Efezu 1:10 - Biblia Tetun Dili

¹⁰ Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

Efezu 1:10 Iomraidhean Croise

Jenesis 49:10

O nee sei kaer ukun. O nia jerasaun sira mos sei kaer ukun tutuir malu, too iha ida mak iha direitu liu hodi tuur kaer ukun nee. I nasaun sira hotu sei hakruuk i rona ba Nia.

Mateus 25:32

Depois ema hosi nasaun hotu-hotu sei mai halibur iha Hau nia oin, i Hau sei haketak ema sira nee ba grupu rua, hanesan bibi atan haketak bibi malae ho bibi.

Marcos 1:15

Iha nebaa Nia hatete dehan, “Rona mai! Agora tempu too ona. Ema hotu-hotu bele hatene katak Maromak nia reinu mai ona. Tanba nee, imi tenki husik ona imi nia sala, no fiar ba Nia Novidade Diak.”

1 Korintu 10:11

Buat nebee akontese ba sira nee hanesan ezemplu ida mai ita atu la bele halo tuir sira. I ema hakerek para foo hanoin mai ita nebee moris iha tempu ikus.

1 Korintu 11:3

Agora hau hakarak atu imi komprende buat nebee tuir mai nee: Mane sira nia ulun mak Kristu, feen sira nia ulun mak sira nia laen, i Kristu nia ulun mak Nai Maromak.

Galasia 4:4

Maibee too nia tempu, Nai Maromak haruka Nia Oan mai. Iha feto ida mak tuur ahi Maromak nia Oan nee, i nia Oan moris tuir lei relijiaun Judeu nian.

Efezu 1:22

Nai Maromak halo buat hotu-hotu hakruuk ba Kristu, i foti Kristu sai Ulun ba igreja hodi ukun buat hotu-hotu, atu nunee Nia bele tulun ema sira nebee fiar ba Nia.

Efezu 2:15

Uluk, lei relijiaun Judeu ho nia regra bar-barak haketak ema Judeu hosi ema nebee laos Judeu. Maibee ho Kristu nia mate, Nia hakotu lei no regra sira seluk nee, atu nunee ema Judeu ho ema nebee laos Judeu hamutuk laran ida ho Nia. Ho nunee Kristu halo povu rua nee sai povu ida nebee moris iha dame nia laran.

Efezu 3:15

Nia mak Aman ba familia hotu-hotu iha lalehan ho rai.

Efezu 3:2

Imi rona ona katak, Nai Maromak foo fiar mai hau halo serbisu nee ba imi tanba Nia laran diak mai hau.

Kolose 1:16

Tanba liu hosi Kristu, Nai Maromak halo lalehan ho rai ho buat hotu-hotu iha laran, buat nebee ita ema bele haree, ho mos buat nebee ita la bele haree. Nia halo ukun nain sira, liurai sira, autoridade ho espiritu boboot sira nebee kaer ukun iha fatin nebee ita la haree. Nai Maromak halo buat hotu-hotu liu hosi Kristu, hodi foo ba Kristu.

Kolose 1:20

Liu hosi Kristu nia mate, Nai Maromak halo buat hotu-hotu dame fali ho Nia. Kristu nia raan fakar too mate iha krus, para halo buat hotu-hotu iha lalehan ho iha rai bele diak malu fali ho Maromak.

Kolose 3:11

Iha moris foun nee, ita la fihir ona ema. Atu ema Judeu ka laos Judeu, sunat ka la sunat, ema lao rai ka ema fuik, atan ka livre, buat sira nee la importante. Maibee importante mak Kristu. I Kristu hela iha ita ida-idak nia laran.

Ebreu 1:2

Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.

Ebreu 11:40

Nee tanba Maromak halo tuir nia promesa nebee Nia desidi ona atu halo buat diak liu tan mai ita. Nia hakarak para sira nebee moris uluk ita hein ita nebee moris agora, hodi halo ita hotu moris hamutuk iha Kristu.

Ebreu 9:10

Tanba regra kona ba oferta ho sakrifisiu so koalia kona ba isin lolon nian deit, hanesan haan-hemu ho serimonia hamoos aan. Maski nunee maibee regra sira nee lao nafatin too Nai Maromak hatuun Nia aliansa foun.

1 Pedro 1:20

Uluk liu, molok Nai Maromak halo mundu nee, Nia hili tiha ona Kristu atu selu kotu imi. Agora, mundu besik atu remata ona, foin Nai Maromak haruka Kristu mai para tulun imi.

Apokalipse 5:9

Sira hotu hananu kanta foun ida hanesan nee: “Ita Boot mak serve simu livru lulun nee hodi loke nia karimbu fatin, tanba ema oho tiha ona Ita Boot. Hodi Ita Boot nia raan, Ita Boot sosa kotu ona ema sira nee hosi suku, lian, povu ho nasaun hotu-hotu para sai Nai Maromak nia povu.