Efezu 2:3 - Biblia Tetun Dili

³ Uluk ita hotu moris nunee. Ita halo buat aat saida deit mak ita kaan atu halo, i tuir deit ita nia isin nia hakarak ho hanoin nebee aat. Tanba nee Maromak atu kastigu ona ita, hanesan mos Nia atu kastigu ema aat sira seluk.

Efezu 2:3 Iomraidhean Croise

Jenesis 5:3

Bainhira Adão tinan 130, nia hetan oan mane ida, oin hanesan nia aman. Nia tau naran ba labarik nee, Sete.

Jenesis 6:5

Iha tempu nee, NAI Maromak haree ema iha mundu nia hahalok aat demais ona. Sira nia laran hanoin deit mak buat aat.

Jenesis 8:21

Bainhira NAI Maromak horon sakrifisiu nee nia morin, Nia laran haksolok. Nia hanoin dehan, “Hau la foo tan malisan ba mundu. Maski ema hanoin deit buat aat dezde sira kiik, maibee Hau sei la halo rahun tan buat hotu nebee moris, hanesan Hau halo tiha ona.

Marcos 4:19

Maibee nia fadigadu demais ho nia serbisu oi-oin, hanesan nia buka riku, nia buka sai ema boot, ho nia goza tuun-sae. Too nia la interese Nai Maromak. Nunee nia husik tiha Nai Maromak nia Liafuan.

João 1:13

Nee hanesan ho sira hetan moris foun. Maibee sira nia moris foun nee, laos hanesan ema partus oan. I laos hanesan mane ida nebee hakarak hetan jerasaun. Sira sai Maromak nia oan, tanba Maromak mak foo ba sira moris foun nee.

João 8:44

Imi nia hahalok hanesan diabu, tanba imi gosta halo tuir diabu nia hakarak. Hosi hahuu kedas nia oho door ema. Nia kontra buat nebee loos, tan nia la simu buat loos hotu-hotu. Se nia bosok teen, nee ba nia baibain. Tan nia nee, bobar lia door, no bosok-teen hotu nia huun.

Apostolu sira nia Istoria 14:16

Uluk, Nai Maromak husik nasaun sira moris tuir sira ida-idak nia hakarak.

Roma 1:24

Nee mak Maromak husik tiha liman para sira moris tuir deit sira nia hakarak aat oi-oin nebee iha ona sira nia laran. Sira mos foo sira nia isin lolon ba malu hodi halo relasaun seksual nebee la normal.

Roma 11:30

Imi nebee laos Judeu, uluk lakohi rona ba Maromak. Maski nunee, agora Maromak hatudu Nia laran diak ba imi, tanba durante nee ema Judeu lakohi rona ba Maromak.

Roma 13:14

Maibee imi tenki moris hanesan Nai Jesus Kristu nia moris. I la bele hanoin tan atu halo tuir imi nia hakarak aat.

Roma 2:14

Maski ema nebee laos Judeu la iha Maromak nia lei, maibee dala ruma sira halo tuir duni buat nebee lei nee haruka. Nee hatudu katak, sira nia neon rasik mak hatudu buat nebee loos no sala.

Roma 5:10

Uluk, bainhira ita sei inimigu ho Maromak, Nia halo ita dame malu ho Nia liu hosi Nia Oan nia mate. Saa tan agora ita dame malu ona, konserteza ita sei hetan salvasaun tanba Nia Oan moris fila fali.

Roma 5:9

Agora, Maromak deklara ita moris loos ona tanba Kristu nia raan fakar too mate ba ita. Nunee ita hatene ona katak, Kristu sei salva ita bainhira Maromak fakar Nia hirus.

Roma 6:12

Nee duni, la bele husik sala domina imi nia aan nebee too loron ida sei mate. La bele tuir fali buat aat sira nebee mak imi nia aan hakarak halo.

Roma 7:18

Hau hatene katak, nudar ema kriatura la iha buat diak ida iha hau nia laran. Tanba hau hakarak duni halo buat nebee diak maibee la konsege.

