Efezu 2:16 - Biblia Tetun Dili

¹⁶ Entaun Kristu mate iha krus halo povu rua nee sai ida deit, i halo ita mos dame malu ho Nai Maromak, tanba Kristu harahun tiha ona buat hotu-hotu nebee uluk halo ita odi malu.

Efezu 2:16 Iomraidhean Croise

Roma 5:10

Uluk, bainhira ita sei inimigu ho Maromak, Nia halo ita dame malu ho Nia liu hosi Nia Oan nia mate. Saa tan agora ita dame malu ona, konserteza ita sei hetan salvasaun tanba Nia Oan moris fila fali.

Roma 6:6

Ita hatene katak, uluk ita hakarak halo buat aat oi-oin. Maibee agora, bele dehan, ita nia moris ida uluk nee, la iha tiha ona, tanba ita prega tiha ona ita nia moris ba iha krus hamutuk ho Kristu. Nunee ita laos atan ona ba sala,

Roma 8:3

Ukun fuan sira la bele hasai ita hosi sala nia ukun, tanba ita ema sala nain la iha kbiit atu halo tuir lei nee hotu. Maibee Maromak bele hasai ita liu hosi Nia haruka Nia Oan rasik mai iha mundu para sai ema kriatura nudar ema sala nain, i mate hanesan sakrífisiu ida hodi halakon sala iha ita nia laran.

Roma 8:7

Ita ema nia hakarak sempre sai inimigu ho Maromak, tanba nia la hakruuk ba Maromak nia lei, i nee la bele duni.

1 Korintu 10:17

Ita hotu haan hosi paun fuan ida. Nunee, maski ita barak, maibee ita hotu sai hanesan isin lolon ida deit, tanba paun nebee ita haan nee ida deit.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Efezu 2:15

Uluk, lei relijiaun Judeu ho nia regra bar-barak haketak ema Judeu hosi ema nebee laos Judeu. Maibee ho Kristu nia mate, Nia hakotu lei no regra sira seluk nee, atu nunee ema Judeu ho ema nebee laos Judeu hamutuk laran ida ho Nia. Ho nunee Kristu halo povu rua nee sai povu ida nebee moris iha dame nia laran.

Efezu 3:6

Segredu nee mak nee: se ema nebee laos Judeu fiar ba Maromak nia Novidade Diak, entaun sira sei simu bensaun nebee Maromak foo ba Nia oan sira, hanesan mos Nia foo ema Judeu. Sira ho ema Judeu hamutuk sai povu ida. Nee hanesan sira halo parte iha isin lolon ida deit. I sira simu mos buat nebee Maromak promete ona ba Nia povu tanba sira laran ida ho Kristu Jesus.

Efezu 4:4

Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Kolose 2:14

Nia kansela tiha dokumentu nebee hakerek ita nia sala hotu-hotu hodi prega dokumentu nee ba iha krus hamutuk ho Kristu.

Kolose 3:15

Kristu foo paz ba imi. Entaun husik Nia paz nee domina imi nia laran. Tanba imi halo parte hamutuk iha isin lolon ida, i Maromak bolu imi para moris iha dame nia laran. I sempre agradese ba Maromak.