Efezu 3:12 - Biblia Tetun Dili

¹² Ita nebee fiar ona ba Kristu Jesus, i laran ida ho Nia, la bele tauk atu hakbesik aan ba iha Maromak nia futar oin.

Efezu 3:12 Iomraidhean Croise

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

Roma 3:22

Dalan mak nee: See mak fiar ba Jesus Kristu, Maromak simu nia hodi deklara katak nia moris loos ona. Atu nia ema Judeu ka laos Judeu, Maromak la haree ba ida nee.

Roma 5:2

Kristu mos halo ita hatene Maromak nia grasa iha ita nia moris agora, tanba ita fiar. Ita nia laran mos haksolok, tanba ita laran metin katak, aban-banrua Maromak sei foti ita hodi senti Nia naroman nabilan.

2 Korintu 3:4

Ami brani koalia nunee tanba Kristu halo ami laran metin ba Maromak.

Efezu 2:18

Kristu loke ona dalan ba ita hotu too ba iha Nai Maromak nia futar oin. Atu ita ema Judeu ka ema nebee laos Judeu, ita hotu bele tama ba Maromak tanba Nia Espiritu Santu nia tulun.

Ebreu 10:35

Entaun la bele husik imi nia fiar. Tanba se imi laran metin nafatin, Maromak sei foo prémiu boot ba imi.

Ebreu 3:6

Maibee Jesus Kristu halo tuir Maromak nia hakarak hodi toma konta Maromak nia uma laran nudar Maromak nia Oan rasik. Ita nee mak halo parte iha Maromak nia familia iha Nia uma laran, naran katak ita kaer metin ita nia fiar i laran metin nafatin ba promesa nebee Maromak foo ona mai ita.

1 Pedro 3:18

Kristu mate dala ida deit ba ita nia sala hotu. Nia nebee moris loos mate ba sala nain sira para lori ita ba Nai Maromak. Nudar ema nebee iha isin ho raan, ema oho tiha Nia, maibee Maromak nia Espiritu halo moris fali Nia.

1 João 2:28

Nee duni, oan doben sira, imi tenki moris laran ida ho Jesus Kristu nafatin, para aban-bainrua Jesus fila fali mai hosi lalehan, ita la tauk i la moe hamriik iha Nia oin.

1 João 3:21

Maluk doben sira, se ita nia fuan-laran la akuza ita maka ita bele iha brani fiar hodi hakbesik aan ba Nai Maromak.