Efezu 2:8 - Biblia Tetun Dili

⁸ Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

Efezu 2:8 Iomraidhean Croise

Mateus 16:17

Jesus dehan, “Simão, Jonas nia oan, o hetan bensaun, tanba laos ema mak foo hatene ba o kona ba buat nee. Maibee Hau nia Aman iha lalehan mak foo hatene ba o.

Mateus 20:9

Nunee mandor bolu uluk ema nebee mak mai serbisu iha tuku lima lokraik, i sira ida-idak simu osan mutin ida.

Marcos 16:16

See mak fiar Hau, i sarani, Nai Maromak sei salva nia, i nia sei moris hamutuk ho Nai Maromak iha lalehan. Maibee see mak la fiar, Nai Maromak sei kastigu nia, i sei la simu nia iha lalehan.

Lucas 7:50

Maibee Jesus hatete ba feto nee, “Tanba o nia fiar mai Hau, nee mak o hetan salvasaun. Fila ho laran hakmatek.”

João 3:36

I ema nebee fiar ba Oan nee, sira hetan moris rohan laek. Maibee ema nebee la fiar ba Nia, no la halo tuir Nia liafuan, sira la hetan moris nee, nunee Nai Maromak hatudu Nia hirus nafatin hodi kastigu sira.”

João 4:10

Jesus hatete, “Se mana hatene saida mak Nai Maromak hakarak foo ba ema hotu, no mos hatene see mak Hau nebee husu bee nee, maka mana sei husu fila fali bee mai Hau. Nunee Hau sei foo bee nebee lori moris ba ema.”

João 5:24

Tebes duni! Hau foo hatene ba imi. Ema nebee rona Hau nia liafuan no fiar ba Nai Maromak, nebee haruka Hau mai, hetan moris rohan laek. Maromak la kastigu mate tan ema nee ona, tanba ema nee husik ona mate hodi tama ba moris hamutuk ho Maromak tinan ba tinan.

João 6:35

Jesus foo hatene ba sira dehan, “Hau mak Paun nee. Tan Hau mak lori moris nebee loloos. Nunee ema nebee sai Hau nia ema, sei la hamlaha tan. I ema nebee fiar mai Hau, sei la hamrook tan.

João 6:37

Afinal ema hotu nebee Hau nia Aman hili ona para sai Hau nia ema, sira sei mai ba Hau. I ema nebee mai iha Hau, Hau la duni nia sai.

João 6:40

Hanesan ohin Hau dehan ona, Hau nia Aman hakarak para ema hotu konhese no fiar mai Hau, Nia Oan, para sira bele hetan moris rohan laek. I bainhira mundu nee remata, Hau sei halo sira moris fali.”

João 6:44

Hau nia Aman iha lalehan mak haruka Hau mai iha nee. La iha ema ida mak bele mai iha Hau, se Hau nia Aman la lori nia mai. I bainhira mundu nee remata, Hau sei halo sira moris fali.

João 6:65

Jesus koalia tan, “Nee mak Hau foo hatene ona ba imi dehan, la iha ema ida nebee bele mai iha Hau, se Hau nia Aman iha lalehan la loke dalan ba nia.”

Apostolu sira nia Istoria 14:27

Too iha Antiokia, Paulo ho Barnabé halibur sarani sira hodi konta buat hotu-hotu nebee Maromak halo ona liu hosi sira. Sira mos foo hatene dehan Maromak loke ona dalan ba ema sira nebee laos Judeu hodi fiar ba Jesus.

Apostolu sira nia Istoria 15:11

Maromak foo salvasaun ba ita, laos tanba ita tuir lei relijiaun, maibee tanba Nai Jesus hatudu Nia grassa ba ita.”

Apostolu sira nia Istoria 16:14

Ida naran Lídia, hosi sidade Tiatira. Senhora nee faan hena koor uvas nebee folin karu teb-tebes. Nia hamtauk ona ba Nai Maromak. Bainhira nia rona Paulo nia liafuan, Maromak loke nia laran hodi simu kedas buat nebee Paulo koalia.

Apostolu sira nia Istoria 16:31

Paulo ho Silas hataan, “Ita fiar ba Nai Jesus mak Nai Maromak sei salva ita. Nunee mos ho senhor nia familia ho ema hotu nebee hela hamutuk ho ita.”

