Efezu 3:9 - Biblia Tetun Dili

⁹ Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

Efezu 3:9 Iomraidhean Croise

Mateus 10:27

Buat nebee mak Hau foo hatene ba imi iha kotu-kotuk, imi tenki hatete sai. I saida mak Hau hanorin bis-bisu deit ba imi, imi tenki foo sai ho lian makaas iha ema barak nia oin.

Mateus 13:35

Nunee Nia halo tuir saida mak Maromak nia profeta hakerek tiha ona dehan, “Hau sei hanorin uza komparasaun. Hau sei foo sai buat nebee durante nee subar hela, komesa hosi Maromak halo mundu too agora.”

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Mateus 28:19

Tanba nee, baa hanorin ema iha nasaun hotu-hotu atu sira sai Hau nia eskolanti. Foo sarani sira hodi Aman, Oan no Espiritu Santu sira nia naran.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

João 10:30

Hau ho Hau nia Aman, Ami ida deit.”

João 5:17

Maibee Jesus foo hatene ba sira dehan, “Hau nia Aman serbisu nafatin. Nunee, Hau mos serbisu nafatin.”

João 5:19

I Jesus foo hatene ba sira dehan, “Loos! Hau foo hatene dehan, Hau la bele halo buat ida hosi Hau nia aan rasik. Tan Hau Nai Maromak nia Oan. Nee mak Hau so bele halo tuir buat nebee Hau haree Hau nia Aman halo. Hau nia Aman halo saida, ida nee mak Hau halo tuir.

Roma 11:25

Maun-alin sira, hau hakarak atu imi hatene Maromak nia planu nebee uluk segredu hela, para imi la bele foti aan. Nia planu mak nee: agora dadauk ema Israel barak sei ulun toos hasoru Maromak. Sira sei ulun toos too Maromak hili ona ema seluk tama hotu ba Maromak nia povu, foin sira fiar ba Nia.

1 Korintu 2:7

Matenek nebee mak ami foo sai nee, matenek Maromak nian. Molok mundu iha, Maromak iha ona planu hodi foti aas ita liu hosi Jesus, maibee durante nee Nia planu nee segredu hela.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 3:2

Imi rona ona katak, Nai Maromak foo fiar mai hau halo serbisu nee ba imi tanba Nia laran diak mai hau.

Efezu 6:19

Keta haluha halo orasaun mos mai hau, para bainhira hau loke hau nia ibun, Nai Maromak foo liafuan mai hau, atu hau bele foo sai segredu Novidade Diak nee ho brani.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:26

Hori uluk liu, Maromak nia planu nee sei taka hela ba ita ema. Maibee agora, Maromak loke ona Nia planu ba Nia povu.

Kolose 3:3

Tanba imi mate ona hamutuk ho Kristu. I agora imi mos moris hamutuk ho Nia iha Nai Maromak nia oin, maski ema seluk seidauk haree.

Kolose 4:3

Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

2 Tesalonika 2:13

Maun-alin sira nebee Nai Jesus hadomi. Ami sempre agradese ba Nai Maromak, tanba hori uluk kedas Nia hili nanis ona imi atu simu salvasaun. Nia salva imi liu hosi Nia Espiritu nebee halo imi moris ho laran moos, i liu hosi imi nia fiar ba lia loos.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

2 Timóteo 4:17

Bele nunee mos, Nai Jesus hamriik iha hau nia sorin hodi foo forsa mai hau, para hau bele foo sai Novidade Diak hotu. Nunee sira nebee laos ema Judeu mos bele rona. I Maromak mos hasai hau hosi liaun nia ibun.

Tito 1:2

Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

1 Pedro 1:20

Uluk liu, molok Nai Maromak halo mundu nee, Nia hili tiha ona Kristu atu selu kotu imi. Agora, mundu besik atu remata ona, foin Nai Maromak haruka Kristu mai para tulun imi.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 14:6

Depois hau haree anju ida semo aas lori Maromak nia Novidade Diak nebee iha too tinan ba tinan. Nia baa lori Novidade Diak nee hodi foo sai ba ema hotu-hotu hosi povu, suku, lian ho nasaun hotu iha mundu tomak.

Apokalipse 17:8

Animal siak nee uluk moris iha mundu, maibee agora la iha tiha ona. Aban-bainrua nia sei mosu fali mai hosi rai kuak klean nakukun. Bainhira nia mosu fali mai, ema hotu-hotu iha mundu nebee naran la tau iha lista ema moris rohan-laek nian molok Maromak halo mundu nee, sira sei admira haree animal siak nee. Tanba animal siak nee uluk moris, depois la iha tiha ona, maibee too ikus mosu fali. Maski nunee Maromak sei halo rahun tiha nia.

Apokalipse 4:11

“Maromak ami nia Nai, Ita Boot mak serve atu ema hotu-hotu hahii no foti aas Ita nia naran, tanba Ita Boot mak forsa teb-tebes, Ita Boot mak halo buat hotu-hotu. Buat sira nee hotu iha tanba Ita Boot mak hakarak.”