Efezu 1:21 - Biblia Tetun Dili

²¹ Kristu boot liu buat hotu-hotu iha lalehan ho rai. Nia boot liu ukun nain sira, autoridade sira, ho poder sira hotu. Nia naran aas liu see-see deit mak kaer ukun, laos deit ba sira nebee ukun agora, maibee mos ba sira nebee sei ukun iha tuir mai.

Efezu 1:21 Iomraidhean Croise

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Apostolu sira nia Istoria 4:12

Iha mundu tomak, la iha dalan seluk mak Maromak foo hodi salva ema. So iha dalan ida deit, mak Jesus. Se laos Nia, la iha tan ema seluk mak bele salva ita.”

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Efezu 3:10

Maromak nia objetivu nee matenek liu. Nia hakarak uza nia povu hodi hatudu nia matenek ba kbiit nain sira no ukun nain sira iha loro leten.

Efezu 6:12

Tanba ita funu, laos hasoru ema. Maibee ita funu hasoru forsa sira hosi diabu nian nebee ita la haree, hasoru espiritu aat oi-oin nebee ukun iha nakukun laran.

Kolose 2:10

I tanba imi moris laran ida ho Kristu, entaun imi nia moris espiritual la falta buat ida. Tanba Nia mak boot liu nai ulun ho espiritu boboot sira hotu nebee kaer ukun.

Kolose 2:15

Ho Kristu nia mate iha krus, Maromak halo lakon tiha forsa espiritu aat sira hotu-hotu nebee kaer ukun. I Nia halo moe sira iha ema barak nia oin, hanesan tropas sira halo moe inimigu nebee sira hadau iha funu laran.

Ebreu 1:4

Nunee Nai Maromak foti Nia Oan aas liu Nia anju sira hotu. I pozisaun nebee Nia foo ba Nia Oan mos aas liu anju sira.

Ebreu 2:5

Ita koalia kona ba mundu foun nebee sei mai. Mundu foun nee laos foo ba anju sira mak ukun.

Ebreu 4:14

Nee duni ita tenki kaer metin ita nia fiar. Tanba ita iha nai-lulik boot ida. Nia tama tiha ona too iha Nai Maromak nia futar oin. Nia mak Jesus, Maromak nia Oan.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.