Roma 10:14

Maibee oinsaa mak ema bele husu tulun ba Nia se sira la fiar ba Nia? Oinsaa mak sira bele fiar ba Nia se sira nunka rona kona ba Nia? Oinsaa mak sira bele rona kona ba Nia se la iha ema ida mak baa foo sai ba sira?

Roma 10:17

Nunee, ema bele fiar deit liu hosi rona Novidade Diak kona ba Kristu. I para rona, tenki iha ema ruma mai foo sai ba sira.

Roma 4:16

Nee mak ita tenki fiar ba Maromak mak foin bele simu buat nebee Nia promete atu foo. Nunee, nudar Abraão nia jerasaun, ita bele laran metin katak, Maromak sei foo ba ita liu hosi Nia grasa. Atu ita ema Judeu nebee moris tuir lei ka fiar ba Maromak hanesan Abraão, ita hotu sei simu Maromak nia promesa. Tanba Abraão mak sai aman ba ita hotu.

Roma 4:5

Maibee ita ho Maromak laos nunee. Ema nebee la serbisu maibee fiar ba Nia, nia fiar sai lia loos. Tanba Maromak mak deklara ema aat sai moris loos.

Roma 9:16

Nunee, Maromak nia domin la depende ba ita ema nia hakarak ka ita nia esforsu rasik, maibee Maromak hadomi tanba deit Nia laran diak.

Galasia 3:14

Bainhira Jesus Kristu foo liberdade mai ita, bensaun nebee Nai Maromak uluk foo ba Abraão, tuun mos ba ema nebee laos Judeu. Nunee se ita fiar ba Kristu Jesus, ita bele simu Nai Maromak nia Espiritu Santu nebee Nia promete tiha ona.

Galasia 3:22

Iha Livru Sagradu hakerek dehan, sala kesi metin ema hotu-hotu iha mundu. Nee duni, so ema nebee fiar ba Jesus Kristu deit mak bele simu buat nebee Nai Maromak promete tiha ona.

Efezu 1:19

Hau harohan atu imi bele hatene Maromak nia kbiit. Nia kbiit nee makaas teb-tebes, boot liu hotu-hotu. Hodi kbiit nee mak Nia tulun ita nebee fiar ba Nia. Hodi kbiit nee mos

Efezu 2:10

Ita ema Nai Maromak nia liman fatin. I Kristu Jesus foo moris foun mai ita para ita bele halao buat diak iha ita nia moris loro-loron. Buat diak sira nee, Maromak prepara tiha ona ba ita hori uluk kedas.

Efezu 2:5

Maski ita hanesan mate tiha ona tanba ita nia sala, maibee Nia halo moris fali ita hamutuk ho Kristu. Tanba Maromak salva ita liu hosi Nia grasa.

Filipi 1:29

Maromak nee diak teb-tebes. Nia loke ona dalan ba imi para fiar ba Kristu. Laos nee deit, maibee Nia mos bolu imi atu terus tanba tuir Nia.

Kolose 2:12

Momentu imi simu batizmu, nee hanesan imi mate tiha ona i hakoi hamutuk ho Kristu, depois imi mos moris fali hamutuk ho Nia. Imi simu moris foun nee, tanba imi fiar katak Maromak iha kbiit boot teb-tebes hodi halo Kristu moris fali hosi mate, i imi laran metin katak Nia mos uza Nia kbiit nee para foo moris foun ba imi.

2 Tesalonika 1:9

Nia sei foo kastigu todan ba sira hotu too rahun tinan ba tinan. Nia duni sai sira hosi Nia oin. Nunee sira sei la haree tan ona Maromak nia naroman nabilan.

Ebreu 6:4

Tanba ema nebee fiar ona ba Kristu, se karik too ikus sira fila kotuk ba Nia, entaun ita atu lori sira husik fali sira nia sala, la bele ona. Tanba sira hetan ona naroman hosi Nai Maromak, sira koko ona bensaun lalehan nian, i sira simu ona Espiritu Santu.

1 Pedro 1:5

Tanba imi nia fiar ba Nai Maromak, Nia sei kuidadu nafatin imi hodi Nia kbiit too imi simu salvasaun nebee Maromak prepara tiha ona atu hatudu sai bainhira mundu nee remata.