Efezu 2:13 - Biblia Tetun Dili

¹³ Maski iha tempu nebaa imi dook hosi Maromak, maibee agora imi laran ida ho Kristu Jesus. Nunee Maromak halo ona imi besik ba Nia, tanba Kristu Jesus nia raan fakar too mate ba imi.

Efezu 2:13 Iomraidhean Croise

Apostolu sira nia Istoria 2:39

Tan Nai Maromak promete ona atu foo Nia Espiritu nee ba ema hotu nebee Nia bolu tiha ona. Promesa nee Nia foo ba imi, ho imi nia jerasaun sira, ho mos ba ema sira nebee sei iha liur nebaa.”

1 Korintu 6:11

Afinal uluk imi balu mos hahalok hanesan nee. Maibee agora Maromak hamoos tiha ona imi nia sala, Nia halo imi moris ho laran moos, i Nia simu ona imi. Ita nia Maromak halo buat sira nee hotu liu hosi Nai Jesus Kristu hodi Maromak nia Espiritu nia kbiit.

Apokalipse 5:9

Sira hotu hananu kanta foun ida hanesan nee: “Ita Boot mak serve simu livru lulun nee hodi loke nia karimbu fatin, tanba ema oho tiha ona Ita Boot. Hodi Ita Boot nia raan, Ita Boot sosa kotu ona ema sira nee hosi suku, lian, povu ho nasaun hotu-hotu para sai Nai Maromak nia povu.

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Efezu 2:12

Iha tempu nebaa, imi dook hosi Kristu. Imi hanesan ema lao rai, la iha direitu atu halo parte iha Nai Maromak nia povu Israel, i la tama iha promesa nebee Maromak halo ba sira. Imi hela iha mundu nee, la iha relasaun ida ho Maromak, i esperansa ba moris rohan-laek mos la iha.

Efezu 1:7

Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

2 Korintu 5:17

Ema nebee laran ida ho Kristu sai ona ema foun. Nia moris ida uluk nee la iha ona, troka tiha ona ho moris foun.

1 Pedro 3:18

Kristu mate dala ida deit ba ita nia sala hotu. Nia nebee moris loos mate ba sala nain sira para lori ita ba Nai Maromak. Nudar ema nebee iha isin ho raan, ema oho tiha Nia, maibee Maromak nia Espiritu halo moris fali Nia.

Ebreu 9:18

Nunee mos bainhira Maromak halo Nia aliansa tuan ho ita nia bei-ala sira. Tenki ho raan hodi hatudu katak animal mate mak foin Nia aliansa nee vale.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

Roma 8:1

Ema nebee laran ida ho Kristu Jesus, Maromak la kastigu tan nia ona.

Apostolu sira nia Istoria 22:21

Maibee Nai Jesus hatete, ‘Baa ona! Tan Hau atu haruka o ba iha fatin dook, hodi foo sasin ba ema nebee laos Judeu.’ ”

Apostolu sira nia Istoria 15:14

Irmaun Simão Pedro konta ona mai ita katak, Nai Maromak foin hatudu Nia domin ba ema nebee laos Judeu, hodi foti sira balu sai Nia ema.

João 10:16

Hau iha bibi seluk nebee seidauk tama hamutuk ho Hau nia bibi sira iha nee. Hau tenki baa halibur sira mos. Bainhira sira rona Hau nia lian, sira konhese kedas. Depois sira mai hamutuk hodi sai bibi lubun boot ida ho nia bibi atan ida.

1 Korintu 12:13

Ita hotu Maromak kesi metin ho Espiritu ida. Nee mak bainhira ita sarani, ita sai povu ida deit. Atu ita ema Judeu ka gregu, ema atan ka ema livre, Maromak foo Espiritu ida deit mai ita hotu. Nee hanesan ita hotu hemu bee nebee lori moris hosi bee matan nebee hanesan.

Efezu 1:1

Surat nee hosi hau, Paulo. Maromak rasik mak foti hau sai Nai Kristu Jesus nia apostolu. Hau hakerek surat nee ba imi, Maromak nia povu santu, iha sidade Efezu. Imi laran ida ho Kristu Jesus i fiar metin nafatin ba Nia.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Efezu 2:6

Maromak halo moris fila fali ita hamutuk ho Kristu i foo ona fatin ba ita hamutuk ho Nia iha lalehan.

Efezu 2:10

Ita ema Nai Maromak nia liman fatin. I Kristu Jesus foo moris foun mai ita para ita bele halao buat diak iha ita nia moris loro-loron. Buat diak sira nee, Maromak prepara tiha ona ba ita hori uluk kedas.