Roma 9:22

Maromak mos iha direitu nunee. Nia hakarak hatudu sai Nia kbiit boot hodi fakar Nia hirus ba ema nebee mak Nia atu kastigu, sira nee mak merese atu Nia harahun. Maski Nia atu kastigu sira, maibee Nia sei aguenta hela ho pasiensia.

1 Korintu 4:7

Imi hanoin dehan imi importante liu ema seluk ka? Buat hotu-hotu nebee imi iha, Maromak mak foo. Entaun nusaa mak imi foti aan hanesan fali imi hetan buat sira nee hosi imi nia kbiit rasik?

2 Korintu 7:1

Maluk doben sira, Maromak promete tiha ona buat sira nee ba ita. Tanba nee, mai ita hamoos ita nia aan hosi buat nebee hafoer ita nia isin no klamar. Ita tenki hamoos tutuir nafatin halo ita nia laran moos liu, tanba ita hamtauk Maromak.

Galasia 3:22

Iha Livru Sagradu hakerek dehan, sala kesi metin ema hotu-hotu iha mundu. Nee duni, so ema nebee fiar ba Jesus Kristu deit mak bele simu buat nebee Nai Maromak promete tiha ona.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Efezu 4:22

Uluk imi hakarak halo buat aat oi-oin, i imi nia hakarak nee lohi imi, too estraga imi nia aan. Maibee ema nebee hanorin imi kona ba Kristu, sira haruka imi husik tiha imi nia moris uluk nee,

Kolose 1:21

Uluk imi moris dook hosi Nai Maromak. Imi hanoin deit buat aat iha imi nia ulun, i imi nia hahalok mos aat, halo imi sai Nia inimigu.

1 Tesalonika 4:13

Maun-alin sira, ami hakarak imi hatene didiak kona ba kristaun sira nebee mate tiha ona. Nunee, bainhira kristaun ruma mate, imi la bele laran susar demais hanesan ema nebee hanoin dehan ema mate sei la moris fali.

1 Tesalonika 5:6

Nunee, ita la bele hanesan ema seluk nebee toba dukur hela. Maibee ita tenki matan moris neon nain i kuidadu aan didiak.

1 Timóteo 6:9

Maibee ema nebee loron-kalan hanoin deit atu sai riku, monu ba tentasaun i monu ba lasu. Sira hakarak buat oi-oin nebee sala ho buat barak nebee bele estraga sira. Nee sei halo susar sira.

Tito 3:3

Tanba uluk, bainhira ita seidauk konhese Nai Jesus, ita beik-teen hela no moris iha sala nia laran. Ita lakohi rona Nai Maromak, lao sala dalan i hakarak halo aat saida deit. Ita nia moris nakonu ho hanoin aat, laran moras ema, i odi malu.

1 Pedro 1:14

Moris hanesan oan nebee sempre halo tuir i la bele halo tuir fali imi nia hakarak aat uluk nian bainhira imi seidauk konhese Nai Maromak.

2 Pedro 2:14

Sira nia matan halai tuun-sae hodi buka feto para hodi halo sala foer ho sira. Sira sempre kaan atu halo sala. Sira buka ema nebee mak fiar seidauk metin hodi lohi ema nee para lao sala dalan. Sira ema karak-teen. Nee mak Nai Maromak foo ona malisan ba sira!

2 Pedro 2:18

Tanba sira tebe rai loos, maibee koalia liafuan mamuk deit. Sira gosta buka ema nebee mak foin komesa husik nia sala, hodi dada ema sira nee para moris tuir fali sala seksual saida deit mak ema nee kaan atu halo.

1 João 2:16

Tanba buat hotu iha mundu nee, mak hanesan nee: hakarak buat aat, hanoin aat, kaan sasaan oi-oin no foti aan. Buat sira nee hotu laos mai hosi Aman Maromak maibee mai hosi mundu.

1 João 2:8

Maski nunee, iha buat foun nebee hau hakarak hakerek kona ba Maromak nia ukun fuan nee. Ukun-fuan nee Jesus halao ona iha nia moris no ita mos halao iha ita nia moris. Tanba iha ita nia fuan nakukun komesa lakon i naroman mosu ona.