Efezu 2:10 - Biblia Tetun Dili

¹⁰ Ita ema Nai Maromak nia liman fatin. I Kristu Jesus foo moris foun mai ita para ita bele halao buat diak iha ita nia moris loro-loron. Buat diak sira nee, Maromak prepara tiha ona ba ita hori uluk kedas.

Efezu 2:10 Iomraidhean Croise

Mateus 5:16

Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

João 3:21

Maibee ema nebee moris halo tuir buat loos, sira baa iha naroman nee para naroman nee bele hatudu dehan sira moris tuir Maromak nia hakarak.”

Apostolu sira nia Istoria 9:31

Liu tiha nee, Nai Jesus nia povu iha provinsia Judeia, iha provinsia Galileia ho provinsia Samaria moris ho hakmatek. Sira amenta barak ba bebeik, i moris hamtauk ba Nai Maromak. Tanba Nai Maromak nia Espiritu Santu mak hametin sira nia laran.

Apostolu sira nia Istoria 9:36

Iha senhora ida naran Tabita hela iha sidade Jope. (Nia naran ho lian Gregu bolu Dorkas, nee dehan katak, ‘bibi rusa’). Nia fiar ba Nai Jesus. I nia sempre halo buat diak ba ema hotu, i sempre foo ezmola ba ema kiak sira.

Roma 8:1

Ema nebee laran ida ho Kristu Jesus, Maromak la kastigu tan nia ona.

Roma 8:29

Tanba hosi hahuu fofoun, Maromak konhese ona ita i hili ita para sai hanesan Oan Jesus Kristu nia imajen. Ho nunee Jesus mak Oan boot hosi maun alin sira hotu.

2 Korintu 5:17

Ema nebee laran ida ho Kristu sai ona ema foun. Nia moris ida uluk nee la iha ona, troka tiha ona ho moris foun.

2 Korintu 5:5

Maromak rasik mak prepara ita atu hetan isin lolon foun nee. Nia mos foo ona Nia Espiritu mai ita atu ita laran metin katak, Nia sei foo tan buat hotu-hotu nebee Nia promete ona.

2 Korintu 9:8

Maromak iha kbiit hodi foo bensaun oi-oin ba imi. Nunee buat nebee imi presiza imi sei hetan hotu, i liu fali imi nia presiza, para imi mos bele ajuda ema seluk.

Galasia 6:15

Sunat ka la sunat, nee la importante. Maibee importante mak Maromak halo foun ona ita nia moris.

Efezu 1:1

Surat nee hosi hau, Paulo. Maromak rasik mak foti hau sai Nai Kristu Jesus nia apostolu. Hau hakerek surat nee ba imi, Maromak nia povu santu, iha sidade Efezu. Imi laran ida ho Kristu Jesus i fiar metin nafatin ba Nia.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 2:13

Maski iha tempu nebaa imi dook hosi Maromak, maibee agora imi laran ida ho Kristu Jesus. Nunee Maromak halo ona imi besik ba Nia, tanba Kristu Jesus nia raan fakar too mate ba imi.

Efezu 2:15

Uluk, lei relijiaun Judeu ho nia regra bar-barak haketak ema Judeu hosi ema nebee laos Judeu. Maibee ho Kristu nia mate, Nia hakotu lei no regra sira seluk nee, atu nunee ema Judeu ho ema nebee laos Judeu hamutuk laran ida ho Nia. Ho nunee Kristu halo povu rua nee sai povu ida nebee moris iha dame nia laran.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Efezu 2:6

Maromak halo moris fila fali ita hamutuk ho Kristu i foo ona fatin ba ita hamutuk ho Nia iha lalehan.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 4:24

Nia halo ona imi sai ema nebee moris foun, tuir Maromak halo ona ita, para imi moris loos ho laran moos.

Filipi 1:6

Nai Maromak hahuu ona halo serbisu diak iha imi. I hau laran metin katak, Nia sei kontinua nafatin too Nia serbisu nee hotu iha loron nebee Kristu Jesus fila fali mai hosi lalehan.

Filipi 2:13

Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

Kolose 1:10

Ho nunee, imi nia moris foti aas Nai Jesus nia naran, i sempre halo haksolok Nia laran. Imi mos sei foo fuan iha imi nia serbisu nebee diak, i sei buras hodi konhese Maromak diak liu tan.

1 Timóteo 2:10

Diak liu imi preokupa halo diak ba ema seluk. Nee mak serve ba feto nebee dehan, “Hau adora Nai Maromak.”

1 Timóteo 5:10

Ema rekonhese nia hanesan ema ida ke sempre halo diak ba ema seluk. Nia tau matan ba nia oan sira ho diak, simu bainaka iha nia uma ho laran tomak, serbii sarani sira ho haraik aan, fasi sira nia ain, ajuda ema nebee iha susar laran, i sempre prontu halo buat didiak deit.

1 Timóteo 5:25

Nunee mos, bainhira ita halo buat diak, dala ruma ema hatene kedas. Se karik ema la haree mos, ikus mai ema sei hatene, tanba hahalok diak, atu subar mos la diak.

1 Timóteo 6:18

Hatete ba sira para halo buat nebee diak hodi tulun ema seluk. Sira la bele karak, maibee tenki prontu fahe buat nebee sira iha.

2 Timóteo 2:21

Nunee mos ho ema. See mak hadook aan hosi buat nebee aat, nia hanesan sasaan diak sira nee, i Maromak sei uza nia ba serbisu nebee diak. Tanba nia laran moos ona, serve para nia nain bele uza, i prontu halo buat diak saida deit.

2 Timóteo 3:17

Nunee Nai Maromak halo kompletu Nia ema hodi halo buat hotu-hotu nebee diak.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Tito 2:7

Tito, o tenki halo diak ba ema iha buat hotu-hotu, hodi sai ezemplu diak ba foin-sae sira. Hanorin ho laran; la bele hanorin oin ida, halo oin seluk.

Tito 3:1

Foo hanoin fali ba sarani sira para halo tuir estadu nia lei sira no ema nebee kaer ukun, i sempre prontu atu halo serbisu ho diak.

Tito 3:14

Ita nia maluk sarani sira tenki aprende hakaas aan halo diak ba ema, hodi ajuda ema nebee presiza duni. Ho nunee sarani sira nia moris sei hetan fuan.

Tito 3:8

Liafuan sira nee loos duni. Buat nebee hau hanorin nee diak, i iha folin boot ba ema hotu. Nee duni hau husu atu o foo sai fila-fila buat sira nee ba ema sira nebee fiar ba Maromak, atu sira hotu-hotu hakaas aan halo diak ba ema.

Ebreu 10:24

Mai ita foo hanoin ba malu ho dalan oi-oin atu ita hotu hatudu domin ba ita nia maluk hodi halo diak ba sira.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.

1 Pedro 2:12

Imi tenki hakaas aan para moris loos iha ema nebee laos judeu sira nia leet. Nunee, se sira duun matak imi, sira bele haree deit imi nia hahalok diak, i bainhira Jesus fila fali mai hosi lalehan, ema sira nebee laos judeu sira sei foti aas Nai Maromak nia naran.

1 João 1:7

Maibee se ita moris iha naroman laran, hanesan mos Nai Maromak, entaun ita nia relasaun ho ema fiar sira sai metin, i Nia Oan Jesus nia raan sei hamoos ita nia sala tomak.

1 João 2:6

Ema nebee dehan nia laran ida ho Kristu, nia tenki moris hanesan ho Kristu nia moris.