Efezu 3:7 - Biblia Tetun Dili

⁷ Nai Maromak hatudu Nia grasa mai hau hodi hili hau foo sai Nia Novidade Diak. I Nia foo Nia kbiit mai hau para halao serbisu nee.

Efezu 3:7 Iomraidhean Croise

Apostolu sira nia Istoria 9:15

Maibee Nai Jesus koalia tan, “O baa deit! Tanba Hau hili ona nia hodi serbii Hau, i lori Hau nia Novidade Diak baa foo ba sira nebee laos ema Judeu, foo ba liurai sira, ho mos ba ema Judeu sira.

Roma 1:5

Maromak hatudu Nia grasa mai hau liu hosi Jesus too Nia hili hau sai apostolu. Nia hili hau para lori ema hosi nasaun hotu-hotu bele fiar ba Jesus i halo tuir Nia liafuan, atu nunee ema hotu-hotu bele foti aas Nia naran.

Roma 12:3

Tanba Maromak hatudu Nia grasa mai hau too Nia hili hau sai apostolu, hau hatete ba imi ida-idak: la bele hanoin buat nebee aas liu dukee loloos nian. Diak liu imi hatene kbiit nebee Maromak foo tiha ona ba imi ida-idak tanba imi nia fiar, atu nunee imi bele hatene imi nia aan.

Roma 15:16

Nia foti hau sai Kristu Jesus nia atan para serbii ema nebee laos Judeu. Hau kaer knaar hanesan nai-lulik ida hodi foo sai Maromak nia Novidade Diak. Nunee ema nebee laos Judeu bele sai hanesan oferta ida nebee halo haksolok Maromak nia laran, tanba Espiritu Santu halo sira sai moos tiha ona.

1 Korintu 15:10

Maibee Maromak hatudu Nia grasa mai hau, nee mak hau nia moris sai hanesan agora. I Nia grasa mai hau la saugati, tanba durante nee hau serbisu makaas liu fali hau nia maluk apostolu sira seluk. Maibee laos hau mak serbisu, Maromak nia grasa iha hau mak halo serbisu nee.

1 Korintu 3:5

Apolo nee see? I hau, Paulo nee see? Ami nee hanesan atan deit. Ami hatudu dalan ba imi atu imi bele fiar ba Kristu. Ami ida-idak halao knaar nebee ita nia Nai foo tiha ona ba ami.

2 Korintu 3:6

Nia mak foo kbiit mai ami atu foo sai ba ema kona ba Nia aliansa foun. Aliansa foun nee laos foo liu hosi Moisés nia lei nebee hakerek tiha ona, maibee foo liu hosi Maromak nia Espiritu. Tanba lei nebee hakerek nee, se ita la halo tuir, lori ita ba mate. Maibee Maromak nia Espiritu lori ita ba moris rohan-laek.

2 Korintu 4:1

Maromak hatudu ona Nia domin mai ami hodi haruka ami halao Nia serbisu nee. Tanba nee ami la hakiduk.

Galasia 2:8

Sira haree katak Nai Maromak foo kbiit ba Pedro hodi halao nia serbisu nudar Nai Jesus nia apostolu ba ema Judeu. Nunee mos Nia foo kbiit mai hau nudar Nia apostolu ba ema nebee laos Judeu.

Efezu 1:19

Hau harohan atu imi bele hatene Maromak nia kbiit. Nia kbiit nee makaas teb-tebes, boot liu hotu-hotu. Hodi kbiit nee mak Nia tulun ita nebee fiar ba Nia. Hodi kbiit nee mos

Efezu 3:2

Imi rona ona katak, Nai Maromak foo fiar mai hau halo serbisu nee ba imi tanba Nia laran diak mai hau.

Efezu 3:20

Nai Maromak nia kbiit makaas teb-tebes. Nia bele halo liu fali saida deit mak ita husu ba Nia, no saida mak ita hanoin. Hodi Nia kbiit boot nee mak Nia serbisu iha ita nia laran.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Efezu 4:16

I ita hanesan Nia isin lolon. Bainhira ema nia liman-ain sira nee ida-idak halo tuir nia knaar rasik, entaun isin lolon nee forti ba bebeik. Nunee mos Kristu nia povu. Kristu halo ita hotu sai ida. Se ita hadomi malu i ida-idak halao nia knaar, mak ita hamutuk boot ba dadauk i sai forti.

Kolose 1:29

Ho objetivu nee mak hau serbisu mate aan ho forsa tomak nebee Kristu foo mai hau. I Nia forsa nee makaas teb-tebes.

1 Tesalonika 2:13

Iha tan buat ida nebee halo ami sempre agradese ba Nai Maromak. Bainhira ami foo sai Maromak nia liafuan ba imi, imi rona i simu liafuan nee, laos nudar ema nia liafuan, maibee nudar Nai Maromak nia liafuan. Liafuan nee mak halo serbisu iha imi sarani sira nia moris hodi halo imi tuir Maromak nia hakarak.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.