Ebreu 8:3 - Biblia Tetun Dili

³ Nai-lulik boot hotu-hotu tenki hasae oferta ho sakrifisiu ba Nai Maromak. Nee mak Jesus mos tenki hasae buat ruma hanesan sakrifisiu.

Ebreu 8:3 Iomraidhean Croise

João 6:51

Hau mak Paun nebee lori moris, nebee tuun mai hosi lalehan. Bainhira Hau mate, Hau entrega Hau nia isin para ema hotu iha mundu nee bele moris. I ema nebee haan Paun nee, sira hetan moris rohan laek.”

Roma 4:25

Nia entrega Jesus ba ema oho tanba ita ema nia sala. Depois Maromak halo moris fali Nia, atu nunee Maromak bele deklara ita moris loos ona no hadame fali ita ema ho Nia.

Roma 5:6

Iha tempu nebee mak ita nia fiar sei fraku i la iha kbiit atu salva aan, iha tempu nee mak Kristu mate iha ita nia fatin tuir tempu nebee Maromak desidi.

Roma 5:8

Maibee Maromak hatudu Nia domin boot mai ita liu hosi Kristu mate iha ita nia fatin, bainhira ita sei moris hela iha sala nia laran.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Efezu 5:2

Hadomi malu, hanesan mos Kristu hadomi ita, too Nia foo Aan ba mate hodi troka ita. Ho Nia mate nee Nia sai hanesan sakrifisiu morin nebee halo haksolok Nai Maromak.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 2:17

Tanba nee, Jesus tenki sai hanesan loloos Nia alin sira, para Nia bele sai nai-lulik boot ida nebee hadomi ho komprende teb-tebes ita hodi serbii Nai Maromak ho laran tomak. Nia foo Nia aan hanesan sakrifisiu para Maromak bele hamoos ita ema nia sala.

Ebreu 3:1

Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

Ebreu 5:1

Bainhira Maromak hili ema ida atu sai nai-lulik boot, Nia sempre hili ema ida hosi povu nia leet hodi foti nia sai povu nia reprezentante iha Maromak nia oin. Nai-lulik boot nia serbisu mak hasae povu nia oferta ba Maromak i oho animal nebee povu lori hanesan sakrifisiu para hamoos sira nia sala.

Ebreu 7:27

Nai-lulik sira seluk tenki oho animal loro-loron halo sakrifisiu. Sira hasae uluk sakrifisiu atu hamoos sira nia sala rasik, hotu tiha mak foin hasae fali sakrifisiu hodi hamoos povu nia sala. Maibee Jesus entrega Nia Aan hodi sai sakrifisiu dala ida deit. Nee too ona para Maromak hamoos ema hotu-hotu nia sala too tinan ba tinan.

Ebreu 8:4

Se karik Jesus agora iha mundu, entaun Nia sei la sai nai-lulik, tanba iha tiha ona nai-lulik para foo oferta ho sakrifisiu ba Nai Maromak tuir lei Moisés nian.

Ebreu 9:14

Se animal nia raan bele halo ema moos fali, saa tan Kristu nia raan! Tanba ho Espiritu nebee rohan-laek nia tulun, Kristu foo Nia Aan ba Maromak nudar sakrifisiu ida ke santu. Nee mak Nia raan hamoos ita nia hanoin para ita livre hosi hahalok nebee mak lori ita ba mate, atu nunee ita bele adora Maromak nebee Moris.