Efezu 3:4 - Biblia Tetun Dili

⁴ Bainhira imi lee ona ida nee, imi bele komprende Nai Maromak nia planu kona ba Jesus Kristu, tuir buat nebee Nia foo sai ona mai hau.

Efezu 3:4 Iomraidhean Croise

Mateus 13:11

Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

Lucas 8:10

Jesus hataan, “Uluk ema seidauk hatene Nai Maromak ukun nudar Liurai. Agora Hau foo sai momoos ba imi. Maibee ba ema seluk, Hau hanorin sira uza komparasaun deit, atu nunee ‘Sira haree, maibee hanesan sira la haree. Sira rona, maibee sira la komprende.’ ”

Roma 11:25

Maun-alin sira, hau hakarak atu imi hatene Maromak nia planu nebee uluk segredu hela, para imi la bele foti aan. Nia planu mak nee: agora dadauk ema Israel barak sei ulun toos hasoru Maromak. Sira sei ulun toos too Maromak hili ona ema seluk tama hotu ba Maromak nia povu, foin sira fiar ba Nia.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

1 Korintu 13:2

Se karik hau iha kbiit hodi foo tutan Maromak nia lia menon, hau komprende Nia segredu hotu, hau hatene buat hotu-hotu, i hau fiar makaas too hau bele muda foho, maibee hau la iha domin, hau la iha folin ida.

1 Korintu 4:1

Nee duni, imi tenki konsidera ami nee Kristu nia atan deit. Maromak foo fiar mai ami atu foo sai Nia planu segredu.

2 Korintu 11:6

Karik hau la matenek koalia, maibee kona ba konhesimentu hau laos ema beik no hau hatene tuir saida mak hau koalia. Nee ami hatudu ona ba imi iha buat hotu-hotu.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 3:3

Nia foo sai ona Nia planu segredu mai hau, hanesan hau hakerek tiha ona ituan iha leten.

Efezu 3:9

Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

Efezu 5:32

Liafuan nee klean teb-tebes, i tuir hau haree, hatudu mos ba Kristu ho Nia povu.

Efezu 6:19

Keta haluha halo orasaun mos mai hau, para bainhira hau loke hau nia ibun, Nai Maromak foo liafuan mai hau, atu hau bele foo sai segredu Novidade Diak nee ho brani.

Kolose 1:26

Hori uluk liu, Maromak nia planu nee sei taka hela ba ita ema. Maibee agora, Maromak loke ona Nia planu ba Nia povu.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

Kolose 4:3

Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

1 Timóteo 3:9

Nia tenki laran moos i kaer no fiar metin lia loos nebee Maromak hatudu mai ita.