Efezu 1:9 - Biblia Tetun Dili

⁹ Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 1:9 Iomraidhean Croise

Mateus 13:11

Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

Lucas 12:32

Jesus hatutan tan ba nia eskolanti sira dehan, “Lalika tauk! Imi hanesan bibi malae grupu kiik oan deit, maibee imi nia Aman iha lalehan mak Liurai Boot, i Nia haksolok hili imi hodi moris iha Nia ukun laran.

Lucas 2:14

“Foti aas Nai Maromak nia naran. Nia tuur iha fatin aas liu. Nai Maromak foo dame ba ema iha mundu nebee halo haksolok Nia laran.”

Apostolu sira nia Istoria 13:48

Bainhira ema sira nebee laos Judeu rona nunee, sira kontenti teb-tebes. Sira hahii Nai Maromak dehan, “Maromak nia Novidade diak teb-tebes!” I ema sira nebee mak Nai Maromak desidi ona para hetan moris rohan laek, sira hotu fiar ba Nai Jesus.

Apostolu sira nia Istoria 2:23

Maibee imi oho tiha Nia; imi tau lia ba ema aat sira hodi prega Nia ba krus too mate. Nee tenki sai nunee duni, hodi kumpri Nai Maromak nia planu hori uluk kedas.

Apostolu sira nia Istoria 4:28

Maibee buat sira nee hotu, hodi kumpri Maromak nia planu, i kumpri buat nebee mak Maromak desidi tiha ona hori uluk.

Roma 11:25

Maun-alin sira, hau hakarak atu imi hatene Maromak nia planu nebee uluk segredu hela, para imi la bele foti aan. Nia planu mak nee: agora dadauk ema Israel barak sei ulun toos hasoru Maromak. Sira sei ulun toos too Maromak hili ona ema seluk tama hotu ba Maromak nia povu, foin sira fiar ba Nia.

Roma 8:28

Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.

1 Korintu 1:21

Maromak nia matenek makaas teb-tebes. Nia desidi katak, ita ema la bele konhese Nia liu hosi ita nia matenek rasik. Maibee Nia hakarak uza Novidade Diak kona ba Kristu nia mate atu salva see-see deit mak fiar, maski ema iha mundu nee dehan Novidade Diak nee buat beik ida.

Galasia 1:12

Hau laos simu hosi ema, laos ema mak hanorin hau, maibee Jesus Kristu rasik mak hatudu mai hau.

Galasia 1:15

Maski nunee, Nai Maromak desidi atu hatudu Nia Oan Jesus mai hau. Bainhira hau sei iha hau nia inan nia kabun laran, Nia hatudu ona Nia grasa mai hau hodi hili hau atu baa foo sai Novidade Diak kona ba Jesus ba ema nebee laos Judeu. Bainhira Nia hatudu Nia Oan mai hau, hau la baa husu ema seluk nia hanoin.

Efezu 1:11

Maromak halao buat hotu-hotu tuir Nia hakarak. Hori uluk kedas Nia hili ona ita sai Nia ema hodi sai neon ida laran ida ho Kristu.

Efezu 1:8

Tanba Nia hadomi teb-tebes ita, Nia mos loke ita nia neon para ita bele komprende didiak Nia hakarak.

Efezu 3:11

Nai Maromak sei halo buat sira nee hotu tuir planu nebee Nia desidi tiha ona molok Nia halo mundu nee. I Nia foo planu nee ba ita nia Nai Jesus Kristu mak halao.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.