Efezu 2:1 - Biblia Tetun Dili

¹ Uluk, kona ba moris espiritual, imi mate tiha ona, tanba imi kontra Nai Maromak nia lei i halo sala oi-oin.

Efezu 2:1 Iomraidhean Croise

Jenesis 8:21

Bainhira NAI Maromak horon sakrifisiu nee nia morin, Nia laran haksolok. Nia hanoin dehan, “Hau la foo tan malisan ba mundu. Maski ema hanoin deit buat aat dezde sira kiik, maibee Hau sei la halo rahun tan buat hotu nebee moris, hanesan Hau halo tiha ona.

Mateus 8:22

Maibee Jesus hataan, “Mai tuir Hau! Ema nebee lakohi rona Maromak, sira hanesan ema nebee mate tiha ona. Husik ema mate hakoi sira nia mate.”

Lucas 15:24

Tanba hau nia oan nee hanesan mate tiha ona, maibee agora nia moris fila fali. Nia lakon tiha ona, maibee agora hau hetan fali.’ Nunee sira hahuu halo festa rame-rame.

Lucas 15:32

Maibee agora ita tenki halo festa hodi haksolok, tanba o nia alin nee hanesan mate tiha ona, maibee agora nia moris fila fali. Nia hanesan lakon tiha, maibee agora hau hetan fali ona.’ ”

João 10:10

Naok-teen sira so halo rungu-ranga deit, tan sira mai para naok, oho, no harahun ema nia moris. Maibee Hau lori moris loloos nebee diak liu, tan Hau mai para ema bele moris hakmatek, no nakonu too resin.

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

João 5:21

Hau nia Aman halo moris fila fali ema mate. Nunee mos, Hau sei foo moris loloos ba see-see deit, tuir Hau nia hakarak.

João 5:25

Tebes duni! Hau hatete ba imi. Nia tempu besik ona, no agora hahuu dadauk ona. Ema mate sira rona lian hosi Hau, Maromak nia Oan. Tan ema nebee rona no simu ho diak Hau nia liafuan sei hetan moris loloos.

Roma 8:2

Tanba uluk sala ukun ita, lori ita ba mate, maibee agora liu hosi Kristu Jesus, Maromak nia Espiritu hasai tiha ona ita hosi sala nia ukun hodi lori ita ba moris.

1 Korintu 15:45

Iha Livru Sagradu hakerek dehan, “Ema primeiru nebee Maromak foo iis mak Adão. Ikus mai iha tan Adão seluk, nee mak Kristu. Adão ida ikus nee Ema lalehan nian, i Nia mak huun ba moris rohan-laek.”

2 Korintu 5:14

Bele halo nusaa mos Kristu nia domin ukun nafatin ami nia moris. Tanba ami fiar katak Kristu mate tiha ona iha ema hotu nia fatin. Nunee bele dehan ita hotu mos mate hotu ona ho nia.

Efezu 4:18

Sira nia neon nakukun hela. Sira moris dook hosi Maromak, tanba sira ulun toos, i lakohi hatene Maromak nia dalan.

Efezu 5:14

tanba naroman halo buat hotu-hotu sai klaru. Iha kanta ida dehan, “Imi nebee dukur, hadeer ona baa, imi nebee mate, moris fali ona baa. I Kristu sei foo naroman ba imi.”

Kolose 2:13

Uluk imi hanesan mate tiha ona, tanba imi sala nain i imi nia hakarak aat mak domina hela imi. Maski nunee, maibee Maromak halo moris fali imi hamutuk ho Kristu. Nia hamoos tiha ona ita nia sala hotu.

1 Timóteo 5:6

Maibee feto faluk nebee hakarak goza deit, nia hanesan ema nebee mate tiha ona, maski nia sei moris.

1 João 3:14

Ita hatene katak, uluk ita hanesan mate tiha ona tanba ita haketak aan hosi Maromak, maibee agora ita simu ona moris rohan-laek. Oinsaa ita bele hatene katak ita hetan ona moris rohan-laek? Tanba ita hadomi ita nia maluk nebee iha Kristu. Maibee see mak la hadomi ema seluk, nia hanesan ema mate nafatin.

Apokalipse 3:1

Tuir mai Ema nee hatete mai hau, “Hakerek hanesan nee ba sarani sira iha sidade Sardis: ‘Hau mak kaer Maromak nia Espiritu hitu, i kaer fitun hitu. Hau nia lia menon mak nee: