Efezu 3:1 - Biblia Tetun Dili

¹ Hau, Paulo, agora dadauk dadur hela iha komarka tanba hau halao serbisu nebee Kristu Jesus foo mai hau. Serbisu nee mak foo sai Nia Novidade Diak ba imi nebee laos ema Judeu.

Efezu 3:1 Iomraidhean Croise

Lucas 21:12

Molok buat sira nee atu akontese, ema sei kaer imi, i halo terus imi. Sira sei entrega imi ba lider uma kreda hodi tesi imi nia lia, i sei hatama imi ba kadeia. Sira mos sei foo sala ba imi iha liurai ho nai ulun sira nia oin. Buat sira nee hotu sai nunee, tanba imi tuir Hau.

Apostolu sira nia Istoria 21:33

Komandante kaer tiha Paulo, i haruka sira futu nia ho korenti rua. Nia husu ba ema barak nee, “Ema nee see? Nia halo sala saida?”

Apostolu sira nia Istoria 23:18

Entaun kapitaun lori joven nee ba nia komandante, hodi dehan, “Paulo, nebee ita dadur hela nee, husu para hau lori labarik nee mai ita, atu foo sai buat ruma.”

Apostolu sira nia Istoria 26:29

Paulo hataan, “Hau harohan ba Nai Maromak, atu lalais ka kleur, laos liurai deit, maibee ema hotu nebee ohin loron rona hau nia koalia, bele sai Jesus nia ema, hanesan hau. Naran katak senhor sira keta hetan kastigu hanesan hau.”

Apostolu sira nia Istoria 9:15

Maibee Nai Jesus koalia tan, “O baa deit! Tanba Hau hili ona nia hodi serbii Hau, i lori Hau nia Novidade Diak baa foo ba sira nebee laos ema Judeu, foo ba liurai sira, ho mos ba ema Judeu sira.

2 Korintu 1:6

Bainhira ami hetan susar, ida nee hodi hametin imi nia laran i hasai imi hosi buat aat. I bainhira Maromak hametin ami nia laran, ida nee atu ami bele hametin fali imi nia laran. Nunee bainhira imi hetan terus hanesan ami, imi mos sei aguenta ho pasiensia.

2 Korintu 10:1

Hau, Paulo, mak hakerek iha nee. Imi balu hanoin dehan, iha imi nia oin, hau la brani koriji imi, hosi dook mak foin hau brani. Agora ho Kristu nia laran maus ho haraik aan, hau, Paulo husu

2 Korintu 11:23

Sira nee serbii Kristu ka? Hau koalia hanesan fali ema bulak, hau serbii Kristu liu fali sira. Hau serbisu makaas liu. Ema hatama hau ba komarka dala barak liu, ema baku hau ho xikote dala barak liu, i dala barak hau atu mate sal-sala.

Galasia 5:11

Maun-alin sira, se karik hau hanorin nafatin katak, ema tenki sunat, entaun ema Judeu sei la halo hau terus hanesan agora nee, i hau nia hanorin kona ba Jesus nia mate iha krus mos, la halo sira hirus.

Galasia 5:2

Rona mai! Hau Paulo mak koalia. Se imi simu sunat para bele diak malu ho Maromak, entaun Kristu nia mate la iha folin ba imi.

Galasia 5:24

See mak sai ona Kristu Jesus nia ema, nia la moris tan tuir isin nia hakarak. Tanba hakarak aat ho hanoin aat hotu-hotu, nia prega tiha ona iha krus.

Efezu 3:11

Nai Maromak sei halo buat sira nee hotu tuir planu nebee Nia desidi tiha ona molok Nia halo mundu nee. I Nia foo planu nee ba ita nia Nai Jesus Kristu mak halao.

Efezu 3:13

Tanba nee hau husu ba imi, la bele laran susar bainhira haree terus nebee hau simu tanba serbii imi nebee laos Judeu. Hau nia terus nee lori onra boot ba imi.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 6:20

Nai Jesus foti hau sai Nia embaixador para foo sai Novidade Diak nee. Tanba nee mak agora hau dadur hela iha komarka. Nee duni harohan mai hau, atu hau bele foo sai Nia Liafuan ho brani, tanba ida nee mak hau nia obrigasaun duni.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

Kolose 4:18

Hau rasik mak hakerek liafuan tuir mai nee: Kumprimentus hosi hau, Paulo. La bele haluha katak, hau dadur hela. Hau harohan para Nai Maromak hatudu Nia grasa ba imi.

Kolose 4:3

Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

2 Timóteo 1:16

Maibee Onesiforu lae. Nunee hau harohan ba Nai Maromak para hatudu Nia laran diak ba Onesiforu ho nia familia tomak. Tanba nia mai vizita hau bebeik iha kadeia, hodi hametin hau nia laran. Nia la moe maski hau ema dadur.

2 Timóteo 1:8

Tanba nee, la bele moe konta kona ba ita nia Nai Jesus. I la bele moe kona ba hau, maski hau dadur hela iha kadeia tanba hau serbii Nai Jesus. Maibee o tenki prontu simu terus hanesan hau, para bele foo sai Novidade Diak. I Maromak sei foo forsa ba o hodi aguenta iha terus nee nia laran.

Filemon 1:1

Surat nee hosi hau, Paulo, hamutuk ho ita nia irmaun Timóteo. Hau dadur hela iha komarka laran tanba hau tuir Kristu Jesus. Ami hakerek surat nee ba ami nia belun diak Filemon nebee serbii Nai Maromak hanesan ami.

Filemon 1:23

Epafras dadur hela hamutuk ho hau tanba nia mos foo sai kona ba Kristu Jesus. Nia haruka kumprimentus ba ita.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.