtauk ba Nai Maromak. Tanba Nai Maromak nia Espiritu Santu mak hametin sira nia laran.

Roma 11:29

Tanba bainhira Maromak foo Nia grasa, Nia nunka foti fila fali. I bainhira Nia bolu ema ida sai Ninian, Nia nunka nega fali.

Roma 12:1

Maun-alin sira, tanba Maromak hatudu ona Nia laran diak mai ita, nunee hau husu ba imi para entrega imi nia aan tomak ba Nia, hanesan sakrífisiu ida nebee sei moris, sakrífisiu ida nebee moos i halo haksolok Maromak nia laran. Ida nee mak dehan imi adora Maromak loloos.

1 Korintu 4:16

Nunee hau husu ba imi atu moris tuir hau nia ezemplu.

2 Korintu 10:1

Hau, Paulo, mak hakerek iha nee. Imi balu hanoin dehan, iha imi nia oin, hau la brani koriji imi, hosi dook mak foin hau brani. Agora ho Kristu nia laran maus ho haraik aan, hau, Paulo husu

2 Korintu 5:20

Ami nee Kristu mak haruka. Nunee bainhira ami foo sai Maromak nia hakarak, nee hanesan Maromak rasik mak koalia liu hosi ami. Hodi Kristu nia naran, ami husu ho laran atu imi foo imi nia aan ba dame ho Maromak.

2 Korintu 6:1

Tanba ami serbisu hamutuk ho Maromak, nunee ami husu atu imi la bele fila kotuk ba Maromak nia grasa nebee imi simu ona.

Galasia 4:12

Maun-alin sira, hau husu boot atu imi livre hosi buat sira nee, hanesan mos hau. Tanba hau moris livre ona hosi lei relijiaun Judeu, hanesan mos imi nebee laos ema Judeu. Uluk, bainhira ita sei hamutuk, imi la halo buat aat ida mai hau.

Efezu 2:10

Ita ema Nai Maromak nia liman fatin. I Kristu Jesus foo moris foun mai ita para ita bele halao buat diak iha ita nia moris loro-loron. Buat diak sira nee, Maromak prepara tiha ona ba ita hori uluk kedas.

Efezu 3:1

Hau, Paulo, agora dadauk dadur hela iha komarka tanba hau halao serbisu nebee Kristu Jesus foo mai hau. Serbisu nee mak foo sai Nia Novidade Diak ba imi nebee laos ema Judeu.

Efezu 4:17

Rona didiak saida mak hau hatete agora ba nee, tanba hau koalia hodi Nai Jesus nia naran. Imi la bele moris tan hanesan ema nebee la konhese Nai Maromak. Tanba sira nia hanoin arbiru deit.

Efezu 4:4

Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Efezu 5:2

Hadomi malu, hanesan mos Kristu hadomi ita, too Nia foo Aan ba mate hodi troka ita. Ho Nia mate nee Nia sai hanesan sakrifisiu morin nebee halo haksolok Nai Maromak.

Filipi 1:27

Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Filipi 3:14

Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tanba Kristu Jesus mate mai hau.

Kolose 1:10

Ho nunee, imi nia moris foti aas Nai Jesus nia naran, i sempre halo haksolok Nia laran. Imi mos sei foo fuan iha imi nia serbisu nebee diak, i sei buras hodi konhese Maromak diak liu tan.

Kolose 2:6

Imi simu ona Kristu Jesus hanesan imi nia Nai. Tanba nee, imi mos tenki moris laran ida ho Nia nafatin.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

1 Tesalonika 2:12

Ami foo konselhu ba imi hodi hametin imi nia laran, i husu bebeik ho laran tomak ba imi hodi moris tuir Maromak nia hakarak. Tan Nia mak liurai boot, nebee bolu imi sai Nia reinu hodi simu respeitu hamutuk ho Nia.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

Tito 2:10

i la bele naok nia sasaan. Maibee sira tenki onestu no foo laran ba sira nia patraun. Ho nunee ema seluk nebee haree atan sira nia moris nee, sei foo valor ba ita nia hanorin kona ba Nai Maromak, ita nia Salvador.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.

Ebreu 3:1

Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

1 Pedro 2:11

Maluk doben sira, imi nee ema lao rai deit, imi hela iha mundu nee la kleur ida. Tanba nee hau husu atu imi hadook aan hosi imi nia hakarak nebee aat, tanba imi nia hakarak aat sempre halo funu hasoru imi nia aan.

1 Pedro 3:9

Se ema ruma halo aat ba imi, la bele halo aat fali ba sira. Se ema ruma hatete aat imi, la bele hatete aat fali sira, maibee foo bensaun ba sira, tanba Nai Maromak bolu imi atu halo nunee para imi mos hetan bensaun.

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.

2 Pedro 1:3

Ita konhese ona Nai Maromak. Tanba nee, hosi Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak. Nia mos bolu ona ita sai Nia ema, tanba Nia mak Maromak forsa teb-tebes i diak duni.

2 João 1:5

Entaun senhora, agora hau husu ba ita para ita hadomi malu. Ukun fuan nee laos buat foun ida, imi simu tiha ona hori uluk kedas.