Efezu 3:8 - Biblia Tetun Dili

⁸ Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Efezu 3:8 Iomraidhean Croise

Lucas 14:22

Atan nee mos halo tuir. Bainhira nia fila, nia foo hatene dehan, ‘Patraun, sira mai hotu ona, maibee fatin mamuk sei iha.’

João 1:16

João koalia nunee, tanba Ema nee hakarak teb-tebes hatudu Nia grasa bebeik mai ita hotu.

Apostolu sira nia Istoria 5:41

Sira sai hosi tribunal relijiaun ho laran haksolok, tanba Nai Maromak konsidera sira serve atu terus tanba Jesus.

Apostolu sira nia Istoria 9:15

Maibee Nai Jesus koalia tan, “O baa deit! Tanba Hau hili ona nia hodi serbii Hau, i lori Hau nia Novidade Diak baa foo ba sira nebee laos ema Judeu, foo ba liurai sira, ho mos ba ema Judeu sira.

Roma 11:33

Nai Maromak nia matenek klean liu, Nia komprende hosi huun too rohan. La iha ema ida mak bele komprende Nia desizaun, la iha ema ida mak bele hanoin hetan Nia dalan.

Roma 12:10

Hadomi malu hanesan maun-alin. Hatudu uluk respeitu ba malu.

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

1 Korintu 15:9

Hau mak kiik liu hosi apostolu sira hotu. Tuir loloos, hau la serve atu ema bolu hau apostolu, tanba uluk hau halo terus Maromak nia povu.

1 Korintu 2:9

Iha Livru Sagradu hakerek kona ba Maromak nia planu nebee uluk segredu hela nee dehan, “Buat nebee ema nia matan la haree, ema nia tilun seidauk rona, ema nia neon seidauk hanoin hetan Maromak prepara tiha ona ba ema nebee hadomi Nia.”

Galasia 2:8

Sira haree katak Nai Maromak foo kbiit ba Pedro hodi halao nia serbisu nudar Nai Jesus nia apostolu ba ema Judeu. Nunee mos Nia foo kbiit mai hau nudar Nia apostolu ba ema nebee laos Judeu.

Efezu 2:7

Maromak halo nunee para iha tempu oin mai, ema bele haree Nia domin ida nebee boot liu hotu-hotu, i bele hatene Nia grasa nebee Nia hatudu mai ita liu hosi Kristu Jesus.

Efezu 3:1

Hau, Paulo, agora dadauk dadur hela iha komarka tanba hau halao serbisu nebee Kristu Jesus foo mai hau. Serbisu nee mak foo sai Nia Novidade Diak ba imi nebee laos ema Judeu.

Efezu 3:16

Maromak nia kbiit boot teb-tebes, i Nia laran diak teb-tebes. Nunee Hau harohan atu Nia Espiritu foo kbiit ba imi hodi hametin imi nia laran.

Efezu 3:19

Hau halo orasaun atu imi bele hatene loloos Kristu nia domin nee, maski ita ema nia matenek la too. Nunee imi bele hatudu Maromak nia diak ho Nia domin iha imi nia moris tomak.

Efezu 3:2

Imi rona ona katak, Nai Maromak foo fiar mai hau halo serbisu nee ba imi tanba Nia laran diak mai hau.

Filipi 2:3

La bele halo saida deit hodi buka diak ba imi nia aan. La bele foti aan, maibee tenki haraik aan hodi konsidera ema seluk diak liu fali imi.

Filipi 4:19

Hau nia Maromak riku teb-tebes. I Nia sei foo ba imi buat hotu nebee imi presiza, tuir nia rikusoin hosi lalehan iha Kristu Jesus.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

1 Timóteo 2:7

I Nai Maromak hili ona hau sai Nai Jesus nia apostolu, hodi baa foo sai Novidade Diak ba sira nebee laos ema Judeu, i hanorin Maromak nia lia loos ba sira atu sira mos fiar ba Nai Jesus. Hau Jesus nia apostolu duni; hau la bosok.

2 Timóteo 1:11

Nee mak Novidade Diak. I Nai Maromak foti hau sai Jesus Kristu nia apostolu, para foo sai i hanorin Novidade Diak nee.

Apokalipse 3:18

Nunee diak liu imi sosa osan mean diak nian hosi Hau para imi bele sai riku. Imi sosa hena mutin hosi Hau hodi taka imi nia isin molik para imi la moe tan. I sosa aimoruk hosi Hau hodi kose ba imi nia matan delek sira nee para haree.