Efezu 1:11 - Biblia Tetun Dili

¹¹ Maromak halao buat hotu-hotu tuir Nia hakarak. Hori uluk kedas Nia hili ona ita sai Nia ema hodi sai neon ida laran ida ho Kristu.

Efezu 1:11 Iomraidhean Croise

Apostolu sira nia Istoria 13:48

Bainhira ema sira nebee laos Judeu rona nunee, sira kontenti teb-tebes. Sira hahii Nai Maromak dehan, “Maromak nia Novidade diak teb-tebes!” I ema sira nebee mak Nai Maromak desidi ona para hetan moris rohan laek, sira hotu fiar ba Nai Jesus.

Apostolu sira nia Istoria 2:23

Maibee imi oho tiha Nia; imi tau lia ba ema aat sira hodi prega Nia ba krus too mate. Nee tenki sai nunee duni, hodi kumpri Nai Maromak nia planu hori uluk kedas.

Apostolu sira nia Istoria 20:27

Hau foo hatene ona Maromak nia hakarak hotu ba imi. La iha tan buat ida ke hau la foo sai ba imi.

Apostolu sira nia Istoria 20:32

Agora ita atu fahe malu ona. Nunee hau entrega imi hotu ba iha Maromak nia liman, atu Nia kuidadu imi. Imi tenki kaer metin liafuan nebee mak hau foo sai ona ba imi kona ba Maromak nia grasa. Liu hosi liafuan nee, Nai Maromak bele halo forti imi nia fiar, i sei foo ba imi buat hotu-hotu nebee Nia promete ona atu foo ba Nia povu.

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Apostolu sira nia Istoria 4:28

Maibee buat sira nee hotu, hodi kumpri Maromak nia planu, i kumpri buat nebee mak Maromak desidi tiha ona hori uluk.

Roma 11:34

See mak bele hatene Maromak nia hanoin? See mak iha kbiit hodi foo konselhu ba Nia?

Roma 8:17

Se ita sai ona Maromak nia oan, nee dehan katak aban-bainrua ita sei simu eransa rikusoin nebee mak Maromak rai hela ba Nia oan sira, hanesan mos Kristu simu. Naran katak ita mos hola parte iha Kristu nia terus, para aban-bainrua Maromak bele foti aas ita hanesan mos Nia foti aas Kristu.

Roma 8:28

Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.

Roma 8:29

Tanba hosi hahuu fofoun, Maromak konhese ona ita i hili ita para sai hanesan Oan Jesus Kristu nia imajen. Ho nunee Jesus mak Oan boot hosi maun alin sira hotu.

Roma 8:30

Ita nebee Maromak desidi ona hosi hahuu, Nia hili sai Nia ema. Ita nebee Nia bolu ona nee, Nia simu hodi deklara katak ita moris loos ona iha Maromak nia prezensa. I ita nebee Nia simu ona, Nia mos foti aas.

Roma 9:11

Molok labarik sira nee moris, sira seidauk halo buat diak ka buat aat, maibee Maromak hatete ona ba Rebeca, “Maun sei serbii ba nia alin.” Nee hatudu katak, bainhira Maromak hili ema ida, Nia la haree ba ema nee nia hahalok, maibee Nia hili tuir Nia planu rasik.

Galasia 3:18

Se Maromak foo bensaun ba ita tanba ita tuir lei relijiaun, entaun ita la simu ona bensaun tuir Maromak nia promesa. Maibee laos hanesan nee! Maromak foo bensaun ba Abraão tanba Nia promete tiha ona atu foo ba nia.

Efezu 1:14

Tanba Maromak foo ona Nia Espiritu Santu mai ita, mak ita laran metin katak, Nia sei foo tan buat hotu-hotu nebee Nia promete ona, i sei hasai Nia povu hosi sira nia sala hotu. Foti aas Nai Maromak nia naran. Nunee ema hotu-hotu foo onra no gloria deit ba Nia!

Efezu 1:18

Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Efezu 1:5

Nee mak Nia desidi ona hori uluk kedas atu foti ita sai Nia oan. I Jesus Kristu mak halo Nia desizaun nee sai realidade. Nee hotu tuir Maromak nia hakarak rasik, i halo Nia laran haksolok.

Efezu 1:8

Tanba Nia hadomi teb-tebes ita, Nia mos loke ita nia neon para ita bele komprende didiak Nia hakarak.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 3:11

Nai Maromak sei halo buat sira nee hotu tuir planu nebee Nia desidi tiha ona molok Nia halo mundu nee. I Nia foo planu nee ba ita nia Nai Jesus Kristu mak halao.

Kolose 1:12

Ami harohan para imi foo agradese bebeik ba Aman Maromak ho laran haksolok. Nia mak loke dalan para imi bele simu bensaun nebee Nia prepara tiha ona ba Nia povu santu iha lalehan. Nia hasai tiha ita hosi forsa nakukun nia ukun, hodi hatama ita ba iha Nia Oan doben Jesus Kristu nia reinu naroman.

Kolose 3:24

Tanba Kristu mak Nai, imi mak Nia atan. Keta haluha, aban-bainrua Nia sei selu imi nia kolen hodi foo bensaun nebee Nia promete tiha ona.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Tito 3:7

Tanba Jesus nia grasa, mak Nia deklara dehan, “Ema nee moris loos ona”. Nunee ita sai Nia oan no hetan direitu hodi simu moris rohan laek. Ida nee mak ita nia rikusoin.

Ebreu 6:17

Nunee mos ho Nai Maromak. Nia hakarak para ema nebee simu Nia promesa nee, hatene momoos katak buat nebee Nia promete ona sei la muda. Tanba nee, Nia hametin Nia promesa ho juramentu.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

1 Pedro 1:4

hodi hein atu simu rikusoin nebee mak Maromak prepara ona ba ita iha lalehan. Rikusoin nee nunka mohu, nunka aat, i nunka menus.

1 Pedro 3:9

Se ema ruma halo aat ba imi, la bele halo aat fali ba sira. Se ema ruma hatete aat imi, la bele hatete aat fali sira, maibee foo bensaun ba sira, tanba Nai Maromak bolu imi atu halo nunee para imi mos hetan bensaun.