Efezu 3:5 - Biblia Tetun Dili

⁵ Uluk segredu nee seidauk foo sai ba ema ida. Maibee agora Maromak foo sai ona liu hosi Nia Espiritu ba Jesus nia apostolu sira ho Maromak nia profeta sira nebee tatoli Nia liafuan.

Efezu 3:5 Iomraidhean Croise

Mateus 13:17

Hau hatete loloos ba imi, uluk profeta barak ho ema seluk nebee moris loos, hakarak teb-tebes atu haree buat nebee mak agora imi haree, maibee sira la haree. Sira hakarak teb-tebes atu rona buat nebee agora imi rona, maibee sira la rona.”

Mateus 20:7

Sira hataan, ‘La iha ema ida mak foo serbisu mai ami.’ Toos nain dehan, ‘Se nunee, imi baa serbisu iha hau nia toos deit.’

Mateus 23:34

Tanba nee, rona didiak! Hau sei haruka nafatin ba imi profeta sira, ema matenek sira ho mos mestri sira nebee hanorin Maromak nia Liafuan. Maibee imi sei oho balu, i prega balu ba iha krus. Sira seluk imi baku ho sikoti iha imi nia uma kreda i duni hosi aldeia ba aldeia.

Lucas 10:24

Hau hatete ba imi, uluk liurai ho profeta barak hakarak teb-tebes atu haree buat nebee agora imi haree, maibee sira la haree. Sira hakarak rona buat nebee agora imi rona, maibee sira la rona.”

Lucas 11:49

Tanba nee, Nai Maromak koalia sai Nia matenek kona ba imi dehan, ‘Hau sei haruka Hau nia profeta sira ho apostolu sira ba imi maibee imi sei halo terus balu, i oho balu.’

João 14:26

Tuir mai, Hau nia Aman sei haruka Tulun-Nain ida mai. Nia nee mak Espiritu Santu. Nia mai lori Hau nia naran. Nia serbisu mak: hanorin buat hotu ba imi, i foo hanoin ba imi buat hotu nebee Hau foo hatene ona ba imi.

João 16:13

Maibee bainhira Espiritu nebee hatudu lia loos mai ona, Nia sei hanorin imi para bele komprende buat nebee loos. Nia la koalia hosi Nia aan rasik, maibee Nia foo hatene saida mak Nia rona hosi Hau nia Aman. Nia mos sei foo hatene ba imi, saida mak sei mosu iha aban-bainrua.

Apostolu sira nia Istoria 10:28

Nia koalia dehan, “Maun-alin sira, imi hatene ona, tuir ami Judeu nia lisan, ami la bele ransu hamutuk ho ema sira nebee laos Judeu, saa tan ba tama iha sira nia uma. Maibee Nai Maromak hatudu ona mai hau katak, hau la bele dehan ema ida foer ka la iha folin. Nee duni, hau la bele hakribit tan ema nebee laos Judeu.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

1 Korintu 2:10

Agora Maromak foo sai tiha ona buat nee mai ita liu hosi Nia Espiritu. Nia Espiritu nee buka hatene buat hotu-hotu too nia huun. Iha Maromak nia hanoin nebee klean mos, Nia Espiritu buka tuir hotu.

Efezu 2:20

Nee hanesan Nai Maromak harii uma ida. Kristu Jesus hanesan fatuk prinsipal liu iha uma nee. Depois Nia apostolu sira ho profeta sira nebee tatoli Nia liafuan, mak hanesan fatuk nebee Maromak hada uluk. Depois Nia hada mos imi hamutuk iha fatuk sira nee nia leten.

Efezu 3:9

Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

2 Pedro 3:2

Hau hakarak atu imi hanoin nafatin Maromak nia liafuan sira nebee profeta sira uluk hatoo ona ba imi. Imi tenki hanoin mos hanorin nebee ita nia Salvador Nai Jesus foo ba imi liu hosi Nia apostolu sira.

Judas 1:17

Maibee maluk doben sira, la bele haluha liafuan nebee ita nia Nai Jesus Kristu nia apostolu sira foo sai tiha ona ba imi.