Efezu 1:8 - Biblia Tetun Dili

⁸ Tanba Nia hadomi teb-tebes ita, Nia mos loke ita nia neon para ita bele komprende didiak Nia hakarak.

Efezu 1:8 Iomraidhean Croise

Mateus 11:19

Maibee Hau, Ema Oan mai, Hau haan ho hemu hanesan ema baibain, i ema dehan, Hau kaan-teen ho lanu-teen, i halo belun ho kobrador impostu sira no ema sala nain. Maromak nia matenek hatudu liu hosi ema nia moris loos.”

Roma 11:33

Nai Maromak nia matenek klean liu, Nia komprende hosi huun too rohan. La iha ema ida mak bele komprende Nia desizaun, la iha ema ida mak bele hanoin hetan Nia dalan.

Roma 5:15

Maibee Maromak nia grasa la hanesan Adão nia sala. Adão nee ema ida deit, maibee tanba nia kontra Maromak nia orden, entaun ema hotu-hotu tenki mate. Jesus Kristu mos Ema ida deit. I liu hosi Nia, Maromak hatudu momoos nia grasa ba ema hotu.

1 Korintu 2:7

Matenek nebee mak ami foo sai nee, matenek Maromak nian. Molok mundu iha, Maromak iha ona planu hodi foti aas ita liu hosi Jesus, maibee durante nee Nia planu nee segredu hela.

Efezu 1:11

Maromak halao buat hotu-hotu tuir Nia hakarak. Hori uluk kedas Nia hili ona ita sai Nia ema hodi sai neon ida laran ida ho Kristu.

Efezu 1:7

Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 3:10

Maromak nia objetivu nee matenek liu. Nia hakarak uza nia povu hodi hatudu nia matenek ba kbiit nain sira no ukun nain sira iha loro leten.

Kolose 2:3

Kristu deit mak bele halo ita sai matenek hodi komprende Maromak nia dalan. Tanba matenek nee hanesan rikusoin nebee subar hela iha Nia.

Judas 1:25

So Nia mesak deit mak Maromak, Nia mak ita nia Salvador, liu hosi Jesus Kristu, ita nia Nai. Nunee, onra, gloria no poder hotu-hotu foo ba Nia. Nia mak kaer ukun, molok mundu nee iha, agora, i too tinan ba tinan nafatin. Amen.

Apokalipse 5:12

anju sira nee hananu ho lian makaas dehan, “Bibi Oan nebee mak ema oho tiha ona nee, Nia mak serve atu ema hotu-hotu respeita. Tanba Nia kbiit boot liu, Nia riku teb-tebes, Nia matenek klean liu, Nia forsa teb-tebes. Onra, gloria, hahii no foti aas Nia naran!