Ebreu 8:6 - Biblia Tetun Dili

⁶ Maibee serbisu nebee Jesus simu aas liu fali nai-lulik hotu-hotu iha mundu nee. I Maromak nia aliansa nebee Jesus nudar mediador lori mai ita mos diak liu fali Maromak nia aliansa ba ita nia bei-ala sira.

Ebreu 8:6 Iomraidhean Croise

Lucas 22:20

Bainhira sira haan hotu ona, Jesus foti tan tua kopu ida hodi dehan, “Tua nee hatudu Maromak nia promesa foun nebee Nia halo ho imi. Promesa nee sei sai realidade tanba Hau nia raan sei fakar ba imi.

Roma 9:4

Tanba sira nee ema Israel, Maromak hili ona sira sai Nia oan. Nia hatudu Nia naroman nabilan ba sira. Nia halo promesa oi-oin ho sira i foo Nia lei ba sira. Nia hanorin sira oinsaa atu adora Nia, i promete buat barak ba sira.

Efezu 2:12

Iha tempu nebaa, imi dook hosi Kristu. Imi hanesan ema lao rai, la iha direitu atu halo parte iha Nai Maromak nia povu Israel, i la tama iha promesa nebee Maromak halo ba sira. Imi hela iha mundu nee, la iha relasaun ida ho Maromak, i esperansa ba moris rohan-laek mos la iha.

1 Timóteo 2:5

So iha Maromak mesak ida deit. I so iha Ema ida deit mak bele halo dame ita ema ho Nai Maromak. Ema nee mak Kristu Jesus.

Tito 1:2

Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

Ebreu 12:24

Imi mai ona iha Jesus. Nia mak sai mediador hodi lori Nai Maromak nia aliansa foun mai ita ema, i Nia raan fakar too mate hodi salva ita. Nunee Nia raan nee diak liu Abel nian.

Ebreu 7:22

Tanba Maromak jura nunee, Jesus halo ita nia laran metin katak Maromak sei kumpri duni Nia promesa ida nebee forsa liu nee.

2 Pedro 1:4

Hosi Nia forsa ho Nia diak nee mak Nia foo mai ita promesa nebee boot ho folin teb-tebes. Hodi Nia promesa nee mak ita bele livre tiha hosi hakarak aat hotu-hotu nebee estraga ema iha mundu nee nia moris, i ita nia laran bele sai santu.