Efezu 1:18 - Biblia Tetun Dili

¹⁸ Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Efezu 1:18 Iomraidhean Croise

Mateus 13:15

Tanba povu nee nia fuan toos tiha ona, sira lakohi rona ho sira nia tilun, sira nia matan taka metin. Se lae, sira bele haree ho sira nia matan, bele rona ho sira nia tilun, bele komprende iha sira nia laran. I sira fila fali mai Hau, nunee Hau sei kura sira.’

Marcos 10:17

Bainhira Jesus atu sai ona, ema riku ida halai mai hasoru Jesus. Nia hakneak iha Jesus nia oin, hodi husu, “Mestri mak hau respeita, Ita Boot mak diak. Hau atu husu buat ida nunee: Hau tenki halo saida, para hau bele hatene loloos katak hau bele tama lalehan i moris hamutuk ho Nai Maromak?”

Lucas 24:45

Depois Nia loke sira nia hanoin para sira bele komprende didiak Livru Sagradu.

Apostolu sira nia Istoria 16:14

Ida naran Lídia, hosi sidade Tiatira. Senhora nee faan hena koor uvas nebee folin karu teb-tebes. Nia hamtauk ona ba Nai Maromak. Bainhira nia rona Paulo nia liafuan, Maromak loke nia laran hodi simu kedas buat nebee Paulo koalia.

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Roma 11:29

Tanba bainhira Maromak foo Nia grasa, Nia nunka foti fila fali. I bainhira Nia bolu ema ida sai Ninian, Nia nunka nega fali.

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

Galasia 5:5

Maibee Maromak nia Espiritu halo ita laran metin katak, Maromak deklara ita moris loos ona tanba ita fiar ba Jesus Kristu.

Efezu 1:11

Maromak halao buat hotu-hotu tuir Nia hakarak. Hori uluk kedas Nia hili ona ita sai Nia ema hodi sai neon ida laran ida ho Kristu.

Efezu 1:7

Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Efezu 2:12

Iha tempu nebaa, imi dook hosi Kristu. Imi hanesan ema lao rai, la iha direitu atu halo parte iha Nai Maromak nia povu Israel, i la tama iha promesa nebee Maromak halo ba sira. Imi hela iha mundu nee, la iha relasaun ida ho Maromak, i esperansa ba moris rohan-laek mos la iha.

Efezu 3:16

Maromak nia kbiit boot teb-tebes, i Nia laran diak teb-tebes. Nunee Hau harohan atu Nia Espiritu foo kbiit ba imi hodi hametin imi nia laran.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 4:4

Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Efezu 5:8

Uluk imi moris iha nakukun laran. Maibee agora, imi laran ida ho Nai Jesus i tama ona iha naroman. Nee mak imi tenki moris hanesan ema nebee moris iha naroman.

Filipi 3:14

Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tanba Kristu Jesus mate mai hau.

Kolose 1:12

Ami harohan para imi foo agradese bebeik ba Aman Maromak ho laran haksolok. Nia mak loke dalan para imi bele simu bensaun nebee Nia prepara tiha ona ba Nia povu santu iha lalehan. Nia hasai tiha ita hosi forsa nakukun nia ukun, hodi hatama ita ba iha Nia Oan doben Jesus Kristu nia reinu naroman.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

Kolose 1:5

Imi nia fiar ho imi nia domin nee buras tanba imi hein ho laran metin atu simu bensaun nebee Maromak prepara tiha ona ba imi iha lalehan. Imi fofoun rona kona ba bensaun nee bainhira imi rona Maromak nia Novidade Diak. Liafuan nee loos

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

Kolose 3:15

Kristu foo paz ba imi. Entaun husik Nia paz nee domina imi nia laran. Tanba imi halo parte hamutuk iha isin lolon ida, i Maromak bolu imi para moris iha dame nia laran. I sempre agradese ba Maromak.

1 Tesalonika 2:12

Ami foo konselhu ba imi hodi hametin imi nia laran, i husu bebeik ho laran tomak ba imi hodi moris tuir Maromak nia hakarak. Tan Nia mak liurai boot, nebee bolu imi sai Nia reinu hodi simu respeitu hamutuk ho Nia.

1 Tesalonika 5:8

Maibee ita la bele nunee. Ita moris iha naroman laran, nee duni, ita tenki matan moris neon nain, fiar nafatin ba Jesus i hadomi malu. Fiar ho domin nee hanesan besi belar nebee tropas sira uza hodi taka sira nia hirus matan iha funu laran. Ita mos tenki laran metin nafatin katak Nai Jesus salva ona ita. Nee hanesan kapaseti nebee tropas sira taka ba ulun.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

1 Timóteo 6:12

Luta para fiar metin ba Maromak i sempre halo tuir Nia Liafuan. Agora kaer metin o nia fiar no simu moris rohan laek, nebee Maromak hili o no o deklara iha ema barak nia oin ona.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Tito 3:7

Tanba Jesus nia grasa, mak Nia deklara dehan, “Ema nee moris loos ona”. Nunee ita sai Nia oan no hetan direitu hodi simu moris rohan laek. Ida nee mak ita nia rikusoin.

Ebreu 10:32

Keta haluha tempu uluk, bainhira imi foin sai hosi nakukun hodi moris iha naroman nia laran. Iha tempu nebaa, imi hetan terus ho susar oi-oin, maski nunee imi hamriik metin nafatin.

Ebreu 6:4

Tanba ema nebee fiar ona ba Kristu, se karik too ikus sira fila kotuk ba Nia, entaun ita atu lori sira husik fali sira nia sala, la bele ona. Tanba sira hetan ona naroman hosi Nai Maromak, sira koko ona bensaun lalehan nian, i sira simu ona Espiritu Santu.

1 Pedro 1:3

Mai ita hahii Nai Maromak! Nia mak ita nia Nai Jesus Kristu nia Aman. Nai Maromak hadomi teb-tebes ita, too Nia foo moris foun mai ita. Ita bele simu moris foun nee tanba Nia halo moris fali ona Jesus Kristu hosi mate. Nunee agora ita moris nakonu ho esperansa

1 Pedro 3:9

Se ema ruma halo aat ba imi, la bele halo aat fali ba sira. Se ema ruma hatete aat imi, la bele hatete aat fali sira, maibee foo bensaun ba sira, tanba Nai Maromak bolu imi atu halo nunee para imi mos hetan bensaun.

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.