Efezu 1:7 - Biblia Tetun Dili

⁷ Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Efezu 1:7 Iomraidhean Croise

Jonas 4:2

I nia harohan ho murmura ba NAI Maromak dehan, “Oh Maromak! Buat sira nee hotu sai loloos kedas tuir saida mak hau koalia bainhira hau sei iha hau nia rain rasik. Nee mak halo hau hakarak halai subar ba Tarsis. Tanba hau hatene katak, Maromak nee laran diak, no gosta hatudu Nia laran luak. Maromak la hirus lalais, maibee laran nakonu ho domin ba ema hotu nebee husik sira nia sala. Maromak prontu foo perdaun ba ema nebee husu perdaun, no la foo kastigu ba ema nebee hanoin hikas ona sira nia hahalok aat sira.

Mateus 20:28

Hanesan Hau, Ema Oan. Hau mai iha mundu nee laos atu ema serbii Hau. Maibee Hau mai hodi serbii ema i foo Aan ba mate hodi selu kotu ema barak nia tusan.”

Mateus 26:28

Tua nee Hau nia raan. Raan aliansa nebee fakar hodi hamoos ema barak nia sala. Liu hosi Hau nia raan nee mak Maromak kumpri Nia promesa.

Mateus 6:12

Perdua ami nia sala, hanesan ami mos perdua ona ba ema nebee halo sala mai ami.

Marcos 14:24

I Nia hatete, “Tua nee Hau nia raan. Raan nee, sei fakar hodi salva ema barak. Raan nee hanesan prova ida hodi hatudu katak buat nebee mak Nai Maromak promete ona, agora kumpri tiha ona. Simu hodi hemu baa.

Lucas 1:77

O sei foo hatene ba Maromak nia povu dehan, Maromak sei hamoos sira nia sala hodi salva sira,

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

João 20:23

Nunee, se imi foo perdaun ba ema nia sala, sala nee lakon tiha ona, tan Maromak mos hamoos tiha sala sira nee ona. Maibee se imi lakohi foo perdaun ba ema nia sala, Maromak mos la hamoos sala nee.”

Apostolu sira nia Istoria 10:43

Nai Maromak nia profeta sira uluk mos, hotu-hotu koalia kona ba Jesus nee katak, see mak fiar ba Nia, Nai Maromak sei hamoos nia sala.”

Apostolu sira nia Istoria 2:38

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

Roma 3:24

Maibee tanba deit Maromak nia laran diak mai ita mak Nia simu ita hodi deklara katak ita nia sala moos tiha ona. Nia simu ita nunee tanba Kristu Jesus selu kotu ona ita nia sala.

Roma 3:25

Maromak foo Jesus para fakar Nia raan too mate hanesan sakrifisiu ida hodi hamoos ita nia sala i hadame ita ema ho Maromak, naran katak ita fiar ba Nia mate nee. Maromak halo nunee hodi hatudu nia justisa, tanba uluk Nia pasensia ho ema nia hahalok aat, nee mak Nia seidauk kastigu sira.

Roma 9:23

Nia pasiensia lai ho sira nunee para hatudu ba ema hotu-hotu katak, Nia laran diak teb-tebes ba ita nebee mak Nia hadomi; ita nee mak Nia prepara antes tiha ona atu aban-bainrua Nia sei foti aas ita.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

Efezu 1:14

Tanba Maromak foo ona Nia Espiritu Santu mai ita, mak ita laran metin katak, Nia sei foo tan buat hotu-hotu nebee Nia promete ona, i sei hasai Nia povu hosi sira nia sala hotu. Foti aas Nai Maromak nia naran. Nunee ema hotu-hotu foo onra no gloria deit ba Nia!

Efezu 1:18

Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Efezu 1:6

Mai ita hahii Nia! Tanba Nia hatudu ona Nia laran diak teb-tebes mai ita, liu hosi Nia Oan doben.

