Efezu 3:6 - Biblia Tetun Dili

⁶ Segredu nee mak nee: se ema nebee laos Judeu fiar ba Maromak nia Novidade Diak, entaun sira sei simu bensaun nebee Maromak foo ba Nia oan sira, hanesan mos Nia foo ema Judeu. Sira ho ema Judeu hamutuk sai povu ida. Nee hanesan sira halo parte iha isin lolon ida deit. I sira simu mos buat nebee Maromak promete ona ba Nia povu tanba sira laran ida ho Kristu Jesus.

Efezu 3:6 Iomraidhean Croise

1 Korintu 12:12

Hau foo ezemplu ida hosi ema nia isin lolon. Isin lolon ida iha parte oi-oin. Maski iha barak, maibee parte sira nee hamutuk isin lolon ida deit. Nunee mos Kristu nia povu.

1 Korintu 12:27

Nunee mos imi. Imi hotu hanesan Kristu nia isin lolon, imi ida-idak halo parte iha Nia isin nee.

Galasia 3:14

Bainhira Jesus Kristu foo liberdade mai ita, bensaun nebee Nai Maromak uluk foo ba Abraão, tuun mos ba ema nebee laos Judeu. Nunee se ita fiar ba Kristu Jesus, ita bele simu Nai Maromak nia Espiritu Santu nebee Nia promete tiha ona.

Galasia 5:24

See mak sai ona Kristu Jesus nia ema, nia la moris tan tuir isin nia hakarak. Tanba hakarak aat ho hanoin aat hotu-hotu, nia prega tiha ona iha krus.

Efezu 3:3

Nia foo sai ona Nia planu segredu mai hau, hanesan hau hakerek tiha ona ituan iha leten.

Efezu 5:30

tanba ita hanesan Nia isin lolon.

Efezu 5:7

Nee duni, la bele ransu ho ema nebee moris hanesan nee.

Kolose 2:19

Ema sira nee haketak aan ona hosi Kristu, maski Nia mak Ulun, i Nia povu hanesan Nia isin lolon. Kristu halo Nia povu hotu hamutuk sai ida deit, hanesan mos ita nia uat sira liga metin ho ita nia ruin iha isin lolon tomak. Nunee Kristu halo ita hotu buras ba bebeik, tuir Maromak nia planu duni.

1 João 1:3

Saida mak ami haree i rona rasik, ida nee mak ami foo sai ba imi, para imi bele sai laran ida ho ami, i nunee ita hotu hamutuk laran ida ho Aman Maromak no ho Nia Oan Jesus Kristu.

1 João 2:25

I Maromak promete ba ita katak ita sei hetan moris rohan-laek.