Efezu 2:7 - Biblia Tetun Dili

⁷ Maromak halo nunee para iha tempu oin mai, ema bele haree Nia domin ida nebee boot liu hotu-hotu, i bele hatene Nia grasa nebee Nia hatudu mai ita liu hosi Kristu Jesus.

Efezu 2:7 Iomraidhean Croise

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

Efezu 1:7

Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Efezu 2:4

Maibee Maromak laran diak loos no hadomi teb-tebes ita.

Efezu 3:21

Mai ita foti aas Nia naran, tanba Nia kbiit nebee Nia hatudu ba Nia povu liu hosi Kristu Jesus. Mai ita hahii Nia, hosi jerasaun ba jerasaun, too tinan ba tinan. Amen.

Efezu 3:5

Uluk segredu nee seidauk foo sai ba ema ida. Maibee agora Maromak foo sai ona liu hosi Nia Espiritu ba Jesus nia apostolu sira ho Maromak nia profeta sira nebee tatoli Nia liafuan.

2 Tesalonika 1:12

Nunee, ema sei foti aas Nai Jesus nia naran tanba imi. I Nia mos sei foti aas imi nia naran. Buat sira nee hotu sei sai nunee, tanba ita nia Maromak ho ita nia Nai Jesus Kristu sira nia grasa.

Tito 3:4

Maski ita nia hahalok aat nunee mos, Maromak ita nia Salvador hatudu Nia laran diak ho domin mai ita.

1 Pedro 1:12

Espiritu Santu foo hatene ba sira katak, buat nebee sira foo sai nee, laos atu serbii sira nia aan, maibee atu serbii imi. Novidade Diak nebee profeta sira foo sai nee, ikus mai imi mos rona hosi ema seluk. Sira nee simu kbiit hosi Maromak Nia Espiritu hosi lalehan para haklaken Nia Novidade Diak nee ba imi. Afinal anju sira mos hakarak teb-tebes atu hatene buat sira nee.