Efezu 1:8

Tanba Nia hadomi teb-tebes ita, Nia mos loke ita nia neon para ita bele komprende didiak Nia hakarak.

Efezu 2:4

Maibee Maromak laran diak loos no hadomi teb-tebes ita.

Efezu 2:7

Maromak halo nunee para iha tempu oin mai, ema bele haree Nia domin ida nebee boot liu hotu-hotu, i bele hatene Nia grasa nebee Nia hatudu mai ita liu hosi Kristu Jesus.

Efezu 3:16

Maromak nia kbiit boot teb-tebes, i Nia laran diak teb-tebes. Nunee Hau harohan atu Nia Espiritu foo kbiit ba imi hodi hametin imi nia laran.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Filipi 4:19

Hau nia Maromak riku teb-tebes. I Nia sei foo ba imi buat hotu nebee imi presiza, tuir nia rikusoin hosi lalehan iha Kristu Jesus.

Kolose 1:14

Jesus Kristu selu kotu ona ita nia tusan hodi foo liberdade mai ita. Nunee ita nia sala hamoos tiha ona.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

Kolose 2:13

Uluk imi hanesan mate tiha ona, tanba imi sala nain i imi nia hakarak aat mak domina hela imi. Maski nunee, maibee Maromak halo moris fali imi hamutuk ho Kristu. Nia hamoos tiha ona ita nia sala hotu.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

1 Timóteo 2:6

Nia foo Nia Aan hodi selu kotu ita nia tusan hodi foo liberdade mai ita. Ida nee mak novidade diak nebee Nai Maromak foo sai mai ita ema.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Tito 3:6

Tanba Jesus Kristu salva ona ita, Nai Maromak foo Nia Espiritu Santu hotu mai ita.

Ebreu 9:22

Tanba tuir Maromak nia lei, kuaze buat hotu-hotu tenki hamoos ho raan. Se raan la fakar sai la iha perdaun ba sala.

1 Pedro 2:24

Kristu rasik mak lori ita nia sala iha ai krus leten para ita nebee mate ba sala bele moris iha lia loos. Nia kanek sira nee mak kura ona imi.

1 Pedro 3:18

Kristu mate dala ida deit ba ita nia sala hotu. Nia nebee moris loos mate ba sala nain sira para lori ita ba Nai Maromak. Nudar ema nebee iha isin ho raan, ema oho tiha Nia, maibee Maromak nia Espiritu halo moris fali Nia.

1 João 2:12

Hau nia oan doben sira, hau hakerek liafuan nee ba imi tanba Nai Maromak hamoos tiha ona imi nia sala liu hosi Jesus Kristu nia mate.

1 João 2:2

Nia foo Aan ba mate atu nunee Maromak bele hamoos ita nia sala, i laos deit ita nia sala maibee ema hotu iha mundo nee.

1 João 4:10

Domin nee mak nee: laos ita mak hadomi Nai Maromak, maibee Maromak mak hadomi ita. Tanba Nia hadomi teb-tebes ita, nee mak Nia haruka Nia Oan mai foo Aan ba mate, atu nunee Maromak bele hamoos ita nia sala.

Apokalipse 14:4

Ema sira nee moris loos, hanesan mane klosan ida nebee sempre kuidadu nia aan i nunka iha relasaun seksual ho feto. Sira sempre lao tutuir Bibi Oan. Sira nee Maromak sosa kotu ona para sai Nia povu. Sira mos hanesan ai fuan diak nian nebee toos nain kuu uluk hodi oferese ba Nai Maromak ho mos ba Bibi Oan.

Apokalipse 5:9

Sira hotu hananu kanta foun ida hanesan nee: “Ita Boot mak serve simu livru lulun nee hodi loke nia karimbu fatin, tanba ema oho tiha ona Ita Boot. Hodi Ita Boot nia raan, Ita Boot sosa kotu ona ema sira nee hosi suku, lian, povu ho nasaun hotu-hotu para sai Nai Maromak nia povu.