Efezu 1:5 - Biblia Tetun Dili

⁵ Nee mak Nia desidi ona hori uluk kedas atu foti ita sai Nia oan. I Jesus Kristu mak halo Nia desizaun nee sai realidade. Nee hotu tuir Maromak nia hakarak rasik, i halo Nia laran haksolok.

Efezu 1:5 Iomraidhean Croise

Mateus 1:25

Maibee nia la halo relasaun seksual ho Maria too Maria tuur ahi. I José foo naran ba labarik nee, Jesus.

Mateus 11:26

Hau nia Aman, ida nee halo Ita Boot nia laran haksolok.”

Lucas 10:21

Iha tempu nee, Jesus nia laran haksolok liu hosi Espiritu Santu, i Jesus hahii Nai Maromak dehan, “Hau nia Aman, Hau agradese ba Ita Boot. Ita Boot mak lalehan ho rai nia Nain. Ita Boot taka buat sira nee ba ema matenek sira, maibee Ita Boot hatudu fali ba ema kiik sira. Hau nia Aman, ida nee halo Ita Boot nia laran haksolok duni.”

Lucas 11:32

I laos liurai feto nee deit. Ema sira iha Ninive mos sei hamriik hodi foo sala ba imi, tanba uluk, bainhira Jonas baa foo sai Maromak nia liafuan ba sira, sira husik kedas sira nia sala. Agora iha imi nia leet iha Ema ida nebee boot liu fali Jonas, maibee imi lakohi husik imi nia sala.”

Lucas 12:32

Jesus hatutan tan ba nia eskolanti sira dehan, “Lalika tauk! Imi hanesan bibi malae grupu kiik oan deit, maibee imi nia Aman iha lalehan mak Liurai Boot, i Nia haksolok hili imi hodi moris iha Nia ukun laran.

João 1:12

Maibee ema sira nebee simu no fiar ba Nia, Nia foo direitu ba sira para sai Nai Maromak nia oan.

João 11:52

Tuir loloos, Nia la mate deit ba ema Judeu, maibee hodi halibur Nai Maromak nia oan hotu nebee namkari iha mundu nee, para sira hotu sai povu ida.

João 20:17

Jesus foo hatene ba nia dehan, “Keta kaer Hau lai, tanba Hau seidauk sae ba Hau nia Aman iha lalehan. Maibee, senhora baa uluk, foo hatene ba Hau nia alin sira dehan, ‘Hau atu sae ba Hau nia Aman. Nia mos imi nia Aman. Nia mak Hau nia Maromak, no mos imi nia Maromak.’ ”

Apostolu sira nia Istoria 13:48

Bainhira ema sira nebee laos Judeu rona nunee, sira kontenti teb-tebes. Sira hahii Nai Maromak dehan, “Maromak nia Novidade diak teb-tebes!” I ema sira nebee mak Nai Maromak desidi ona para hetan moris rohan laek, sira hotu fiar ba Nai Jesus.

Roma 8:23

Laos mundu deit mak halerik. Maibee ita nebee simu ona Maromak nia Espiritu mos halerik hodi hein atu simu tan direitu tomak nudar Maromak nia oan, nee dehan katak ita nia isin lolon livre ona, mate la ukun tan.

1 Korintu 1:1

Surat nee hosi hau, Paulo, hamutuk ho ita nia maluk sarani Sóstenes. Maromak hili tiha ona hau no foti hau sai Kristu Jesus nia apostolu.

1 Korintu 1:21

Maromak nia matenek makaas teb-tebes. Nia desidi katak, ita ema la bele konhese Nia liu hosi ita nia matenek rasik. Maibee Nia hakarak uza Novidade Diak kona ba Kristu nia mate atu salva see-see deit mak fiar, maski ema iha mundu nee dehan Novidade Diak nee buat beik ida.

2 Korintu 6:18

“Hau sei sai imi nia Aman, i imi sei sai Hau nia oan mane no oan feto. Ida nee mak Nai Maromak Forsa teb-tebes nia liafuan.”

Galasia 3:26

Agora imi hotu-hotu sai ona Nai Maromak nia oan, tanba imi fiar ba Kristu Jesus.

Efezu 1:11

Maromak halao buat hotu-hotu tuir Nia hakarak. Hori uluk kedas Nia hili ona ita sai Nia ema hodi sai neon ida laran ida ho Kristu.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Filipi 2:13

Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

Kolose 1:19

Buat hotu-hotu nebee iha Nai Maromak nia Aan, iha mos iha Kristu, tanba Maromak hakarak hanesan nee.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

Ebreu 2:4

Nai Maromak mos halo milagre ho sinal oi-oin nebee halo ema admira. I Nia foo Nia Espiritu ba ema hodi foo kbiit oi-oin ba sira, tuir Nia hakarak. Nia halo buat sira nee hotu para hatudu mai ita katak Jesus nia liafuan nee loos duni.

1 João 3:1

Ita nia Aman Maromak nia domin mai ita boot teb-tebes, ita sukat la too! Nia hadomi ita too Nia foti ita sai Nia oan. Ita Nai Maromak nia oan duni. Maibee ema nebee moris tuir mundu nia hakarak, sira la komprende ita nia maneira moris, tanba sira la konhese Maromak.

Apokalipse 21:7

Ema hotu-hotu nebee manaan, sira sei simu bensaun sira nee hotu. Hau sei sai sira nia Maromak, i sira sei sai Hau nia oan.